logo

сиёсат

ДАСИСАКОРӢ ВАТАНДОРӢ НЕСТ!

Вазъи ҳассоси минтақа ва ҷаҳони муосир моро ҳушдор медиҳад, ки нисбат ба вазъи иҷтимоию сиёсии кишвар нигоҳи дақиқтар ва таҳлилҳои амиқтар дошта бошем. Пеш аз ҳама, бояд нисбат ба неруҳо ва омилҳои дохилие, ки метавонанд зери нуфузи таъсиргузорони хориҷӣ қарор гирифта, боиси ташаннуҷи вазъи ҷомеа гарданд, мавқеи ҷиддитару қотеонаро пайгирӣ кард. Зеро худкомагиву безимомии ин неруҳо имкони дахолати бештар ва густурдатареро ба неруҳои манфиатҷӯи бегона фароҳам хоҳад овард.
Вазъи мураккаби сиёсӣ дар ҳавзаи давлатҳои арабӣ далели рӯшани ин гуфтаҳост. Зери таъсири чунин неруҳо буд, ки гурӯҳи террористии “Давлати исломӣ” ба майдон омад ва имрӯз ин аъҷубаи заҳҳоктабор мағзҳои ҷавононро мехӯрад. Афсуншудагони хирадгумкарда ба ин гурӯҳ шомил шуда, худро ба коми оташ меандозанд. Ҳикмати фаридуниву ҷуръати коваёнӣ мебояд то мағзҳои ҷавонони моро аз афсуни ин махлуқи заҳҳоктабор вораҳонад.
Дар кишвари мо низ неруҳое мавҷуд буданду ҳастанд, ки метавонанд боиси ташаннуҷи вазъи ҷомеа гарданд. Махсусан, собиқ ҲНИТ, ки ба тафовут аз ниҳодҳои дигари тундрави динӣ қаблан дар кишвари мо иҷозати фаъолияти расмиро дошт, баъди қатъи фаъолияти худ ва паноҳ бурдан ба хориҷаву пайвастан бо гурӯҳҳои ифротӣ, аз ҷумла "Гурӯҳи 24" ҳанӯз ҳам дар андешаи ноором кардани вазъи ҷомеаи кишвар аст.
Гузашти замон маълум кард, ки ҳизби мазкур аслан тавонмандии назарӣ ва амалии саҳмгузорӣ дар рушди иқтисодӣ ва иҷтимоии кишварро надошт. Он бо вуҷуди ба даст овардани иҷозаи фаъолияти расмӣ усулан натавонист ҷойгоҳи устувореро дар арсаи сиёсии кишвар касб намояд.
Дар тӯли таърих аҷдоди соҳибдавлату соҳибмақоми мо ҳар шикасте, ки дидаанд ва давлатдориҳое, ки аз даст додаанд, дар робита ба хиёнатҳо ва нифоқҳои дохилӣ будааст, ки мо имрӯз аз онҳо бояд сабақи таърихӣ гирем. Аз ин рӯ, ба хотири бақои миллату ҳифзи Истиқлолияти давлатӣ, таҳкими амну суботи сиёсии кишвар ва рушди рӯзафзуни он моро лозим аст, ки баҳри бартараф кардани тамоми омилҳои низоу ташаннуҷ дар ҷомеаи худ саъю талош варзем.
Собиқ ҲНИТ ва гурӯҳҳои дигари ифротии кишвар аз қабили чунин ниҳодҳои тундраве мебошанд, ки омилҳои ташаннуҷро дар ҷомеаи мо ба вуҷуд овардан мехоҳанд ва бо истифода аз сарпарастиву ҳимояи муғризонаи хоҷагони бурунмарзиашон, ки дигар ниқоб аз чеҳра барафкандаанд, ҳанӯз ҳам барои тира кардани фазои ақидатии ҷомеаи мо талошҳои беҳуда меварзанд. Воқеан, ҷоиз ва муносиб нест, ки як гурӯҳи маҳдуди ҷомеа арзишҳои умумиҷамъиятиро танҳо ба худ мансуб донад ва фақат худро ҳомии он хонад. Бо ҳамин асос дуруст нест, ки собиқ ҲНИТ ҳамчун як гурӯҳи террористӣ ба нафъи худ аз арзишҳои исломӣ ва эътиқоди кулли мардуми Тоҷикистон суистифода намояд, хоса дар мавриде, ки вазъи мураккаби сиёсии минтақа ва тафриқаангезиҳои неруҳои манфиатҷӯи байналмилалӣ аз мо беш аз ҳарвақта ҳушёрии сиёсиро тақозо дорад.
Баъзан масъулони ҲНИТ зимни мусоҳибаву нишастҳо дар хориҷи кишвар худро яке аз ду қутби тавозуни истиқрори сулҳ ва кафили ваҳдати миллӣ дар Тоҷикистон муаррифӣ мекунанд ва ба ин васила ҳушдор додан мехоҳанд, ки дар сурати ба эътибор нагирифтани мавқеи онҳо чанбараки амну субот дар ҷомеаи мо мувозинати худро гум хоҳад кард. Ин ғайр аз ҳангомасозӣ ва бузургтарошӣ чизи дигаре нест, зеро ин ҳизби мамнӯъ на фақат акнун, балки ҳатто дар даврони ҳассосияти вазъи сиёсии солҳои 90-уми асри гузашта низ натавониста буд ҳадди ақал шинохтатарин рӯҳониёни кишварро дар сафҳои худ ба ҳам орад. Пас чӣ гуна метавон муътақид шуд, ки ин ҳизб хостаҳои оммаи васеи мардумро дар кишвар муаррифӣ мекунад ва намояндаи қисмати аъзами мардуми кишвар аст?
Давлат, ки муҳимтарин дастгоҳи ҳифзи бақо ва рушди миллат аст, амонатест, ки онро ба дасти ҳар гурӯҳи сиёсии тасодуфие набояд дод. Ҳар гурӯҳи сиёсие, ки ин амонатро ба даст овард, муваззафу масъул аст, ки онро ҳифз кунад, барои боло бурдани мақому манзалаташ талош варзад ва неруҳои ватанпарасту худогоҳро барои идомаи умури давлатдорӣ тарбият намояд.
Эҳёи давлатдории миллӣ ва истиқлолияти сиёсии кишвар муҳимтарин дастоварди миллати мо дар тӯли ҳазор соли охир аст, ки ҳифзу таҳким бахшидани он қарзи имониву виҷдонӣ ва масъулияти фавқулодаи шаҳрвандии мост. Аз ин рӯ, бо назардошти ҳассосияти вазъи сиёсии ҷаҳон моро лозим аст, ки нисбат ба омилҳои нооромкунанда дар кишвар ва бартараф кардани онҳо иқдом намоем.
Назрӣ АСАДЗОДА,
Аълочии маориф ва илми Ҷумҳурии Тоҷикистон


