logo

сиёсат

ҚОНУНИ МИЛЛӢ. ЭҲТИРОМ БА ОН - ЭҲТИРОМИ МИЛЛАТ

Қабули Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» бори дигар ин амрро собит намуд, ки дар кишвари мо инсон дорои мақоми олӣ мебошад. Зеро ворид намудани тағйиру иловаҳо ба ин қонуни миллӣ, ки беҳгардии сатҳи молиявӣ ва зиндагии шоистатари мардум меҳвари он аст, маҳз дар асоси таклифу пешниҳодҳои сокинони мамлакат сурат гирифт.
Минбаъд дар доираи қонун фаъолияти комиссияҳои ҷамъиятиро моддаи 51 танзим намуда, чунин комиссияҳо новобаста аз шакли моликият ва ташкилию ҳуқуқии корхонаву идораҳо, ки дар онҳо на камтар аз 30 нафар корманд фаъолият мекунад, таъсис дода мешаванд. Ин модда комиссияҳои ҷамъиятиро вазифадор менамояд, ки ҷиҳати пешгирии қонуншиканиҳо тадбирҳои зарурӣ андешанд. Мақоми ваколатдор ва комиссияҳои доимии маҳаллӣ вазифадор шудаанд, ки ба соҳибони маъракаҳо талаботи қонунгузориро фаҳмонанд ва тавсияҳо диҳанд. Тӯйи домодию арӯсӣ ва маросими азодориро ба қайд гиранд, ки барои пешбурди омор дар ин самт равона мешавад. Дар доираи тағйиру иловаҳо ба моддаи 7 қисми 4 бо мазмуни  дар рӯзҳои иди Рамазон ва Қурбон дастархони маънавӣ ва камхарҷи идона ороста шудан ва ба исрофкориву зиёдаравӣ  роҳ  надодан меъёр илова гардид, ки на танҳо мазмуни иҷтимоию иқтисодӣ дорад, балки барои баланд бардоштани тафаккури мардум равона шудааст. Ин меъёр вазифаи тарбиявии муҳимро фаро мегирад, ки дар оянда барои  боз ҳам васеъ  намудани ҷаҳонбинии мардуми мо хизмат хоҳад кард.
Моддаи 9 қонуни мазкур дар таҳрири нав пешгирии зиёдаравӣ ва харҷҳои беҳударо дар гузарондани маъракаи хатнасур пешбинӣ намудааст, ки танҳо ба манфиати халқ аст. Мутобиқи ин модда хатна аз рӯзи таваллуди писар то рӯзи бистуми баъди таваллуд бо розигии падару модар дар муассисаҳои тиббии дахлдор бо тартиби муқаррарнамудаи мақоми ваколатдори давлатӣ дар соҳаи тандурустӣ ба таври ройгон гузаронда мешавад, ки салоҳи кор хоҳад буд. Маъракаҳои вобаста ба таваллуди кӯдак дар доираи оила, бе забҳи чорво ва хизматрасонии санъаткорон баргузор мешаванд, ки  барои  сарфаи  маблағи мардум ба фоидаи фарзандони онҳо равона шудааст.
Бар асоси қонуни мавриди назар тавсия мешавад, ки шахсони воқеӣ ва ҳуқуқӣ, ки имконияти молиявӣ доранд, метавонанд бо иштироки комиссияҳои доимии маҳаллӣ тӯйи домодию арӯсии хайриявии ҷавононро аз оилаҳои камбизоат баргузор намоянд. Чунин иқдом  имкон медиҳад, ки дар оянда на танҳо сатҳи зиндагии  ин ҷавонон  баланд шавад, балки як мактаби саховатпешагию инсондӯстӣ  барои онҳо гардад. 
Тағйиру иловаҳои қонуни мазкур уҳдадориҳои шахсони воқеӣ ва ҳуқуқӣ, алалхусус аъзои Ҳукумат, раисони вилоятҳо, шаҳру ноҳияҳо, дигар шахсони мансабдори давлатӣ, хизматчиёни давлатӣ, судяҳо, кормандони мақомоти прокуратура, амният, корҳои дохилӣ, назорати давлатии молиявӣ ва мубориза бо коррупсия, андоз, гумрук, кормандони мақомоти дигари ҳифзи ҳуқуқ, хизматчиёни ҳарбӣ, соҳибкорон,  ходимон ва уламои дин дар гузарондани ҷашну маросим бо риояи талаботи қонуни мазкур боз ҳам таъкид намуда, дар сурати риоя накардани талабот бо тартиби муқаррарнамудаи қонунгузории Ҷумҳурии Тоҷикистон ба ҷавобгарӣ кашида шудани онҳоро пешбинӣ менамояд. Инчунин, дар сурати аз ҷониби доираҳои номбаршуда ва фарзандони онҳо ошкор шудани ҳолатҳои қонуншиканӣ, мутобиқи қонунгузории Ҷумҳурии Тоҷикистон аз мансаб озод карда мешаванд.
Дар маҷмӯъ ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» бештар ба он равона шудаанд, ки ҳангоми баргузории маъракаву маросим мардум ба маънавиёти атрофиёну фарзандон эътибор диҳанд.  Қонун, пеш аз ҳама, барои ҳимояи ҳолати рӯҳии мардум, ҳифзи сармоя, яъне ҳимояи манфиатҳои сокинони кишвар ва аз байн бурдани хурофоту зиёдаравиҳост.
Эҳтиром ба қонуни миллӣ ин эҳтироми миллат ва арзишҳои давлатдорист. Аз ин рӯ, бояд ҳамагон дар татбиқи босамари ин санади муҳиму зиндагисоз талош варзем.
Насиба СОДИҚОВА,
Мавзуна ШАМСИДДИНЗОДА,
Мавлудахон МИРЗОЗОДА,
 вакилони Маҷлиси намояндагони Маҷлиси Олии Ҷумҳурии Тоҷикистон


Баёни ақида (0)    Санаи нашр: 19.09.2017    №: 197    Мутолиа карданд: 787

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед