logo

иҷтимоиёт

РӮЗГОРЕ БАРОИ ИБРАТ

Дар Китобхонаи давлатии бачагонаи ба номи Мирсаид Миршакар вохӯрии яке аз ходимони барҷастаи давлатӣ Низорамоҳ Зарифова бо хонандагону донишҷӯёни пойтахт  баргузор гардид.  Ёдовар мешавем, ки солҳои панҷоҳуми асри ХХ, дар замоне ки занҳо ба озодиву истиқлол тоза ноил шуда буданду аз маҳви бесаводӣ ба сӯи илму дониш мешитофтанд, Мамлакат Наҳангова, Бӯринисо Бердиева ва Низорамоҳ Зарифова барин занҳои қавиирода дар вазифаҳои баланди роҳбарӣ кор карда, қишри муҳими пешбарандаи ҷомеа будани бонувонро собит намуданд.
- Дар замони Ҷанги Бузурги Ватанӣ Низорамоҳро мебоист ҳамчун котиби Созмони ҷавонони шаҳри Кӯлоб мушкилоти ҷавонони ин минтақаро ҳал намояд, ба фронт ёрӣ расонад, на танҳо ҷавонписаронро, балки духтарони болаёқату шуҷоъро ҷисману рӯҳан ба ҷанги зидди фашизм омода кунад, ҷавонони шаҳрро ҳар лаҳза аз вазъи майдонҳои муҳориба огоҳ созад ва дар баробари ин садҳо супоришҳои дигари давлативу ҷамъиятиро ба сомон расонад, - изҳор дошт Латофати Кенҷа.
Ҳамин минвол, Низорамоҳ Зарифова ба вазифаҳои пурмасъулияттар таъйин мешуд. Бино ба гуфтаи қаҳрамони мо, яке аз воқеаҳои таърихии рӯзгори ӯ иштирокаш дар Шӯрои Олии Иттиҳоди Шӯравӣ дар Маскав буд. Ин зани дурандеш ҳарчанд қабл аз ин аз минбарҳои баланд сухан гуфта бошад ҳам, ин бор суханронии ӯ тамоман рангӯ бӯи дигар дошт. Зеро Низорамоҳ бояд масъалаи бунёди Неругоҳи  барқи обии Норакро ба миён гузошта, назди намояндагони кишварҳои дигари шӯравӣ аз ҳар ҷиҳат манфиатбахш ва зарур будани ин сохтмони бузургро собит месохт.
Он суханрониро Низорамоҳ чунин ба ёд овард: «Бо тамоми кӯшишу ғайрат ҳаяҷони ботиниву зоҳирии худро пахш карда, бо лаҳни каме сактадори русӣ ҳарф мезадам ва вобаста ба тобиши маъноии ҷумлаҳо баъзе аз онҳоро бо қатъият ва хитобдору гиро мегуфтам, то бовару эътимоди ҳозиронро ба даст оварда бошам. Чун суханам поён ёфт, шурӯъ аз раиси вақти Ҳукумати Иттиҳоди Шӯравӣ А. Н. Косигин то вакилони халқ ҳамагӣ кафкӯбӣ карда, ҳамовозии худро барои сохтмони НБО Норак баён доштанд».
Солҳои дароз дар корҳои роҳбарӣ будани Низорамоҳ як тараф буду раиси Шӯрои занони ҷумҳурии тозаистиқлоли Тоҷикистон буданаш як тараф. Ӯ солҳои ҷанги шаҳрвандӣ азхудгузаштагиҳову ҷонбозиҳо нишон дода, дар пойдории сулҳу амният ва барқарорсозии сохти конститутсионӣ ҷаҳду талош кард. Аз ҷумла, ба шаҳри Хоруғ парвоз карда, аз он ҷо то ба бунгоҳи Дарвоз омад ва аз дасти силоҳбадастон мошинҳои пурбори ёрии башардӯстонаро раҳо карда, ба Душанбе овард. Ин мардонагии Низорамоҳ Зарифова ҳанӯз вирди забонҳост.
Қиссаҳои ҷолиби рӯзгори ин бонуи барнодилу зарофатгӯ ба ҷавонону наврасони ҷамъомада як ҷаҳон маъниву таассурот эҳдо намуда, бори дигар неъмати бузург будани ваҳдат ва оромишу осоиши кишварро талқин намуд. Ҷамъомадагон аз забони шоҳиди воқеаҳои таърихӣ огоҳ шуданд, ки ин сулҳу амният ва истиқлолият ба осонӣ даст надодааст.
Дар вохӯрӣ, ҳамчунин, китоби нави Латофати Кенҷа «Соҳиббиҳишт» ки аз воқеаҳои ибратбахши рӯзгори Низорамоҳ Зарифова нақл мекунад, муаррифӣ гардид.
Бузургмеҳри БАҲОДУР,
«Ҷумҳурият»


Баёни ақида (0)    Санаи нашр: 13.07.2017    №: 146    Мутолиа карданд: 496

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»


Дар сомонаҳои дигари Тоҷикистон хонед