logo

иҷтимоиёт

ФИШОРИ КОСАХОНАИ САР. ПЕШГИРӢ БЕҲ АЗ ТАБОБАТ

30 – 40 сол қабл дар байни кӯдакон бемориҳое ба мисли фишори косахонаи сар ва системаи асаб кам буд.  Имрӯз ба гуфтаи мутахассисон наздики  80 дарсади кӯдакон ба ин  намуди беморӣ гирифторанд. Сокини пойтахт Ҳабиба Ҳасанова зимни суҳбат бо мо гуфт, ки «писарам дусола, аммо хеле лоғар аст. Бо сабаби камхӯрокиаш вазнаш ба синнаш мувофиқат намекунад. Суст инкишоф меёбад ва хеле беқувват аст».
Табибони асабшинос мегӯянд, ки ин навъи беморӣ боиси пайдоиши дигар намуди бемориҳои системаи асаб ҳам мешавад.
Аз рӯи мушоҳидаҳо фишори косахонаи  сар дар байни кӯдакони навзод ва кӯдакони  то 7- сола хеле зиёд  аст. Мутахассисон омилҳои зиёди  пайдоиши ин бемориро номбар мекунанд.  Ба иттилои онҳо, агар аз як сӯ сабаби беморӣ  таъсири техникаю тахнологияҳои муосир, аз қабили телефонҳои мобилӣ, компютер, антенаҳои параболӣ, ифлосии  муҳити зист бошад, аз ҷониби дигар мавҷуд будани мушкилоти иқтисодӣ дар оила ва дигар муаммоҳои оиладорӣ мебошанд. Ташвишҳои оила ва аз ҳад зиёд асабӣ будани зан ҳам ҳангоми ҳомиладорӣ боиси таваллуд шудани кӯдакони гирифтори ин намуди беморӣ мегардад.
Баъзан мавридҳо хуруҷи он дар солҳои аввали пайдоиш номаълум мемонад ва бемор будани кӯдак зуд эҳсос  намешавад. Масалан, Садаф Мирзоева,  ки духтараш  7 сол дорад, чунин мегӯяд: «Духтарам аз аввал сиҳат буд ва пай набурдем, ки ба  фишори косахонаи сар  гирифтор аст. Як сол ин ҷониб сараш дард мекунад ва аз чашмҳояш  об мерезад. Гӯшҳояш маҳкам мешаванд, ҳатто, баъзан, тамоман намешунаванд».
«Фишори косахонаи сар  ин беморӣ набуда яке аз аломатҳои  пайдоиши бисёре аз бемориҳои системаи асаб дониста шудааст», - мегӯяд Раъно Ғафурова, асабшиноси кӯдакони  Маркази саломатии шаҳрии  № 7.  Ба гуфтаи ӯ, ин беморӣ ду намуд мешавад: хушсифат ва бадсифат. Навъи хушсифат бо истифодаи маводи доруворӣ муолиҷа  мешавад. Бадсифаташ  - гидросифалия ва микросифалия буда, кӯдак  модарзодӣ ба он гирифтор аст. Баъди таваллуд  сари ин гуна кӯдакон калон ва танҳо дар асоси ҷарроҳӣ табобат  мешавад. Осебгирӣ ҳангоми таваллуд, ҳомиладории вазнин, зарбхӯрии косахонаи сари кӯдак, истифодаи зиёди  маводи доруворӣ,  бемориҳои модар дар давраи ҳомиладорӣ, бемориҳои сироятӣ ва ғайрисироятие, ки кӯдакон  баъд аз таваллуд ба он гирифтор мешаванд,  боиси пайдоиши он  мегарданд. Аз ҷумла, бемориҳое, ки муддати дуру дароз ҳарорати бадани кӯдакро баланд мекунанд. Онҳо фаъолияти рагҳои хунгарди сарро вайрон карда, ба фишорбаландӣ ва хуруҷи он оварда мерасонанд. Нишонаҳои онро дар  нооромӣ, қайкунӣ, варам,  нармии сар, бехобӣ ё камхобӣ, набззанӣ, кабудшавии лабу даҳон ҳангоми гиря донистан мумкин аст. Дар асоси ин аломатҳо ташхисҳои иловагӣ, аз ҷумла муоинаи қаъри чашм, ултрасадои мағзи сар, томографияи компютерии майнаи сар, эрграфияи косахонаи сар  гузаронда мешаванд.
Коршиносон мегӯянд, ки фишори косахонаи сар ба ҳар  кӯдак ҳар гуна  таъсир мерасонад. Масалан, агар баъзе кӯдакон дар ин ҳолат бисёр ором бошанд, баъзеи дигарашон  зуд хашмгин мешаванд. Ба гуфтаи онҳо, агар беморӣ сари вақт табобат нашавад, ба рушди минбаъдаи кӯдак таъсири манфӣ мерасонад. Ба ин хотир, мутахассисон тавсия медиҳанд, ки занҳо ҳангоми ҳомиладорӣ ва баъди таваллуди кӯдак ба  саломатӣ  ва инкишофи дурусти он аҳамияти ҷиддӣ диҳанд. Дар давраи ҳомиладорӣ  бештар ғизоҳои табииро истеъмол ва баръакс аз маводи дорувории дардпасткунанда истифода набаранд. Аз  ташхиси ултрасадо ҳам кам гузаранд.
Нигина РАҲМОН, «Ҷумҳурият»


Баёни ақида (0)    Санаи нашр: 31.08.2017    №: 186    Мутолиа карданд: 1361
05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД


Дар сомонаҳои дигари Тоҷикистон хонед