logo

иҷтимоиёт

ФУРУДГОҲ СИМОЯШРО ДИГАР МЕКУНАД

Дар таърихи кишвар оғози фаъолияти авиатсияи граждании Тоҷикистон 3 сентябри соли 1924 сабт шудааст. Яъне, расо 93 сол қабл ҳавопаймои Ю-13 (Юнкерс Ф-13) бо сарнишинон Пётр Комаров ва Рашидбек Ахриев аз Бухоро парвоз карда, ба фурудгоҳи шаҳри Душанбе нишаст.
Дар иртибот ба солгарди Рӯзи авиатсияи тоҷик саволи матраҳ ин аст: фурудгоҳи пойтахт дарвозаи ҳавоии Тоҷикистони соҳибистиқлол, ки Ҷамъияти саҳомии кушодаи «Фурудгоҳи байналмилалии Душанбе» ном гирифтааст, солҳои охир чӣ симою мақоме касб кардааст. ҶСК «ФБД» соли 2009 ҳамчун муассисаи алоҳидаи авиатсионӣ арзи вуҷуд намуд ва биною иншооти куҳна, парки техникаҳои фарсудаву аксар корношоям дар ихтиёр дошт. Ба ин ваҷҳ роҳбарияти фурудгоҳро саъю кӯшиши зиёд лозим омад, то ки он воқеан ба фурудгоҳи сатҳи байналмилалӣ табдил ёбад.
Тӯли ҳашт соли минбаъда беш аз 90 дарсади парки автомобилӣ нав карда шуд. Бо ёрии хизматчиёни ҳарбии Фаронса, ки тибқи қарордоди байнидавлатӣ дар ҳудуди фурудгоҳ ҷойгир  буданд, перрони фурудгоҳро пурра таъмир карда, роҳрави нави замонавӣ сохтанд.  Соли 2012 бо тақозои Созмони байналмилалии авиатсионии ИКАО атрофи фурудгоҳ пурра деворбандӣ гардида, бо камераҳои мушоҳидаи видеоӣ ҷиҳозонида шуд. Соли 2014 терминали нави мусофиркашонӣ бо иқтидори 500 мусофир/соат бунёд ёфт. Ду сол баъд таъмири асосии толорҳои СИП ва ВИП анҷом дода, майдонҳои назди терминалҳои наву куҳна қисман бозсозӣ карда шуданд. Барои ин корҳо ҶСК «ФБД»  беш аз 80 миллион доллари ИМА харҷ намуд.
Айни замон фурудгоҳ дорои ду терминали мусофиркашӣ, хати муосири парвозу фуруд бо фарши сунъӣ, 4 перрон барои исти  ҳавопаймоҳои тамғаҳои гуногун, аз ҷумла «Боинг» ва «Эйрбас», ИЛ - 96, ИЛ - 86, ИЛ - 76, инчунин, ҳавопаймоҳои АН - 124 «Руслан», АН - 225 ва дигар ҳавопаймоҳои азими боркаш мебошад. Вуруди мусофирон  ба ҳудуди Фурудгоҳи байналмилалии Душанбе тибқи талаботи стандартҳои байналхалқии амниятӣ, яъне тавассути таҷҳизоту воситаҳои муоина, детекторҳои оҳанҷӯ, низоми мушоҳидаю сабти видеоӣ, дарҳои чархзан ва ғайра сурат мегирад.
Яке аз дастовардҳои муҳими Фурудгоҳи байналмилалии Душанбе дар даврони Истиқлолияти давлатӣ сохтмони  терминали нави мусофиркашӣ маҳсуб мешавад, ки ифтитоҳи расмии он бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 3 сентябри соли 2014 баргузор гардид. Айни замон терминали мазкур бо иқтидори пурра фаъолият дошта, дар як соат ба 500 мусофир тибқи талаботи муосир  хизмат мерасонад.
Дигар дастоварди муҳими Фурудгоҳи байналмилалии Душанбе оғози сохтмони  терминали боркашонии замонавӣ мебошад.
Мавриди тазаккур аст, ки соли 2014 байни Ҳукумати Ҷумҳурии Тоҷикистон ва Агентии ҳамкориҳои байналмилалии Ҷопон (JICA) оид ба беҳтар намудани инфрасохтори Фурудгоҳи байналмилалии Душанбе созишномаи грантӣ баста шуд. Тибқи он Ҳукумати Ҷопон барои сохтмони терминали боркашонӣ, харидории низомҳои фуруди автоматии ҳавопаймоҳо (низоми ILS), чароғакҳои роҳнамои фуруди аниқи ҳавопаймоҳо (низоми PALS) ва таҷҳизоти коркарди борҳои терминали боркашонӣ гранти бебозгашт ҷудо намуд.
