logo

иқтисод

ТОҶИКОБОД. АВЛАВИЯТ БА ИСТЕҲСОЛИ АСАЛ

Бо истифода аз боду  ҳавои мусоид ва гулу гиёҳҳои гуногунранги барои парвариши занбӯри асал мувофиқ дар ноҳия шумораи оилаҳои  занбӯри асал ба 5130 адад расонда шудааст.
Шароитҳои  фароҳамнамудаи Ҳукумати кишвар барои кишоварзон низ имкон медиҳад, ки сафи хоҷагиҳои занбӯриасалпарвар  ҳамасола афзоиш ёбад. Занбӯриасалпарварони  ноҳия имсол ният доранд, ки ҳаҷми истеҳсоли асалро ба  100 тонна расонанд. Мувофиқи маълумоти оморӣ, онҳо соли гузашта 94,5 тонна асал истеҳсол намудаанд. 
Шохӯҷа Акбаров,  занбӯриасалпарвари номдори  ноҳия, изҳор дошт, ки ӯ ин касбро аз хурдсолӣ аз падараш омӯхта, дар ҷодаи мазкур  37 сол боз заҳмат мекашад. Номбурда ҳамасола  дар озмунҳои асалпарварони ноҳия ва ҷумҳурӣ ширкат менамояд ва  бо тамъи хушу сифати баланди маҳсулоташ сазовори ҷойҳои намоён мегардад.
 - Ҳоло аз ҳар оилаи занбӯр 20 - 25 килограмм асал мегирам.   Онро  бо нархи дастрас ба фурӯш бароварда,  талаботи рӯзгорамро таъмин менамоям, - гуфт ӯ.
Бо вуҷуди ниҳоят сард омадани зимистони гузашта  рушди соҳаи истеҳсоли асал дар ноҳия назаррас мебошад ва оилаҳои занбӯри талафёфта аз нав барқарор гардиданд. Асал маҳсулотест, ки новобаста аз мавсим ҳамеша харидори худро дорад. Дар замони муосир онро дар  муолиҷаи зиёда аз 100  беморӣ истифода мекунанд.
Бинобар ин, фурӯши маҳсулоти занбӯри асал (асал, муми хонаи занбӯри асал, гарди гул, шири модарзанбӯр, заҳри занбӯр ва ғайра) дар дохил ва хориҷи кишвар боиси даромади зиёд, ворид гардидани асъори хориҷӣ ва ба ин васила беҳбудӣ ёфтани сатҳи зиндагии мардум мегардад. Пешрафти соҳаи тиб нишон дод, ки дар қатори мум, гард ва асал заҳри занбӯри асал низ шифобахш аст. Масалан, дар Булғористону Русия зимни гузарондани санҷиш муайян гардид, ки бо роҳи занбӯргазонӣ 92 дарсади  беморони остеохондроз, 95 дарсади  беморони радикулит ва  85 дарсади  артрит шифо ёфтаанд.
Аз тарафи Ҳукумати ҷумҳурӣ  дар ҳамкорӣ бо ташкилотҳои молиявию иқтисодӣ дар ноҳия ҳамасола барои рушди соҳаи занбӯриасалпарварӣ барномаҳои зиёд роҳандозӣ мегарданд. Ҳамчунин, ба ин кор занони хонашин ҷалб мешаванд. Соли гузашта дар ноҳия ба 20 зан 5 – оилаи  занбӯри асал бо маводи зарурӣ тақдим гардид. Иқдоми мазкур имкон дод, ки оилаҳои камбизоат ба касби сердаромади муносиб фаро гирифта шаванд ва зиндагии хешро аз ин ҳисоб таъмин созанд. Ҳоло сафи бонувони асалкор пайваста меафзояд.
Дилшод АМИРОВ,  «Ҷумҳурият»


Баёни ақида (0)    Санаи нашр: 02.08.2017    №: 162    Мутолиа карданд: 288

19.07.2018


Мулоқоти Исматулло Насредин бо Томас Гремингер

Баррасии масъалаи ҳифзу нигоҳдории оби пок

Эълони озмун бо мақсади дастгирӣ ва ҳавасмандии ҷавонони соҳибистеъдод

КУМИТАИ РУШДИ МАҲАЛ. РОҲАНДОЗИИ РЕЙТИНГИ МИЛЛИИ ФАЗОИ САРМОЯГУЗОРӢ

ПЕШГИРИИ ВОРИДОТИ 42,8 ТОННА МОҲИИ ПАСТСИФАТ

ГЕОЛОГИЯ. НИЗОМИ РАҚАМӢ ҶОРӢ МЕШАВАД

ҶОЙИ КОР МУШКИЛИИ № 1 - И ХАТМКУНАНДАГОН

САТҲИ ПАСТИ ДОНИШ БОИСИ ХОРИҶ ГАРДИДАНИ ДОНИШҶӮЁН ШУД

ЛЕВАКАНТ. ОЗМУНЕ БАРОИ ИБРАТ

КӮЛОБ 1,2 МИЛЛИОН СОМОНӢ БАРОИ ИСТЕҲСОЛИ ЛИБОСИ МАКТАБӢ

18.07.2018


ФЕСТИВАЛИ ТОБИСТОНАИ ДУШАНБЕ. ИҚДОМИ НАВ ҶИҲАТИ РУШДИ САЙЁҲӢ ВА ФАРОҒАТИ МЕҲМОНОНУ СОКИНОН

12 ҲАЗОРУ 482 ҶИНОЯТ ДАР ШАШ МОҲ

ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ДМТ. ҲАМКОРИҲОИ БАЙНАЛМИЛАЛӢ ГУСТАРИШ МЕЁБАНД

БАРНОМАИ ДАВЛАТИИ ЭКОЛОГӢ МАРҲИЛА БА МАРҲИЛА ТАТБИҚ МЕГАРДАД

ШАҲРИ ВАҲДАТ. МАҲСУЛОТИ САНОАТӢ 3 МИЛЛИОН СОМОНӢ АФЗУД

Варзиш

17.07.2018


Мулоқоти Қоҳир Расулзода ва Абдулло Орипов дар Фарғона

Ҷаласаи мушовараи мақомоти корҳои дохилӣ баргузор шуд

Ҷумҳурии Мардумии Чин дар Тоҷикистон 3 мактаби нав месозад

Мунтахаби Тоҷикистон – ғолиби мусобиқаи Ҷоми шаҳрдории Остона

Ҷаҳон дар як сатр

Путин гуфтушунид бо Трампро бобарор номид

Трамп аз натиҷаҳои вохӯриаш бо Путин нақл кард

Ҳалокати мардуми осоиштаи афғон дар ҳоли афзоиш аст

Ҳангоми чемпионати ҷаҳон 25 миллион киберҳамла пешгирӣ шуд

16.07.2018


Мулоқоти Сироҷиддин Муҳриддин бо Пратибҳа Меҳта

Машварати муовинони вазирони корҳои хориҷии кишварҳои аъзои СҲШ

Баррасии тақвияти ҳамкориҳо бо Бонки ҷаҳонӣ

РОҒУН. Бунёди иншооти нав ба муносибати 30-солагии Истиқлолияти давлатӣ

ФАРОНСА – чемпиони ҷаҳон

Ҷаҳон дар як сатр

Трамп ҷонибдори роҳандозии муносибот байни ИМА ва Британия бо Русия ва Чин аст

Чин соли 2020 «қудрати донорӣ» мешавад


Дар сомонаҳои дигари Тоҷикистон хонед