logo

иҷтимоиёт

САНГВОР. МУШКИЛОТ ДАР СОҲАИ ТАНДУРУСТӢ

Солҳои охир тибқи сиёсати хирадмандонаи Сарвари давлат ва Ҳукумати Ҷумҳурии Тоҷикистон таваҷҷуҳ ба рушди соҳаҳои гуногуни хоҷагии халқ, аз ҷумла ба соҳаи тандурустӣ зиёд мегардад. Барои рушду нумӯи соҳа аз буҷети мамлакат маблағҳои зиёд ҷудо мешаванд, то сатҳи хизматрасонии тиббӣ баланд шуда, ба талаботи рӯз ҷавобгӯ бошад.
Аз суҳбат бо сардухтури беморхонаи марказии ноҳияи Сангвор Раҷабалӣ Саидов маълум гашт, ки бо дастгирии Ҳукумати ҷумҳурӣ аз ҳисоби Вазорати тандурустӣ ва ҳифзи иҷтимоии аҳолӣ дар деҳаи Миёнадуи Ҷамоати деҳоти Сангвор сохтмони беморхонаи минтақавӣ (дорои  30 кат) бомаром идома дошт. Аз ҳисоби маблағҳои буҷети маҳаллӣ бо маблағи 40 000 сомонӣ барои таъмири ҷории бинои беморхонаи минтақавии Чилдара ва шуъбаи таваллудхонаи беморхонаи марказии ноҳия бо сифати хуб ҷараён дорад. Ҳамчунин, таъмири капиталии як бунгоҳи тиббӣ бо маблағи 13 700 сомонӣ  ва аз ҳисоби маблағҳои буҷети маҳаллӣ бо маблағи 18 000 сомонӣ таъмири маркази саломатии деҳоти Чилдара идома дорад.
Бояд зикр намуд, ки дар ҳудуди ноҳия як беморхонаи марказӣ, ду беморхонаи минтақавӣ, як маркази  саломатии ноҳиявӣ, чор маркази саломатии деҳот, бисту ду бунгоҳи тиббӣ, маркази  эмтаъминкунӣ,  мубориза бар зидди  бемориҳои сил, маркази ташаккули тарзи ҳаёти  солим,  маркази солимии репродуктивӣ ва танзими оила ва ҳуҷраи ҳамбастагии бемориҳои кӯдакона  ба аҳолӣ хизмати тиббӣ мерасонанд. Шумораи умуми кормандони соҳаи тандурустӣ 210 нафарро ташкил медиҳад, ки аз инҳо  24 нафараш мутахассисон бо маълумоти олӣ, 76 нафар бо маълумоти миёнаи тиббӣ буда, 110 нафар кормандони хурди тиббӣ мебошанд.
Ҳарчанд мушкилоти зиёде дар ҳама соҳаҳо ва дар ҳама манотиқи кишвар рӯз аз рӯз ва сол аз сол бартараф мегардад, вале боз ҳам дар баъзе аз навоҳии кӯҳистони кишвар баъзан норасоиҳо боқӣ мемонанд. Зимни суҳбат бо сардухтури беморхонаи марказӣ маълум гашт, ки дар баробари муваффақиятҳои соҳа як зумра мушкилот ва норасоиҳо низ ҷой доранд.
Аз ҷумла, яке аз мушкилоти асосӣ дар ҳолати садамавӣ қарор доштани  бинои шуъбаи кӯдаконаи беморхонаи марказии ноҳия мебошад, ки он соли 1936 - и асри гузашта сохта шуда, айни ҳол ба азнавсозӣ ниёз дорад. Пас аз рӯзҳои ба шуморе фасли тирамоҳу зимистон дари мардумро мекӯбад ва бемориҳои мавсимӣ низ хуруҷ мекунанд. Аз ин рӯ, табобати кӯдакон берун аз муассисаҳои тиббӣ, яъне дар муҳити хона хело мушкил мебошад.
Норасоии мутахассисон, аз ҷумла духтурони асабшинос, кӯдакон, ғадудшинос, осебшинос, момодояҳо яке аз проблемаҳои соҳа ба шумор мераванд. Баъзе аз таҷҳизоти муосири тиббӣ, аз қабил дастгоҳи рентгенӣ, флюрография, фиброгастос-коб, систоскоп, дастгоҳи УЗИ-и статсионарӣ, биоанализаторҳои хун ва пешоб  намерасанд.
Бо вуҷуди ҳамаи ин камбудиҳо, кормандони муас-сисаҳои тиббии ин ноҳияи дурдасти ҷумҳурӣ баҳри ҳар чи хубтару беҳтар ба роҳ мондани хизматрасонии тиббӣ  ва саломатии комили омма заҳмат мекашанд.
Дилшод АМИРОВ, “Ҷумҳурият”


Баёни ақида (0)    Санаи нашр: 19.09.2017    №: 197    Мутолиа карданд: 923

26.02.2020


ҲАМОИШИ МУҲИМ ДАР КУМИТАИ ДАВЛАТИИ САРМОЯГУЗОРӢ ВА ИДОРАИ АМВОЛИ ДАВЛАТӢ

ДАНҒАРА – МИЗБОНИ ФЕСТИВАЛИ ФАРҲАНГИИ ҶАВОНОНИ ХОРИҶӢ

КИШОВАРЗӢ. НЕСТ КАРДАНИ ТУХМИИ ВАТАНӢ ХАТОИ НОБАХШИДАНИСТ

МАЪЮБОН КОРХОНАИ ҲАМРОЗ ДОРАНД

RABAT GRAND PRIX 2020. ТОҶИКИСТОНРО 7 ПАҲЛАВОН МУАРРИФӢ МЕКУНАД

25.02.2020


САФАРИ РАСМИИ СИРОҶИДДИН МУҲРИДДИН БА РОССИЯ

БАРРАСИИ МАСОИЛИ ТАЪСИСИ КОРХОНАҲОИ НАВИ САНОАТӢ

ДИД. БАРГУЗОРИИ ҲАМОИШИ МАЪРИФАТИЮ ТАРБИЯВӢ

ВАҲДАТ БА ИНТИХОБОТ ОМОДА АСТ

СУҒД. ФЕСТИВАЛИ ВИЛОЯТИИ "АТЛАСУ АДРАС" ТАНТАНА ДОРАД

"ИШҚИ МИНӮӢ" - И КАМОЛ БО ЗАБОНИ ОЛМОНӢ

МУБОРИЗА БАР ЗИДДИ МАЛАХ. ҶАЛАСАИ СИТОДИ ҶУМҲУРИЯВӢ

ГӮШТӢ. МУСОБИҚАИ ИНТИХОБИИ ОЛИМПӢ ДАР БИШКЕК ДОИР МЕШАВАД

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР

БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР


Дар сомонаҳои дигари Тоҷикистон хонед