logo

иҷтимоиёт

ҚӮРҒОНТЕППА. НАМОИШИ ДАСТОВАРДҲОИ БИНОКОРОН ВА МАСОЛЕҲИ СОХТМОНӢ

Дар шаҳри Қӯрғонтеппа ба истиқболи 26-умин солгарди Истиқлолияти давлатӣ ва Рӯзи кормандони сохтмон намоиши дастовардҳои соҳаи меъморӣ ва шаҳрсозии кишвар, масолеҳи сохтмонии ватании воридотивазкунанда ва озмуни “Беҳтарин истеҳсолкунандаи хишт - 2017” баргузор гардид. Ширкатҳои истеҳсолӣ, сохтмонӣ ва шаҳрсозӣ аз ҳамаи минтақаҳои Тоҷикистон маҳсулоти худро ба намоиш гузоштанд. Сокинону меҳмонон ба маҳсулоти сохтмонию ороишии корхонаҳои “Субҳи Сарбанд”, “Ауфен”, “Хуаҷиан Ғаюр Индастриал”, “Арча”, “Созмон”, “Суғд Пластик” ва корхонаҳои дигар баҳои баланд доданд.
Муовини Сарвазири кишвар Азим Иброҳим зикр кард, ки тӯли солҳои соҳибистиқлолӣ бунёд ёфтани биною иншоот ва маҷмааҳои зиёди хуштарҳу пурбардошт гувоҳи таваҷҷуҳи рӯзафзуни Ҳукумати ҷумҳурӣ ба соҳаи сохтмону меъморист.
- Барои рушди ин соҳаи муҳим дар мамлакати мо тамоми шароит фароҳам аст. Манзалати сохтмончӣ сол ба сол боло рафтан дорад. Ҷамъиятҳои истеҳсолию ташкилотҳои сохтмониро мебояд, ки зимни лоиҳакашию бунёди иншоот ба хусусиятҳои меъмории миллӣ авлавият диҳанд. Ҳар як сайёҳ, ҳар як фарди хориҷие, ки вориди кишвари мо мешавад, шаҳрҳои моро дидан баробар бояд эҳсос кунад, ки мо фарҳанги ғании меъморию шаҳрсозии бостонӣ дорем. Барои ин мо бояд ҳамаи маҳсулоти сохтмониро дар дохили мамлакати худамон истеҳсол кунем. Ашёи хом мерасад, дастгирӣ ҳаст, ҷалби сармояи хориҷӣ идома дорад, мутаассифона, корҳои амалӣ ҳоло ҳам мувофиқи мақсад нестанд ва ба сайқалу такомул ниёз доранд, - гуфт Азим Иброҳим, зимни ҷамъомаде, ки дар расми ифтитоҳи чорабинӣ доир гардид.
- Ҳамасола чи дар вилояти Хатлон ва чи дар минтақаҳои дигари ватани азизамон даҳҳо иншооти иҷтимоию истеҳсолӣ ва биноҳои баландошёнаи истиқоматӣ бунёд мегарданд. Тақозои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳам ин аст, ки хишту оҳан, семент ва масолеҳи дигаре, ки дар кори сохтмон истифода мешаванд, сифати олӣ дошта бошанд, то ин ки иншооти навбунёд даҳсолаҳои дароз бидуни ягон мушкил мавриди истифода қарор гиранд. Баъзан мебинем, ки қабати якуми бино зуд нуқс мебарорад. Чунин саҳлангорию ноҷӯриҳо дар кори сохтмончиён ё истеҳсолгарони масолеҳи сохтмонӣ набояд ҷой дошта бошанд. Мақсад аз ташкили намоиш ва озмун густариш бахшидан ба кори истеҳсоли масолеҳи босифати сохтмонӣ ва бунёди иншооти хуштарҳу пурбардошт мебошад, - гуфт Давлатшоҳ Гулмаҳмадзода, раиси вилояти Хатлон. 
Ғолибони озмун ва ширкаткунандагони фаъоли намоиш аз ҷониби мақомоти иҷроияи ҳокимияти давлатии вилояти Хатлон ва Кумитаи меъморию сохтмони назди Ҳукумати ҷумҳурӣ бо ҷоиза, туҳфа ва ифтихорномаю сипосномаҳо сарфароз гардонда шуданд.
Зокир ҲАСАН, “Ҷумҳурият”


Баёни ақида (0)    Санаи нашр: 16.08.2017    №: 172    Мутолиа карданд: 425

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед