logo

иқтисод

ҚОЛИНБОФӢ. СУРЪАТИ РУШД - 200 ДАРСАД

Қолинбофӣ қисми таркибии соҳаи саноати сабук ба ҳисоб рафта, солҳои охир марҳила ба марҳила рушд менамояд. Агар соли 2010 ҳаҷми истеҳсоли қолинҳо ва маснуоти қолинӣ 558 ҳазор метри мураббаъро ташкил карда бошад, пас ин нишондод дар соли 2016 то 1 миллиону 705 ҳазор метри мураббаъ афзуд, яъне 3,5 маротиба зиёдтар.
Пас аз қабули «Барномаи рушди қолинбофӣ дар Ҷумҳурии Тоҷикистон барои солҳои 2014 - 2020» шумораи корхонаҳои саноатие, ки қолин истеҳсол мекунанд, ба 11 адад расид.
Давоми моҳҳои январ - июни соли равон аз ҷониби корхонаҳои соҳаи қолинбарорӣ 1254 ҳазор метри мураббаъ қолин ва маснуоти қолинӣ истеҳсол шудааст, ки нисбат ба ҳамин давраи соли сипаришуда 610 ҳазор метри мураббаъ зиёд мебошад. Суръати афзоиш наздики 200 дарсадро ташкил дод. Чунин болоравии истеҳсолӣ барои соҳа бесобиқа аст. Барои баланд бардоштани сифат, паст намудани арзиши аслии маҳсулоти истеҳсолшаванда (қолин ва маҳсулоти қолинӣ) ва рақобатпазирӣ дар бозори истеъмолӣ дар ҶСК «Қолинҳои Қайроққум» дастгоҳу таҷҳизоти муосири насли нав васл карда шудаанд. Дар нимсолаи аввали соли равон дар корхонаи мазкур 892 ҳазор метри мураббаъ маҳсулоти қолинӣ истеҳсол шудааст, ки ин нисбат ба ҳамин давраи соли гузашта 250 ҳазор метри мураббаъ зиёд буда, суръати афзоиш 140 дарсадро ташкил медиҳад.
ҶДММ «Тоҷ - Фейза» - и ноҳияи Рӯдакӣ бо ширкати туркӣ барои ворид намудани дастгоҳҳои муосири бофандагӣ ба маблағи 170 ҳазор доллари ИМА шартнома ба имзо расонда, онҳоро васлу насб намудааст. Иқтидори истеҳсолии солонаи корхонаи мазкур зиёда аз 500 ҳазор метри мураббаъро ташкил дода, дар ҳолати пурра ба истифода додани он то 200 сокини маҳаллӣ бо ҷойи нави корӣ таъмин хоҳад шуд. Дар ин муддат аз ҷониби корхонаи мазкур 219 ҳазор метри мураббаъ маҳсулоти қолинӣ истеҳсол шудааст. Инчунин, ҶДММ «Мавлонои Румӣ» - и ноҳия низ 3 таҷҳизоти олисифати қолинбофии ширкати «Ван - де - Вил» - и Белгияро харида васлу насб намуд. Бо пурра ба кор даромадани иқтидорҳои истеҳсолӣ дар корхонаи мазкур зиёда аз 100 нафар сокини маҳаллӣ бо ҷойи нави корӣ таъмин мегардад. Дар муддати шаш моҳ аз ҷониби корхонаи мазкур 255 ҳазор метри мураббаъ маҳсулоти қолинӣ истеҳсол шудааст.
Ҳукумати Ҷумҳурии Тоҷикистон барои рушди қолинбофӣ пайваста тадбирҳои судманд роҳандозӣ менамояд. Аз 15 то 30 дарсад баланд бардоштани маблағи боҷҳои гумрукӣ барои маҳсулоти тайёри қолинии воридотӣ ва арзон кардани  боҷҳои гумрукии воридоти ашёи хом барои истеҳсоли қолинҳо бо мақсади дастгирии истеҳсолгарони ватанӣ ба афзоиши бесобиқаи истеҳсолӣ мусоидат кард. Ҳоло ба масъулони вазорату идора, ташкилоту муассисаҳои буҷавӣ, инчунин, дигар барномаю лоиҳаҳое, ки аз буҷети давлатӣ маблағгузорӣ мегарданд, тавсия шудааст, ки барои эҳтиёҷоташон маҳсулоти соҳибкорони ватаниро харидорӣ намоянд.
Бо ҳамин мақсад - дастгирии истеҳсолгарони маҳаллӣ ва тарғибу ташвиқи маҳсулоти ватанӣ дар тамоми минтақаҳои кишвар намоишҳои маҳсулоти қолинӣ доир мешаванд. Аз ҷумла, соли равон дар боғи Ирами шаҳри Душанбе, Боғи фарҳангии шаҳри Кӯлоб ва назди Театри вилоятии ба номи Ато Муҳаммадҷонови шаҳри Қӯрғонтеппа намоишҳо доир гардиданд, ки дар онҳо зиёда аз 25 ҳазор метри мураббаъ қолин бо нархҳои  назар ба бозор аз 25 то 30 дарсад арзон ба фурӯш рафт.
Шаҳбоз АБРОР, «Ҷумҳурият»


