logo

иҷтимоиёт

ТАНЗИМ. МАНФИАТИ МАРДУМ ДАР МАДДИ АВВАЛ


Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» тайи  даҳ соли пас аз қабул барои баланд бардоштани некуаҳволӣ, аз байн бурдани хурофотпарастӣ ва зиёдаравиҳо мусоидат намуд. Чанде пеш ба қонуни мазкур тағйиру иловаҳо ворид гардиданд, ки онҳо аз ҷониби сокинони мамлакат дастгирӣ ва ҳамовозии амиқ пайдо намуданд. Вобаста ба ин мавзӯъ, бархе аз намояндагони табақаҳои гуногуни ҷомеа ба хабарнигорони рӯзномаи «Ҷумҳурият» андешаҳои худро иброз доштанд.

Файзулло Баротзода,
директори Маркази исломшиносӣ
дар назди Президенти Ҷумҳурии Тоҷикистон:
- Ҳадафи асосӣ аз ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» пешгирӣ намудани ҳама гуна худнамоӣ, зоҳирпарастӣ ва маҳдуд намудани чорабиниҳое мебошад, ки ба анъанаҳои  миллӣ ва динӣ иртиботе надоранд. Меъёрҳои наве, ки доир ба амали ин қонун ба эътибор гирифта шуда, таҷдиди назар гардиданд, аслан чанд мавзӯи калидии маъракаҳои хурсандию азодориро дар бар мегиранд. Масъалаи аввале, ки ба назари мо тағйироти ҷиддии дуруст буд, баргузории тӯйи хатнасур мебошад. Дар ҳамаи динҳои иброҳимӣ хатнасур як амалиёти пизишкии одӣ аст, ки ҳангоми дар таваллудхона будани кӯдак амалӣ карда мешавад.

Вале бо таъсиргузориҳои фарҳангу тамаддунҳои гуногун дар кишвари мо ин чорабинӣ бо номи «зодрӯзи кӯдак» як маъракаеро ба вуҷуд овард, ки бо хароҷоти зиёд баргузор мегашт. Акнун, тибқи тағйироту иловаҳои воридгашта, волидон метавонанд маросими хатнаро дар таваллудхона гузаронанд, ки, бешубҳа, ба сарфаи маблағ  мусоидат хоҳад кард. Масъалаи муҳими дигар баргузории маъракаҳои азодорӣ мебошад, ки онҳо вазнин буданд ва ҳастанд. Аз рӯи ҳисоботи мақомоти ваколатдор то давраи қабули ин қонун дар тӯли як сол тақрибан 70 чорабинии гуногун вобаста ба маросимҳои азодории се, ҳафт, бист, чил, бегоҳии ҷумъаю душанбегӣ, солшиканону соли буд барпо мешуданд. Аслан тибқи фармудаҳо ва далолатҳои сарчашмаҳои динию мазҳабӣ муддати азо 3 рӯз беш нест. Дар доираи оила бе забҳи чорво сурат гирафтани онҳо ба шахси азодор сабукӣ меорад. Ин ҳам аз нигоҳи шариату мазҳаб ва ҳам инсондӯстию фарҳангсолорӣ айни муддаост.

Моҳира МИРЗОЕВА,
номзади илмҳои филология:
- Қабули қонун дар ҳаёти мардум тағйироти куллиро ба вуҷуд овард. Мо маъракаҳоеро мегузарондем, ки ба онҳо зарурат набуд. Исрофкорӣ зиёд ба назар мерасид. Маросимҳои азои мо азоб буданд, ки тағйироту иловаҳои воридшуда мардумро аз он раҳо кард. Чун ба ҳама маълум аст, ки аҳолӣ на дар як сатҳи иқтисодӣ қарор доранд. Дар масъалаи тӯйи арӯсӣ низ бисёр сабукӣ дода шуд. Он маблағеро, ки барои  маросими оши наҳор ё шабнишинӣ харҷ мекарданд, бо розигии тарафҳо  барои баровардани эҳтиёҷоти оилаҳои нав равона кунанд, ба манфиат мешавад. Мардумро мебояд аз рӯи ақлу хирад кор гирифта, моҳияти масъаларо дарк кунанд. Чи тавре ки мегӯянд, «андоза нигаҳ дор, ки андоза накӯст».

Дилафрӯз РУСТАМОВА,
устоди Донишгоҳи миллии Тоҷикистон:
- Аз рӯйи мушоҳидаҳо метавон бо бовар арза дошт, ки тағйиру иловаҳои ба қонун воридшуда аз тарафи мардум бо хушнудӣ пазируфта шуданд. Натиҷаи онро, аллакай, дар иди Қурбон мушоҳида кардем. Ҳамчунин, маросимҳое аз байн бурда шуданд, ки барои фарҳанги мо бегона буданд. Ба ин маъракаҳои арӯсталбону домодталбон мисол шуда метавонанд. Ҷои баҳс нест, ки тағйироту иловаҳои воридшуда дар ғанӣ гаштани буҷети ҳар хонадон нақши муассир хоҳад гузошт.

Меҳрангез ҚОДИРОВА,
Комрон САФАРОВ, «Ҷумҳурият»


Баёни ақида (0)    Санаи нашр: 13.09.2017    №: 192    Мутолиа карданд: 543

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ

«БАҲОРИ ИСТИҚЛОЛ». ХАТСАЙРИ НАВИ САЙЁҲӢ ДАР ТУРСУНЗОДА

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд


Дар сомонаҳои дигари Тоҷикистон хонед