logo

сиёсат

ҚОНУНИ ТАНЗИМ. АЗ ИҶРОИ РИСОЛАТИ ТАЪРИХӢ ТО ДУРНАМОИ МАНФИАТҲОИ ИҚТИСОДӢ

Мусаллам аст, ки расму оин ва ҷашну маросимҳо ҳамчун мероси гаронбаҳои маънавӣ марҳалаҳои гуногуни имтиҳони таърихӣ - иҷтимоиро гузашта, то ба даврони истиқлолият расиданд, ки «нигоҳдориву арҷгузорӣ ба ин ганҷинаи бебаҳо вазифаи ҳар як фарди соҳибватан мебошад».
Дар мулоқоти Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба муносибати 10 - солагии қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» дастовардҳои муҳими марҳалаи сипаришуда - ҳифзи арзишҳои фарҳанги миллӣ, танзими суннатҳои диниву мардумӣ, табақабандии муваффақонаи анъана ва ҷашну маросимҳои миллию мазҳабӣ, пешгирии хурофоту таассуб, худнамоиву зоҳирпарастӣ, исрофкориву зиёдаравӣ ва эҷоди низому тартиботи ягонаи баргузории чорабиниҳои милливу мардумӣ баҳогузорӣ гардид. Ба таъкиди Пешвои муаззами миллат, санади мазкур рисолати  таърихии худро ҷиҳати ҳимояи манфиатҳои иқтисодиву иҷтимоии мардум  собит сохт ва барои якнаво кардани расму оинҳои маҳалҳои гуногуни кишвар заминаҳои устувор омода гардид. Коҳиш додани хароҷоти нолозим сатҳи камбизоатиро дар байни 10 сол аз 53 дарсад то 30 дарсад кам кард.
Ба шарофати амали ҳамин қонун гузариш ва гардиши сифатан нав «аз татбиқи стратегияи паст кардани сатҳи камбизоатӣ ба татбиқи стратегияи баланд бардоштани сатҳи некуаҳволӣ имконпазир гардида, ҳоло нақшаи то 50 дарсад расондани табақаи миёнаи аҳолӣ амалӣ шуда истодааст». Ин ҷиҳати мусбати масъала фаъолнокии иҷтимоии шаҳрвандонро бамаротиб афзун гардонд ва дар байни онҳо тафаккури андӯхти сармояи худиро ташаккул дод. Яъне, ҳар шахсе, ки машғулияте дорад, ба масъалаҳои худнамоӣ дар баргузории ҷашну маросимҳо, вақти худро барои шунидани ақидаҳои ифротӣ сарф кардан ва пойбанди масҷиду меҳроб будан аслан таваҷҷуҳ зоҳир намекунад.
Тавассути амали қонун дар байни мардум таҷдиди назар ба арзишҳои фарҳанги миллӣ, маданияти гузарондани маъракаҳо ва мудирияти дақиқи чорабиниҳо ба вуқӯъ пайваст, муносибати мардум доир ба осон гирифтани баргузории маросиму маъракаҳо боло гирифт. Дар натиҷа сарфаи умумӣ аз ҳамаи намуди маъракаву маросимҳо ба беш аз 18 миллиард сомонӣ баробар шуда, афзоиши даромади буҷети оилаҳо ба мушоҳида расидааст.
Дар марҳалаи сипаришуда фаъолияти эҳсонкорӣ ва баргузории маъракаҳои хайриявӣ ба ҳукми анъана даромад, дастгирии оилаҳои камбизоат ва ятимону муҳтоҷон, гузарондани маросиму маъракаҳои дастаҷамъона зиёд гардид. Фаъолияти башардӯстонаи ашхоси сарватманд ба ҷанбаҳои миллию мазҳабии фарҳанги тоҷикон дурахши тоза зам намуд. Мафҳуми садақаи ҷория татбиқи маънои васеи худро дар ҷомеаи шаҳрвандии кишвар пайдо кард. Вале ҳанӯз ҳам, ҷой доштани ҳолатҳои пурдабдаба дар гузарондани тӯю маъракаҳо ва хароҷоти бемаврид ҳамчун воситаи худнамоиву шуҳратпарастӣ ва риёкорӣ аз масоили ташвишовар арзёбӣ мешаванд. Баъзан аз ҷониби мансабдорон ва шахсони масъули соҳа қонуншиканӣ иттифоқ афтодааст, ки боиси коста шудани обрӯи муассиса ва хизматчии давлатӣ  дар ҷомеа мегардад.
Бо назардошти ин, дар ҷамъбасти суханронӣ Пешвои муаззами миллат зикр намуданд, ки «Вобаста ба рушди ҷомеа ва ҳимояи манфиатҳои шаҳрвандон зарурати такмили Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ба миён омадааст». Ниҳодҳои дахлдор вазифадор шуданд, ки дар асоси хоҳишу дархостҳои сершумори аҳолии кишвар тартиби ворид намудани тағйиру иловаҳоро таҳия намоянд. Бовар дорем, ки бо ворид намудани тағйиру иловаҳо ба ин қонуни миллӣ ва риояи бечунучарои муқаррароти он мо соҳиби зиндагии аз имрӯза шоиставу беҳтар мегардем.
Файзулло БАРОТЗОДА,
директори Маркази исломшиносӣ дар назди Президенти Ҷумҳурии Тоҷикистон


