logo

сиёсат

ТАҶРИБАИ НОДИР ДАР НИЗОМИ ҚОНУНГУЗОРИИ МУОСИР

Баргузории мулоқоти Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба муносибати 10 - солагии қабули Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” роҳи наверо дар амри таҳкими зиндагии шоистаи мардум ва риояи муқаррароти ин санади муҳим  боз намуд.
Воқеан, дар таърихи қонунгузории Ҷумҳурии Тоҷикистон давоми даҳсолаи охир таҷрибаҳои тозае рӯи даст гирифта шуданд, ки дар навбати аввал ба сарчашмаҳои маънавӣ ва фарҳангии миллати мо такя мекунанд. Ба ибораи дигар, ҳукми қонун гирифтани бархе аз падидаҳои ахлоқӣ ва инсонӣ, ки сарчашма дар сиёсати маънавибунёди Пешвои муаззами миллат доранд, таҷрибаи нодире дар низоми қонунгузории муосири ҷаҳонӣ ба шумор меравад.
Таъкид намудан бамаврид аст, ки ин бор низ дар суханронии хеш Сарвари давлат сарчашмаҳои маънавии қонунро дар заминаи китоби муқаддаси Қуръони карим, аҳодиси набавӣ, суханони арзишманди пешвои мазҳабии мо – Имом Абуҳанифа ва каломи бузургони ниёкони шарафманди хеш амиқан таҳлил намуда, бори дигар зарурати қабули онро шарҳу тавзеҳ доданд. Аз ҷумла, зикр шуд, ки “Яке аз сабабҳои қабули қонуни мазкур аз он иборат буд, ки бо пайдо шудани равияҳои мазҳабии дорои хусусияти ифротӣ ва вусъат гирифтани тарғиботи зарарнок тавассути баъзе шабакаҳои интернет дар кишвар зуҳуроти бегонапарастиву тақлид ва хатар ба забону фарҳанг, бахусус, расму оинҳои миллӣ ва ҳатто тарзи либоспӯшии мардуми мо, аз ҷумла занон торафт қувват гирифта, таассубу зиёдаравӣ ҳангоми баргузории як қатор маросиму маъракаҳо ба ҳукми анъана даромада буд”. Тааммул дар ҷаҳвари ин андешаи шоистаи Пешвои миллат нуктаеро барои мо равшан месозад, ки дар ҳақиқат, хеле аз оину суннат ва маросимҳои марбут ба фарҳанги миллии мо, ки бо назокатҳои ба худ хос ва шеваҳои ҷолиб дар таркиби фарҳанги хонаводагии мардуми тоҷик аз даврони куҳан ҷой доштанд, мутаассифона, бар асари фарҳанги бегона бархе аз асолатҳои худро аз даст доданд. Масалан, дар гузашта маросимҳои домодталбон, ҳатто оинҳои миллии гаҳворабандону мӯйсаргирон чун таркиби барҷастаи фарҳанги хонаводагии мардум дар муҳити хона бо назокатҳои хосаи хеш ҷараён мегирифт ва ҳар яке маънӣ ва мазмуни ахлоқиву фалсафӣ касб мекард. Гаҳворабандон бо усули ҷолиб ва маънии ба худ хос дар хона рамзан аз сӯи модарбузург ё бонуи солманде бо умеди ба синну соли ҳамон нафар расидан ҷараён мегирифт ва баробари дар фурсати хеле кӯтоҳ ҷараён гирифтан, дар доираи аҳли хонавода баргузор мешуд. Ҳамчунин, маросими домодталбон низ дар доираи хонавода дар хонаи арӯс бо маънии шинос намудани аҳли хонаводаи онҳо бо фарзанди нав, ки ин амр заминаи барҷастаи бархӯрдорӣ аз фарҳанги ахлоқии онро таҷассум мекунад, сурат мегирифт.
Бо таассуф, маҳз таъсири фарҳанги бегона ва унсурҳои дигари замонавӣ буд, ки дар марҳалаи нав ин оинҳои ҷолиби фарҳанги миллии мо ба сурати як маросими оммавӣ табдил ёфта, ҳатто дар тарабхонаву тӯйхонаҳо бо дабдаба баргузор мешуданд. Ҳарчанд қонуни Ҷумҳурии  Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” ба чунин шакли оммавӣ ва серхарҷ баргузор намудани ин оинҳоро манъ намуд, аммо ишорат шуд, ки бархе аз мардум ҳанӯз ҳам ин талаботи қонунро риоя намекунанд. Барҳақ, риоя накардани талаботи қонун дар ин ҳолат дар баробари ба зиёдаравиву исрофкорӣ роҳ додан, ҷиҳати аз миён рафтани асолати чунин ҷашну оинҳои воқеан миллӣ ва мардумии мо мешавад.
Таҳлилҳое, ки дар суханронии Сарвари давлат дар мавриди аҳамияти қабули қонун ва самараи он ба таъмини некуаҳволии мардум, инчунин, таъсири он ба тафаккури маънавӣ ва ахлоқии ҷомеа анҷом ёфтаанд, аз он дарак медиҳанд, ки риояи талаботи қонун, воқеан, вазъи иҷтимоиву иқтисодии мардумро такони тоза бахшида, анҷоми амалҳои хайр, аз ҷумла дастгирии ятимону бепарасторон, баргузор намудани тӯю маросимҳои аҳолии ниёзманд сол ба сол афзун мегардад.
Дар ҳақиқат дастуру ҳидоятҳои навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар заминаи таҳлили амиқи зарурат ва аҳамияти сиёсииву иқтисодӣ, иҷтимоӣ, маънавиву ахлоқии қабули қонуни мазкур баён гардиданд,  бори дигар моро бар он раҳнамоӣ хоҳанд кард, ки дар амри риояи бечунучарои талаботи қонун, тақвияти корҳои тарғиботӣ, боло бурдани фарҳанги сарфакорӣ иқдом намоем. Зеро ба таъбири Пешвои миллат “Мо дар якҷоягӣ метавонем ин амри виҷдонии хешро дар ҳаёт татбиқ намоем ва соҳиби зиндагии аз имрӯза шоиставу беҳтар гардем”.
Нуралӣ НУРЗОД,
номзади илмҳои филологӣ


Баёни ақида (0)    Санаи нашр: 13.07.2017    №: 146    Мутолиа карданд: 640

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад


Дар сомонаҳои дигари Тоҷикистон хонед