Аллакай низоми фуруди автоматии ҳавопаймоҳо, чароғакҳои роҳнамои фуруди аниқи ҳавопаймоҳо дар фурудгоҳи Душанбе насб гардида, мавриди истифода қарор доранд. Сохтмони терминали зикргашта бояд моҳи августи соли 2018 анҷом ёбад.
Роҳбарияти фурудгоҳ бо мақсади беҳсозии  сифати хизматрасониҳои рӯизаминии ҳавопаймоҳо ба мустаҳкам кардани заминаи моддӣ – техникии муассиса пайваста диққат медиҳад. Вақтҳои охир як идда мошину механизмҳои махсуси аэродромӣ харидорӣ шуданд.
Баланд бардоштани сифати хизматрасониҳо ба мусофирон низ дар сархати фаъолияти роҳбарияти фурудгоҳ қарор гирифтааст, зеро мақому мартабаи фурудгоҳ ва имиҷи байналмилалии он ба ҳаҷму сифати хизматрасониҳо иртиботи ногусастанӣ дорад. Бо ин мақсад толорҳои умумӣ,  толори тиҷоратии терминали 2, майдони назди аэровокзал таъмиру тармим гардида, таваққуфгоҳҳои нави нақлиётӣ сохта, бинои аэровокзал бо таҷҳизоти ҳозиразамон (рапискан, сканер, камераҳои мушоҳидаи видеоӣ, кондитсионерҳо ва ғ.) ҷиҳозонда шуд, инчунин, дар бинои терминали 2 ошхонаи нав ва дар терминали 1 толори СИП мавриди истифода қарор гирифт. Толорҳо, инчунин, шабакаи интернетии бесими Wi Fi доранд, ки аз он мусофирону меҳмонони пойтахт ройгон истифода мебаранд.
Тибқи Стратегияи дарозмуҳлати рушди муассиса барои солҳои 2017 - 2022, ки дар асоси ҳидояту дастури Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳандозӣ мешавад, таъмиру таҷдиди хати парвозу нишасти фурудгоҳ, парки автомобилӣ бо харидории  нақлиёту таҷҳизоти махсус, саҳмгирӣ дар сохтмони терминали  боркашонӣ,  сохтмони меҳмонхонаи нави фурудгоҳ ва маҷмааи таваққуфгоҳи автомобилии 3 - ошёнаи пӯшида, таъмиру таҷдиди объектҳои мавҷудаи авиатсионии маҷмааи аэродром, «Терминали мусофиркашии №2», майдони назди вокзал, таҷҳизоти радиотехникӣ, сохтмони хати дуюми сунъии парвозу фуруд дар назар аст.
Айни замон парвозҳо дар Фурудгоҳи байналмилалии Душанбе аз ҷониби 13 ширкати ҳавопаймоӣ, аз ҷумла ширкатҳои Русия, Қазоқистон, Қирғизистон, Ӯзбекистон, Чин, Олмон, Афғонистон, Ҳиндустон, Арабистони Саудӣ, Туркия, Амороти Муттаҳидаи Араб ва Эрон, ба ҷо оварда мешаванд.
Аз фурудгоҳи Душанбе бошад, ҳавопаймоҳо ба 12 шаҳри Федератсияи Русия, инчунин, ба Қирғизистон, Қазоқистон, Ӯзбекистон, Олмон, Чин, Афғонистон, Туркия, Ҳиндустон, Амороти Муттаҳидаи Араб ва Ҷумҳурии Исломии Эрон парвоз мекунанд.       
Чун армуғони идона ба 26 - умин солгарди Истиқлолияти давлатӣ дар фурудгоҳ ва гирду атрофи он шинондани 1200 бех дарахт, зиёда аз 62 ҳазор гулу буттаи ороишӣ сарсабзии онро ба маротиб афзудааст.
Дар шаш моҳи сипаригашта ҶСК “Фурудгоҳи байналмилалии Душанбе” ба беш аз 600 ҳазор мусофир хизмат расонд, ки нисбат ба ҳамин давраи соли гузашта 76,4 ҳазор ё 14,6 дарсад зиёд аст.
Албатта, гуфтан хатост, ки дар кори фурудгоҳ камбуде, мушкиле нест. Ҳаст. Лек муҳим он аст, ки бо вуҷуди дастовардҳои назаррас, аҳли ҷамъият ҷиддан аз пайи чора мебошанд. Аз ин рӯ, метавон дилпур шуд, ки шароити пазироӣ ва гусел дар фурудгоҳи пойтахт беш аз пеш беҳтар мегардад ва ҳар мусофир ба Душанбе бо шодмонӣ фуруд омада, ба дилкашолӣ парвоз мекунад.
Хуршеди ҶОВИД, “Ҷумҳурият”


Баёни ақида (0)    Санаи нашр: 31.08.2017    №: 186    Мутолиа карданд: 817
05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД


Дар сомонаҳои дигари Тоҷикистон хонед