Баёни ақида (0)    Санаи нашр: 18.07.2017    №: 149    Мутолиа карданд: 366

20.07.2018


Мулоқоти Исматулло Насредин бо Йоҳаннес Петерлик

Тоҷикистону Ӯзбекистон: хироҷи роҳ аз байн меравад

Кумитаи кор бо ҷавонон ва варзиш озмуни стипендияҳои Президенти Ҷумҳурии Тоҷикистонро эълон кард

Ҳамаи хатмкардагон бо ҷои кор таъмин мешаванд

РУСТАМИ ШОҲМУРОД: "ВОҲИДҲОИ КОРӢ НАМЕРАСАНД"

ВАКОЛАТДОР ОИД БА ҲУҚУҚИ ИНСОН. САТҲИ МАЪРИФАТИ ҲУҚУҚИИ ШАҲРВАНДОН БОЛО МЕРАВАД

ХАДАМОТИ ЗИДДИИНҲИСОРӢ. САБАБИ БОЛОРАВИИ НАРХИ СӮЗИШВОРИРО ШАРҲ ДОД

КУМИТАИ МЕЪМОРӢ ВА СОХТМОН. САНҶИШ НИШОН ДОД, КИ...

ДДТТ ДАР ҚАТОРИ ДАҲГОНАИ БЕҲТАРИН МАКТАБҲОИ ОЛӢ

НАВОБОД. ИФТИТОҲИ МАРКАЗИ ХИЗМАТРАСОНИИ БОНКӢ

19.07.2018


Мулоқоти Исматулло Насредин бо Томас Гремингер

Баррасии масъалаи ҳифзу нигоҳдории оби пок

Эълони озмун бо мақсади дастгирӣ ва ҳавасмандии ҷавонони соҳибистеъдод

КУМИТАИ РУШДИ МАҲАЛ. РОҲАНДОЗИИ РЕЙТИНГИ МИЛЛИИ ФАЗОИ САРМОЯГУЗОРӢ

ПЕШГИРИИ ВОРИДОТИ 42,8 ТОННА МОҲИИ ПАСТСИФАТ

ГЕОЛОГИЯ. НИЗОМИ РАҚАМӢ ҶОРӢ МЕШАВАД

ҶОЙИ КОР МУШКИЛИИ № 1 - И ХАТМКУНАНДАГОН

САТҲИ ПАСТИ ДОНИШ БОИСИ ХОРИҶ ГАРДИДАНИ ДОНИШҶӮЁН ШУД

ЛЕВАКАНТ. ОЗМУНЕ БАРОИ ИБРАТ

КӮЛОБ 1,2 МИЛЛИОН СОМОНӢ БАРОИ ИСТЕҲСОЛИ ЛИБОСИ МАКТАБӢ

18.07.2018


ФЕСТИВАЛИ ТОБИСТОНАИ ДУШАНБЕ. ИҚДОМИ НАВ ҶИҲАТИ РУШДИ САЙЁҲӢ ВА ФАРОҒАТИ МЕҲМОНОНУ СОКИНОН

12 ҲАЗОРУ 482 ҶИНОЯТ ДАР ШАШ МОҲ

ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ДМТ. ҲАМКОРИҲОИ БАЙНАЛМИЛАЛӢ ГУСТАРИШ МЕЁБАНД

БАРНОМАИ ДАВЛАТИИ ЭКОЛОГӢ МАРҲИЛА БА МАРҲИЛА ТАТБИҚ МЕГАРДАД

ШАҲРИ ВАҲДАТ. МАҲСУЛОТИ САНОАТӢ 3 МИЛЛИОН СОМОНӢ АФЗУД

Варзиш

17.07.2018


Мулоқоти Қоҳир Расулзода ва Абдулло Орипов дар Фарғона

Ҷаласаи мушовараи мақомоти корҳои дохилӣ баргузор шуд

Ҷумҳурии Мардумии Чин дар Тоҷикистон 3 мактаби нав месозад

Мунтахаби Тоҷикистон – ғолиби мусобиқаи Ҷоми шаҳрдории Остона

Ҷаҳон дар як сатр

Путин гуфтушунид бо Трампро бобарор номид

Трамп аз натиҷаҳои вохӯриаш бо Путин нақл кард


Дар сомонаҳои дигари Тоҷикистон хонед