Баёни ақида (0)    Санаи нашр: 07.08.2017    №: 165    Мутолиа карданд: 145

16.10.2017


Ҳамоиши навбатии Шӯрои тиҷоратии ИМА-Тоҷикистон

Низомиддин Зоҳидӣ Абделҷалил Сабуриро ба ҳузур пазируфт

Мубодилаи таҷрибаҳо байни Тоҷикистон ва Фаронса

Ҳамкориҳо дар соҳаи маориф бо Озарбойҷон густариш меёбанд

Истиқрори дипломатӣ бо Гренада ба роҳ монда шуд

Ҷаҳон дар як сатр

Дар амали террористии Сомалӣ 276 нафар қурбон гашт

Раққа аз ҷангиёни «ДИ» озод карда шуд

Пешгирии амали террористӣ дар Афғонистон

Дар Қирғизистон президенти навро интихоб карданд

Боздошти омӯзгори террорист дар Ҷалолобод

13.10.2017


Баррасии масоили мубрами тақвияти ҳамкориҳо

Мулоқоти Рамазон Раҳимзода бо донишҷӯёни ДМТ

Густариши муносибатҳои фарҳангии Тоҷикистону Ӯзбекистон

Вохӯрӣ бо вазири иқтисоди Озарбойҷон

12.10.2017


Баррасии масоили муҳими ҳамкорӣ

Муаррифии имкониятҳои сармоягузории Фонди сабзи иқлимӣ

Аббосалӣ Гасанов: «Тоҷикистон фарҳанги бою ғании худро ба дигар миллатҳо тарғиб кунад»

Вохӯрии Рустам Солӣ бо Азад Рагимов

МАВОДИ НАШЪАОВАР. Боз 311 килограмм ба коми оташ рафт

11.10.2017


Интиқоди Азим Иброҳим аз сатҳи омодагӣ ба давраи зимистон дар вилояти Хатлон

Баргузории ҷаласаи Шӯрои вазирони корҳои хориҷии ИДМ

Масъалаҳои таъмини амнияти иттилоотию озуқаворӣ матраҳ мегарданд

Баррасии масъалаҳои вобаста ба рушди соҳаи нассоҷӣ ва дӯзандагӣ

"Ҳафтаи соҳибкорон - 2017" дар Донишкадаи соҳибкорӣ ва хизмат

10.10.2017


Давлаталӣ Саид: «Тоҷикистон барои ҷалби сайёҳони хориҷӣ иқтидори воқеӣ дорад»

Баргузории ҷаласаи Шӯрои рушди тарбияи ҷисмонӣ ва варзиш

Барқарорсозии ҳамкориҳо бо Бонк де Франс

Дар Хуҷанд «Маркази савдои Ӯзбекистон» ифтитоҳ гардид

Саидҷамол Саидов барандаи Ҷоми Президент

09.10.2017


Баррасии роҳҳои баланд бардоштани амнияти озуқаворӣ

Тавсеаи ҳамкориҳои парлумонии Тоҷикистону Беларус

Таъсиси Фонди бозтамвил

Мулоқот бо вазири мудофиаи Озарбойҷон


Дар сомонаҳои дигари Тоҷикистон хонед