Баёни ақида (0)    Санаи нашр: 26.07.2017    №: 157    Мутолиа карданд: 707

28.01.2020


Иқтидори энергетикии кишвар рӯ ба афзоиш дорад

Азнавбақайдгирӣ. Ҷараёни иҷро нигаронкунанда боқӣ мемонад

Тоҷикистону Эрон. Ҳамкориҳои гумрукӣ таҳким меёбанд

Ноҳияи Рӯдакӣ. Саноатикунонӣ дар мадди аввал

СММ ИМА ва Россияро ба тамдиди созишномаи ССҲ-3 даъват намуд

Аксарияти нафароне, ки мубталои коронавирус шуданд, аз 60 - сола боло мебошанд

Дар Қазоқистон бо офияти занҳое машғул мешаванд, ки аз Сурия баргаштанд

Ҳамлаи малах ба Африқои Ҷанубӣ боиси нигаронии сахти СММ шуд

Ҷаҳон дар як сатр

27.01.2020


«ҶОМИ РУШД - 2020». Наврасони тоҷик соҳиби медалҳои нуқра гаштанд

Заминларзаи сахт дар Туркия ва ҳалокати 38 нафар

Зеленский аҳамияти музокироти бевосита бо Путинро таъкид дошт

Гуфтушуниди Лукашенко дар бораи хариди нафт бо ИМА, АМА ва Арабистони Саудӣ

Дар ИМА музокироти тиҷоратӣ бо Британияро дар як сол анҷом доданианд

Ҷаҳон дар як сатр

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст


Дар сомонаҳои дигари Тоҷикистон хонед