logo

иҷтимоиёт

ҲОЛИ НОГУВОРИ ПАРТОВГОҲҲОИ КӮЛОБ

- Аз бемасъулиятии кормандони хоҷагии манзилию коммуналӣ, идораи санитарию эпидемиологӣ ва шуъбаи муҳити зисти шаҳр, аксар кӯчаҳо ва маҳаллаҳои зисти он ба назар партовгоҳҳоро мемонанд. Сокинон ҳайронанд, ки партовҳои худро ба куҷо баранд. Пештар мошинҳо партови ҳавлию корхонаҳоро ҳафтае як маротиба кашонда мебурданд, ҳоло ин амал моҳе як бор ба анҷом расонда мешавад. Касе парво надорад, ки дар ин муддат дар манзили сокинон чӣ қадар партов ҷамъ мешавад! Дар чунин шароит мардум илоҷи дигар наёфта, партовҳоро дар ҷойҳои мамнӯъ мепартоянд, - навиштааст дар номаи хеш сокини шаҳри Кӯлоб Шарифхон Тиллоев ба унвони рӯзнома.
Аммо А. Миралиев, сардори раёсати муҳити зисти минтақаи Кӯлоб мушкилоти партовҳоро рад намуда, шаҳрро нисбатан тозаю озода ва аз нигоҳи экологӣ беҳтар баҳогузорӣ намуд.
Доир ба ҳолати мазкур сардори идораи хоҷагии манзилию коммуналии шаҳр Ҳикматулло Қурбонов чунин гуфт:
- Аз моҳи август сарварии идораро ба дӯш дорам. Маҳз мушкилоти мазкур боиси тез-тез иваз гардидани роҳбари корхона гаштааст. Идора бо усули худмаблағгузорӣ фаъолият мекунад ва дар он  117 нафар коргар машғули коранд, ки аз ин ҳисоб   54 нафари онҳоро занҳо ташкил менамояд. Мо дар ихтиёри худ 3 трактор ва 1 автомошинаи КамАЗ дорем. Мошинамон бо иллати пӯсидану аз кор баромадани сандуқҳои ахлотпарто, истифода намегардад. Аз ин хотир маҷбур ҳастем, ки тракторҳоро дар ду баст истифода намоем. Ҳама мушкилоти мо аз заифии базаи моддию техникии корхона сарчашма мегирад. Ҳоло аз ин вазъ баромада истодаем. Рӯзҳои наздик мавриди амал қарор гирифтани  барномаи алоҳида маҳз  барои рафъи ҳамин мушкилот дар заминаи идораи мо дар назар аст. Дар ин росто мо бо бошандагони шаҳри азизи худ оид ба фарҳанги шаҳрнишинию иҷрои шартномаҳо муносибати зич ба роҳ мондем. Самараи хизматрасонии мо пеш аз ҳама ба муносибати некбинонаи онҳо вобастагӣ дорад. Масалан бо 7103 хонавода оид ба кори хизматрасонӣ шартномаҳои дуҷониба ба имзо расонидаем, вале  иҷрои он  ҳоло беш аз 40 фоизро ташкил менамояд, ки ин рақам қонеъкунанда нест.
Аз пайгирии ҳамаҷонибаи номаи Ш. Тиллоев, хусусан аз суҳбат бо масъулону сокинони шаҳр, маълум гардид, ки  сабаби асосии мушкилоти партовҳо дар ин  шаҳри дар навбати аввал имкониятҳои нокифояи техникии идораи коммуналӣ ва фаъолияти сусти муассисаҳои назоратӣ, аз ҷумла идораҳои санитарию эпидемиологӣ, муҳити зист ва паст будани фарҳанги шаҳрнишинии баъзе сокинон аст. Вазъи изтиробовари Сойи Тебалай, бахусус ҳолати риққатовари атрофи  кӯпруки назди бозори «Саховат» шаҳодати равшани ҳолати бади партовгоҳҳои шаҳр аст. Ҳоло пули мазкур ягона василаи пайванди қисмати ҷанубии шаҳр ба қисмати шимолии он маҳсуб меёбаду рӯзе ҳазорон нафар аз пул мегузаранд. Акнун ин сой партовгоҳи ҳақиқиро мемонад. Дар ин маврид танҳо нуктаеро ёдрас шуда, гуфтанием, ки 7 сол қабл дар сойи мазкур бо сабаби муносибати нодурусти соҳилнишинону масъулон дар натиҷаи борони рӯзи 10-уми май дарё тағийри маҷро кард ва оқибатҳои нохуши ҷонию молӣ ба бор овард. Вазъи ногувори имрӯзаи ин макон ба саломатию бехатарии сокинон бетаъсир нахоҳад монд.
Темуршоҳи ФАЙЗАЛӢ, «Ҷумҳурият»


Баёни ақида (0)    Санаи нашр: 10.08.2017    №: 168    Мутолиа карданд: 195

14.12.2017


Мулоқоти Қоҳир Расулзода ва Биналӣ Йилдирим

Рушду равнақи ҳамкориҳои Тоҷикистону Туркманистон

Ибодулло Машраб – барандаи Ҷоизаи «Ситораи Иттиҳод»

Дар Ёвон коргоҳи меваю сабзавот ба истифода дода шуд

Бунёди боғи интенсивӣ дар Тоҷикобод

Ҷаҳон дар як сатр

Зангҳои бардурӯғ

ИМА маблағгузории СММ – ро 250 миллион доллар кам карданист

Фаронса истифодаи телефонҳои мобилиро дар мактабҳо манъ менамояд

Бори нахуст дар эстафетаи олимпӣ робот иштирок намуд

Варзиш

11.12.2017


Баррасии масоили ҳифзи амнияти иттилоотӣ

Вохӯрии Музаффар Ҳусейнзода ва Дан Некулаеску

Инноватсия ва шарикӣ барои ноил гаштан ба Ҳадафҳои рушди устувор

Баргузории форуми «Роҳ ба сӯи иқтисодиёти ғайринақдӣ»

Ҷаҳон дар як сатр

«Сафирони забони русӣ» ба Тоҷикистон омаданд

Дар Осло Ҷоизаи сулҳи Нобел супурда шуд

Сарвазири Ироқ: «Ҷанг алайҳи «ДИ» анҷом ёфт»

СММ: «Ҳаҷми ҷаҳонии порагирӣ 1 триллион долларро ташкил медиҳад»

Фарбеҳтарин зани дунё 400 кило вазн партофт

08.12.2017


Ҷаҳон дар як сатр

Дар Швейтсария президенти нав интихоб намуданд

Ҷангиёни «Давлати исломӣ» ба киберфазо мегузаранд

Хисорот аз сӯхтори ҷангали Калифорния аз 9 миллиард доллар гузашт

Шикояти соҳибкорон аз мақомоти Қазоқистон кам мешавад

«Наҷотбахши дунё»-ро дар Абу - Дабӣ намоиш медиҳанд

Даҳ кишваре, ки арзонтарин қарзи манзил доранд

07.12.2017


Вохӯрии Шамсиддин Орумбекзода ва Криста Пиккат

Масоили густариши ҳамкориҳо дар соҳаи тиб матраҳ гардид

Маросими супурдани эътимоднома

Баррасии таҳкими равобити соҳибкорони Тоҷикистону Қатар

Бунёди қасри фарҳанг дар ноҳияи Шамсиддин Шоҳин

Ҷаҳон дар як сатр


Дар сомонаҳои дигари Тоҷикистон хонед