logo

иҷтимоиёт

"ЧАШМА" ДАР ҶӮШ АСТ

Маросими кушодашавии мавсими нави истироҳатгоҳи «Чашма» дар деҳаи Зароби ноҳияи Деваштич ботантана гузашт.
Дар натиҷаи фаъолияти чандинсола истироҳатгоҳ таъмирталаб гардида буд. Масъулони соҳа, бинокорони хайрхоҳ ва шахсони саховатпеша барои ободии ин маскани истироҳатӣ хизмати нек карданд ва дар як муддати кӯтоҳ «Чашма» ба макони ободу зебо табдил ёфт. Таҷҳизоти зарурӣ насб шуда, ошхона ва ҳавзи шиноварӣ пурра бозсозӣ гардид.
Раиси ноҳия ба фаъолон ва шахсони саховатпеша, аз ҷумла раиси кумитаи маҳаллаи деҳаи Зароб Н. Сайдулло, имом - хатиби деҳаи Истиқлол Э. Алиқул, раиси хоҷагии деҳқонии «Манғит» Ш. Абдумавлон ва соҳибкорон А. Ғайрат ва М. Ҷамшед, ки хеле хуб фаъолият намуда, дар корҳои таъмиру тармими истироҳатгоҳ саҳми муносиб гузоштанд, аз номи мақомоти иҷроияи маҳаллии ҳокимияти давлатии ноҳия миннатдорӣ баён карда, бо ифтихорномаҳо қадршиносӣ намуд.
Бояд қайд кард, ки то ин дам дар назди 56 муассисаи таълимӣ 102 гурӯҳи истироҳатии рӯзонаи солимгардонӣ амал намуд. Инчунин, дар назди 11 муассисаи таълимӣ барои 480 нафар хонандагон майдончаҳои солимгардонии наздимактабӣ, дар 17 таълимгоҳ бо фарогирии 700 нафар хонанда гурӯҳҳои ёрирасон, дар 12 муассисаи таълимӣ бо фарогирии 300 нафар хонанда гурӯҳҳои ҷангалпарварӣ ва 34 муассисаи таълимӣ бо ҷалби 700 нафар хонанда гурӯҳҳои ҷамъоварии гиёҳҳои шифобахш ташкил карда шуданд.
Фароҳам овардани чунин шароит барои кӯдакону наврасон аз як тараф агар ба самаранок гузаштани таътили онҳо мусоидат намояд, аз тарафи дигар барои омӯхтану шинохтани навъҳои гиёҳҳои шифобахш, ҳифзи муҳити зист, шиноварӣ ва дигар намудҳои варзиш ёрӣ мерасонад.
- Оғози мавсими истироҳат ба иди ҳақиқии кӯдакону наврасон табдил ёфт. Дар ин чорабинӣ гулғунчаҳои санъат, ки имрӯз дар «Чашма» истироҳат менамоянд, бо барномаҳои фарҳангиву эҷодии масъулони бахши фарҳанги ноҳия омезиш ёфта, табъи ҳозиронро болида сохт, - изҳор дошт роҳбари истироҳатгоҳ Насиба Атавуллоева.
Истироҳатгоҳи «Чашма» маскани кашфи истеъдодҳо мебошад. Чанде пеш бо ибтикори бахши Иттифоқи нависандагони Тоҷикистон дар ноҳияи Деваштич вохӯрии шоирону нависандагони ноҳия бо кӯдакону наврасон доир гардид. Аз шеъру сурудхонии кӯдакону наврасон пай бурдан мумкин буд, ки «Чашма» - чашмаи илҳоми кӯдаконро ба ҷӯш овардааст.
Озода НАБИЕВА,
ноҳияи Деваштич


Баёни ақида (0)    Санаи нашр: 03.08.2017    №: 163    Мутолиа карданд: 102

21.08.2017


Ассотсиатсияи нархгузорӣ таъсис ёфт

Ҷаҳон дар як сатр

Полиси Барселона гумонбари асосии амали террористиро ҷустуҷӯ дорад

Русия дар кори расондани ёрии башарӣ аз ҷумлаи пешсафони дунёст

Қирғизистон метавонад худро бо шакар таъмин созад

Инқилоби гази тахтасангӣ дар Чин

ИМА баъди торумори «ДИ» дар Сурия монданӣ нест

18.08.2017


Мулоқоти Сироҷиддин Аслов ва Лучиано Калестини

Тоҷикистон ба панҷгонаи кишварҳои осонтарин низоми гирифтани раводид шомил шуд

Ҷаласаи XV Шӯрои байнидавлатии ИДМ доир хоҳад шуд

Беморхонаи вилоятии Кӯлоб бо таҷҳизоти муосири тиббӣ таъмин гардид

"СУМАЯ" коргоҳи нави дӯзандагӣ дар Лахш

Теъдоди зарардидагони амали террористӣ дар Барселона аз 100 нафар гузашт

Сулҳу салоҳ дар Сурия ибтидои барқарорсозии муносибати ИМА бо Русия мегардад

Трамп тасмими ба Гуам мушак напарронданро оқилона хонд

Дар Қирғизистон 41 довталаби курсии президентӣ аз имтиҳони забон гузашт

Харҷи кишварҳои ҷаҳон барои киберамният меафзояд

16.08.2017


ДУШАНБЕ. ОМОДАГӢ БА БУЗУРГТАРИН ҶАШНИ МИЛЛӢ ВУСЪАТ МЕГИРАД!

«Бӯстон - 2017» дар Сангвор

Ҷаҳон дар як сатр

Пекин тадбирҳои якҷонибаи Вашингтонро беҷавоб нахоҳад монд

Арабистони Саудӣ ва Ироқ пас аз 27 сол сарҳадро боз мекунанд

Дар бозори Нигерия зани маргталаб худро тарконд

Қазоқистон то 170 ҳазор донишҷӯи хориҷиро омӯзонда метавонад

Чин калонтарин дар дунё неругоҳи барқи офтобиро ба кор даровард

Пекин ба ҳалли сиёсии қазияи Кореяи Шимолӣ умедвор аст

Халифа Ҳафтар: «90 дарсади сарзамини Либия аз террористон озод гардид»

Зиёда аз 600 ҳазор гуреза ба Сурия баргашт

Боздошти мубаллиғи эҳтимолии гурӯҳи террористӣ дар Қирғизистон

Қазоқистон ба мардуми қирғиз ёрии башарӣ мерасонад

Варзиш

14.08.2017


Густариши ҳамкориҳои Душанбеву Тошканд дар мубориза бо ҷинояткорӣ

Лоиҳаи нав ҷиҳати тарғиби дороиҳои сайёҳии кишвар

«Суғдсинамо" филми нав бо номи «Тангно»-ро пешниҳод менамояд


Дар сомонаҳои дигари Тоҷикистон хонед