logo

иқтисод

МАЙДОНЧАИ НАВИ ВАРЗИШӢ ДАР МАҲАЛЛАИ 104

Дар доираи омодагиҳо ба таҷлили 26 - солагии Истиқлолияти давлатии Ҷумҳурии Тоҷикистон ва тадбирҳо бахшида ба Соли ҷавонон дар маҳаллаи 104 - и ноҳияи Синои шаҳри Душанбе иншооти варзишӣ ва фарҳангию фароғатӣ сохта ба истифода дода шуд. Дар он барои истироҳату фароғат ва варзишу бозии кӯдакон шароити мусоид фароҳам аст.
Бино ба иттилои раёсати иттилоот ва робитаҳои хориҷии дастгоҳи раиси шаҳр, Рустами Эмомалӣ, раиси шаҳри Душанбе, зимни шиносоӣ бо майдончаи варзишии мазкур ба сифати корҳои иҷрогардида таваҷҷуҳи махсус зоҳир намуд. Ӯ таъкид кард, ки ин ва дигар иншооти сохташаванда дар пойтахт барои истироҳату фароғати сокинони шаҳр, ба варзиш ва тарзи ҳаёти солим фаро гирифтани наврасону ҷавонон пешбинӣ гардида, бояд солҳои зиёд ба мардум хизмат расонанд.
Як бахши майдончаи варзишӣ барои машқу тамрини нафарони дорои имконияти маҳдуд бунёд гардидааст. Дар маросими ифтитоҳи майдонча ба варзишгарони имконияташон маҳдуд туҳфаҳои мақомоти иҷроияи ҳокимияти давлатии шаҳр тақдим гардиданд.
Раҳматшо Камолов, директори муассисаи давлатии нигоҳдошт ва истифодабарии иншооти варзишии оммавии шаҳр, зимни суҳбат гуфт, ки майдончаи варзишӣ ва бозии кӯдакон туҳфаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Соли ҷавонон ба сокинони маҳаллаи 104 мебошад. Иншооти мазкур, ки дар масоҳати қариб 6 ҳазор метри мураббаъ доман паҳн кардааст, аз майдончаҳои универсалии муҷаҳҳаз бо таҷҳизоти зарурии футбол, волейбол, баскетбол, бозию дилхушии кӯдакон, нишастгоҳҳо барои истироҳату фароғат ва айвон барои гузарондани расму анъанаҳо иборат буда, бо дастури Сарвари давлат аз ҷониби КВД «Сементи тоҷик» бо маблағи беш аз як миллиону 50 ҳазор сомонӣ сохта шуд. Майдонча мувофиқи реҷа ба сокинони шаҳрак ба таври ройгон хизмат мерасонад.
Ифтитоҳи майдончаи мазкурро ҷавонони маҳалла ҳамчун туҳфаи арзанда дар Соли ҷавонон бо қаноатмандӣ қабул карданд.
- Бо бунёди ин ва дигар иншооти варзишӣ ва фарҳангию  фароғатӣ дар шаҳраку маҳаллаҳои Душанбе дар баробари фароҳам омадани шароити арзанда барои истироҳату фароғати сокинон, ба варзиш машғул шудани ҷавонону наврасон ва бозию дилхушии кӯдакон гӯшаҳои гуногуни пойтахт ободу зебо мегарданд. Ин яке аз ҳадафҳои созандаи роҳбарияти шаҳр дар самти мутобиқ намудани пойтахти кишвар ба меъёрҳои муосири шаҳрсозӣ ба шумор меравад, - илова намуд Р. Камолов.
Шаҳбоз  АБРОР, «Ҷумҳурият»


Баёни ақида (0)    Санаи нашр: 07.08.2017    №: 165    Мутолиа карданд: 89

21.08.2017


Ассотсиатсияи нархгузорӣ таъсис ёфт

Ҷаҳон дар як сатр

Полиси Барселона гумонбари асосии амали террористиро ҷустуҷӯ дорад

Русия дар кори расондани ёрии башарӣ аз ҷумлаи пешсафони дунёст

Қирғизистон метавонад худро бо шакар таъмин созад

Инқилоби гази тахтасангӣ дар Чин

ИМА баъди торумори «ДИ» дар Сурия монданӣ нест

18.08.2017


Мулоқоти Сироҷиддин Аслов ва Лучиано Калестини

Тоҷикистон ба панҷгонаи кишварҳои осонтарин низоми гирифтани раводид шомил шуд

Ҷаласаи XV Шӯрои байнидавлатии ИДМ доир хоҳад шуд

Беморхонаи вилоятии Кӯлоб бо таҷҳизоти муосири тиббӣ таъмин гардид

"СУМАЯ" коргоҳи нави дӯзандагӣ дар Лахш

Теъдоди зарардидагони амали террористӣ дар Барселона аз 100 нафар гузашт

Сулҳу салоҳ дар Сурия ибтидои барқарорсозии муносибати ИМА бо Русия мегардад

Трамп тасмими ба Гуам мушак напарронданро оқилона хонд

Дар Қирғизистон 41 довталаби курсии президентӣ аз имтиҳони забон гузашт

Харҷи кишварҳои ҷаҳон барои киберамният меафзояд

16.08.2017


ДУШАНБЕ. ОМОДАГӢ БА БУЗУРГТАРИН ҶАШНИ МИЛЛӢ ВУСЪАТ МЕГИРАД!

«Бӯстон - 2017» дар Сангвор

Ҷаҳон дар як сатр

Пекин тадбирҳои якҷонибаи Вашингтонро беҷавоб нахоҳад монд

Арабистони Саудӣ ва Ироқ пас аз 27 сол сарҳадро боз мекунанд

Дар бозори Нигерия зани маргталаб худро тарконд

Қазоқистон то 170 ҳазор донишҷӯи хориҷиро омӯзонда метавонад

Чин калонтарин дар дунё неругоҳи барқи офтобиро ба кор даровард

Пекин ба ҳалли сиёсии қазияи Кореяи Шимолӣ умедвор аст

Халифа Ҳафтар: «90 дарсади сарзамини Либия аз террористон озод гардид»

Зиёда аз 600 ҳазор гуреза ба Сурия баргашт

Боздошти мубаллиғи эҳтимолии гурӯҳи террористӣ дар Қирғизистон

Қазоқистон ба мардуми қирғиз ёрии башарӣ мерасонад

Варзиш

14.08.2017


Густариши ҳамкориҳои Душанбеву Тошканд дар мубориза бо ҷинояткорӣ

Лоиҳаи нав ҷиҳати тарғиби дороиҳои сайёҳии кишвар

«Суғдсинамо" филми нав бо номи «Тангно»-ро пешниҳод менамояд


Дар сомонаҳои дигари Тоҷикистон хонед