logo

маориф

ЛИБОСИ МАКТАБӢ. МАСЪАЛАҲОИ ҲАЛТАЛАБ КАМ НЕСТАНД!

Бо мақсади таъмин намудани бозори истеъмолӣ бо маҳсулоти ватанӣ ва бо нархи арзон ба аҳолӣ пешкаш намудани маҳсулоти ниёзи мардум Ҳукумати мамлакат тадбирҳои мушаххас амалӣ намуда истодааст. Ҳамасола, дар арафаи соли нави хониш, масъалаи таъмини хонандагони муассисаҳои  таҳсилотӣ бо сарулибоси ягона ба миён меояд. Имсол таъмини хонандагон бо либоси мактабӣ дар кадом сатҳ қарор дорад? Оё корхонаҳои ватанӣ метавонанд ниёзҳои аҳолиро бароварда намоянд? Хабарнигори мо барои рӯшанӣ андохтан ба масъалаи мазкур мавзӯъро пайгирӣ намуд.

- Дар 7 моҳи соли ҷорӣ аз ҳисоби корхонаҳои дӯзандагии шаҳру ноҳияҳои кишвар 298 ҳазору 314 адад либоси мактабӣ истеҳсол гардид, ки нисбат ба ҳамин давраи соли гузашта 1 ҳазору 333 адад зиёд мебошад, - иттилоъ дод Шаҳзода Қаюмова, сардори раёсати саноати сабук ва пиллаи Вазорати саноат ва технологияҳои нав. Ба гуфтаи вай ҳоло дар ҷумҳурӣ зиёда аз 35 корхонаву коргоҳҳои дӯзандагӣ ба дӯхти либосҳои мактабӣ машғуланд, ки метавонанд пурра ниёзи хонандагони муассисаҳои таълимиро бароварда гардонанд. Барои беҳтар намудани сифат, дастрасии нарх ва ба талаботи бозор мутобиқ кардани маҳсулот тадбирҳои мушаххас андешида мешаванд. Дар ин самт вазорат бо агентии «Тоҷикстандарт» ҳамкорӣ дорад. 
Боиси тазаккур аст, ки масъалаи таъмини хонандагони минтақаҳо бо либоси мактабӣ имрӯзҳо бамаротиб беҳтар гардидааст. Дар вилояти Суғд қариб, ки мушкилиҳо аз байн рафтаанд. Дар ноҳияҳои тобеи ҷумҳурӣ низ ин масъала ҳалли худро ёфта истодааст. Дар таъмини аҳолии кишвар бо либоси мактабӣ иттиҳодияи истеҳсолии «Нассоҷии тоҷик», «Даҳбед», «Чевар - 2014», «Зуҳал - 2014», «Каёнӯш», «Ресандаи Қӯрғонтеппа», «Аъзам», «Гулдаст - 2015», «Асри тиллоӣ», «Олимхони Хуҷандӣ» ва «Ҳусния» пешсаф буда, барои таъмини бозор бо маҳсулоти худӣ мусоидат менамоянд. 
Бо вуҷуди ин, масъалаҳои ҳалталаб дар ин самт боқӣ мондаанд. Аз мушоҳидаҳо бармеояд, ки дар интихоби либоси мактабӣ ҳанӯз ҳам волидон ба душворӣ рӯ ба рӯ мешаванд. Барои огоҳӣ ёфтан аз вазъи воқеии ярмаркаҳо бо сокинон ҳамсуҳбат шудем. Аксарият аз сифату тарҳи либосҳо изҳори нигаронӣ доштанд. Сокини пойтахт Зулфия Қурбонова, ки барои 5 фарзандаш аз корхонаи «Нассоҷии тоҷик» либос интихоб мекард, аз номувофиқатии андозаву матои либосҳо шикоят кард. Ӯ мегӯяд: «Андозаи либосҳо гуногунанд. Агар шим мувофиқ бошад, костюмаш танг ё кушод аст. Либосҳо ҳамагӣ барои як мавсим тоб меоранд».
Масъалаи дигар ин таҷҳизондани корхонаҳо бо технологияи муосир мебошад.  На ҳамаи корхонаҳо иқтидори дӯхтани шиму костюмро доранд. Аз ҷониби дигар, матое, ки дар корхонаҳои ҷумҳурӣ истеҳсол мешавад, наметавонад ба пуррагӣ талаботи аҳолиро қонеъ гардонад. Бинобар ин, талабот ба матои хориҷӣ боқӣ мемонад. Ин молҳо бо фармоиши мактабҳо ба кишвар ворид мегарданд.
Ба гуфтаи Шаҳзода Қаюмова иттиҳодияи истеҳсолии «Нассоҷии тоҷик» ва корхонаи «Нассоҷии Хуҷанд» аз ришта то матоъро истеҳсол мекунанд. Вале бо назардошти мавҷудияти талабот ба дигар намуди матоъҳо, молҳои хориҷӣ низ истифода мешаванд. Барои он ки молҳои воридотӣ ба нархи либос халал ворид насозанд ва он муътадил нигоҳ дошта шавад, вазорат ба Ҳукумати мамлакат бобати аз боҷи гумрукӣ озод кардани ашёи воридшаванда пешниҳод манзур дошт.  
Тибқи маълумоти дастрас ҳоло дар муассисаҳои таълимӣ беш аз 1 миллиону 800 нафар хонанда таҳсил мекунад. Дар назар аст, ки истеҳсоли либоси мактабӣ ба 1 миллиону 10 ҳазор расонда шавад.
Меҳрангез ҚОДИРОВА, «Ҷумҳурият»


Баёни ақида (0)    Санаи нашр: 21.08.2017    №: 176    Мутолиа карданд: 1771
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед