logo

иҷтимоиёт

ИШКОШИМ. БОНУВОНИ НОҲИЯ АТЛАСБОФӢ МЕОМӮЗАНД

Бо ташаббуси созмони ҷамъиятии «Ҷовид» дар маркази ноҳияи Ишкошим барои 18 нафар бонувон машғулиятҳои омӯзишӣ ҷиҳати аз худ намудани ҳунарҳои атласу адрасбофӣ ташкил карда шуд. Машғулиятҳо давоми як моҳ идома ёфта, мутахассисони соҳибтаҷриба нозукиҳои ин касбро ба бонувони шавқманд меомӯзанд. Ашам Холдорзода, муовини раиси ноҳия, мегӯяд, ки мақомоти иҷроияи маҳаллии ҳокимияти давлатӣ дастуру супоришҳои Пешвои миллатро ба роҳбарӣ гирифта,  дар самтҳои касбомӯзӣ, ташкили ҷойҳои нави корӣ ва эҳёи ҳунарҳои мардумӣ корҳои зиёдеро роҳандозӣ намуда истодааст.
Соли гузашта ду бонуи ҳунарманд - Насрин Отамбекова ва Заррина Шаҳбозова, ки дар тоқидӯзию гулдӯзӣ маҳорати хуб доранд, барои аз худ намудани касбҳои атласбофию адрасбофӣ ба ноҳияи Бобоҷон Ғафурови вилояти Суғд фиристода шуданд. Онҳо дар маркази атласу адрасбофии «Дугонаҳо» нозукиҳои ин касбро аз худ намуданд. Марказ ба онҳо як дастгоҳи адрасбофӣ ҳам туҳфа намуд. Абдураҳмон Қодирӣ, раиси вилояти Суғд, дар арафаи Ҷашни 20 - солагии Ваҳдати миллӣ ба бонувони ноҳия боз дуто чунин дастгоҳ тақдим кард.
Баъди бозгашт аз вилояти Суғд Насрин ва Заррина бо дастгирии мақомоти иҷроияи маҳаллии ҳокимияти давлатии ноҳияи Ишкошим коргоҳи хурд ташкил намуда, 10 нафар бонувони ҳунармандро ба кор ҷалб карданд. Дар фосилаи начандон тӯлонӣ бонувони ҳунарманд, ки аксарияташон ҷавонон мебошанд, зиёда аз 100 метр маҳсулот тайёр намуданд.
Ойгул Бобокова, мудири бахши кор бо занон ва оилаи мақомоти иҷроияи маҳаллии ҳокимияти давлатии ноҳия мегӯяд, ки хоҳишмандони аз худ кардани касбҳои бофандагию дӯзандагӣ хеле зиёданд. “Дар замони шӯравӣ ҳунарҳои мардумӣ, аз ҷумла тоқидӯзию ҷӯроббофӣ, гулдӯзию муҳрабофӣ қариб ба гӯшаи фаромӯшӣ рафта буданд. Талабот ба дастранҷи ҳунармандон набуд. Дар деҳот чанд нафар занони куҳансол ба дӯхтани тоқии шинами ишкошимӣ, муҳрабофию гулдӯзӣ машғул буданду халос. Маҳсули дасташон фақат дар тӯйҳои арӯсӣ истифода мешуд”, - афзуд О. Бобокова. Хушбахтона, замони соҳибистиқлолии кишвар ин шуғлҳо аз нав эҳё гардида, ба як риштаи сердаромади соҳибкорӣ мубаддал гаштанд. Бо соҳиб гардидани бонувони ноҳия ба грантҳои президентӣ барои рушди соҳибкорӣ теъдоди занону духтарони соҳибкоре, ки ба ҳунарҳои аҷдодӣ даст задаанд, ба маротиб зиёд гашт.
Раҳмони ГУЛЗОР, “Ҷумҳурият”


Баёни ақида (0)    Санаи нашр: 09.08.2017    №: 167    Мутолиа карданд: 207

21.02.2018


Вохӯрии Сироҷиддин Аслов бо Оле Йоҳан Бёрней

Ҷаласаи ситоди ҷумҳуриявӣ дар Вазорати кишоварзӣ

Баррасии масоили мубрами густариши ҳамкориҳо

Баргузории намоиши «Корвони ҳунар»

Ҷаҳон дар як сатр

СММ Туркияро ба қатъи амалиёти низомӣ дар Африн даъват намуд

Дар ИДМ 90 нафар барои маблағгузории терроризм ба даст афтод

Кушта шудани 24 полис аз дасти толибон

ДИ дар Афғонистон ва Покистон реша медавонад

Венесуэла соҳиби криптоасъори худ шуд

Samsung дроне баровард, ки бо нигоҳ идора мешавад

20.02.2018


Бизнес-форуми доираҳои соҳибкорӣ баргузор мешавад

Хисрав Соҳибзода бо Султон Саъд ал-Мурайхӣ мулоқот намуд

Дурнамои рушди сиёсати давлатии ҷавонон матраҳ мегардад

ҶДММ “Суғуртаи асри XXI” соҳиби иҷозатнома шуд

Ҷаҳон дар як сатр

Вячеслав Володин: «Дар Сурия миёни «ДИ» - ро Русия шикаст»

Гуфтушуниди Чин бо ҷудоихоҳони покистонӣ

Қазоқистон: «Шустан» - и $500 миллион ва 8 сол маҳрумӣ аз озодӣ

Барои барқарорсозии Мехико баъди заминҷунбӣ шаш сол зарур аст

19.02.2018


Сироҷиддин Аслов бо Валбурга Рос мулоқот намуд

Муносибатҳои тиҷоратию иқтисодӣ бо Япония густариш меёбанд

Фурудгоҳи байналмилалии Душанбе ба стандартҳои ҷаҳонӣ мутобиқ мешавад

Барориши нахустини коғазҳои қиматнок ба иқтисоди кишвар 500 миллион доллар ворид намуд

Нуъмон Абдуғаффорзода: "Ба шарофати имтиёзҳои андозию гумрукӣ инфрасохтори сайёҳӣ рушд меёбад"

Ҷаҳон дар як сатр

Масъулияти куштори одамон дар Қизлярро «ДИ» ба зимма гирифт

ИА воридсозии сулҳофарон ба Донбассро воситаи қатъи таҳрими зиддирусӣ мешуморад

Мексика дар 33 мунитсипалитет ҳолати фавқулода роҳандозӣ кард

Садамаи чархбол боиси марги 13 нафар гашт

Дар Венесуэла ҳавопаймо ба болои хона афтид

Варзиш

17.02.2018


Сироҷиддин Аслов бо Ясмин Гуедар мулоқот намуд

Баррасии рушди муносибатҳои Тоҷикистону Озарбойҷон


Дар сомонаҳои дигари Тоҷикистон хонед