logo

номаҳо

КОТИБИ ҶАМОАТ ОДАМДОР АСТ?

Писарам, Ҳаким Саидмуъминов, бо сабаби ба фалаҷ гирифтор шуданаш, маъюби гурӯҳи дуюм аст. Баъди муолиҷаи дуру дароз ӯро хонадор кардем. Келину домод моҳи декабри соли 2016 ба Ҷамоати деҳоти Меҳнатободи ноҳияи Бохтар омаданд. Маросими қайди никоҳ аз рӯи қоидаҳои муқаррарӣ гузаронда шуд. Ҷумъахон Шарифов, котиби ҷамоат, гуфт:

- Домод маъюб будааст, ба ӯ бепул шаҳодатномаи ақди никоҳ медиҳем. Баъди 2-3 моҳ биёед. Ҳоло дафтарчаи шаҳодатнома надорем.
Баъди гузаштани муҳлати муқарраркардаи котиб, Азим, бародари домод, ба идораи ҷамоат барои гирифтани шаҳодатномаи ақди никоҳ омад. Аммо котиб ба ваъдаи пагоҳ биё, ӯро расо шаш моҳ овора кард.
Ҳар гоҳе ки ӯ бо котиб рӯ ба рӯ мегашт, як ҷавоб мешунид: «Бланка нест. Бланка гирем, баъд биё».
Дар ин миён навхонадорон соҳиби писар шуданд. Акнун барои ба даст овардани шаҳодатномаҳои ақди никоҳ ва таваллуд худам миён бастам. Пас аз ба қабули Ҷумъахон шараф-ёб шуданам, ниҳоят котиби ҷамоат иқрор шуд:
-Ҳуҷҷатҳои пешина гум шудаанд. Арӯсу домодро аз сари нав бояд ба қайд гирем. Рӯзи душанбе, соати 7 дар идораи ҷамоат ҳозир шаванд.
Пеш аз вақти муайяншуда омадем. Соат 8 шуду аз котиб дарак набуд.
Ба номи раиси ноҳия мактуби шикоятӣ навиштам.
26 августи соли 2017 мактуби шикоятӣ дар ҳузури намояндаи мақомоти иҷроияи маҳаллии ҳокимияти давлатии ноҳия Ғайбулло Ҳоҷиев, раиси деҳоти Меҳнатобод Раҷаб Ҳурматов, ман ва Ҷумъахон Шарифов мавриди баррасӣ қарор гирифт. Фактҳои шикоятнома тасдиқ шуданд. Котибро уҳдадор карданд, ки «корро буд кунад».
Арӯсу домодро бори дуюм «ботантана» аз қайди никоҳ гузаронданд.
Ниҳоят ба гирифтани шаҳодатномаи ақди никоҳи фарзандонам ноил гаштам. Вале дар матни шаҳодатнома аксари калимаҳо шикаставу ғалат буданд. Ба ҳаминаш ҳам шукр кардам, аммо то ҳол шаҳодатномаи таваллуди набераамро гирифта наметавонам.
Котиби Ҷамоати деҳоти Меҳнатобод Ҷумъахон Шарифов мегӯяд: «Ҳуҷҷате биёред, ки падар будани Ҳакимро тасдиқ намояд».
Ҳангоми рафтуомадҳо ба идораи ҷамоат, интизориҳо дар пушти дари дафтари кории котиб, бо одамони зиёде ҳамсуҳбат шудам, ки мисли ман овораву сарсон гаштаанд. Ба корафтодагон гуфтам: - Биёед, оид ба фаъолияти Ҷумъахон ба раиси ноҳия номаи шикоятӣ нависем. Гуфтанд, ки фоида надорад, вай одамдор аст. Онҳо ҳақанд. Агар ҳамин тавр намебуд,котиби ҷамоат қонунгузории Ҷумҳурии Тоҷикистонро вайрон намуда, ба мо «ҳуҷҷате биёред, ки падар будани Ҳакимро тасдиқ кунад» намегуфт.

Сотим САИДМУЪМИНОВ,
ноҳияи Бохтар


Баёни ақида (0)    Санаи нашр: 21.09.2017    №: 199    Мутолиа карданд: 1749

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»


Дар сомонаҳои дигари Тоҷикистон хонед