logo

ҳуқуқ

АМНИЯТИ МИНТАҚАВӢ АНДЕШИДАНИ ЧОРАҲОИ ҚАТЪИРО ТАҚОЗО МЕНАМОЯД

Имрӯз дар Тоҷикистон дар самти мубориза бо зуҳуроти номатлуби замони муосир, назири даҳшатафканию ифротгароӣ,  корҳои зиёде ба анҷом расида, ҳамзамон, заминаи  санадҳои меъёрии ҳуқуқӣ дар мубориза бо терроризм ва экстремизми байналмилалӣ  такмил дода шудаанд. Бо назардошти таҳдидҳои ифротгароию радикалӣ ва террористӣ ба амнияти минтақаи Осиёи Марказӣ, кишварҳои минтақаро зарур аст, ки дар доираи ҳамкории муштарак ва табодули таҷриба  муборизаро дар ин самт тақвият бахшанд.
Ин матлабро  Ҷонибек  Холиқзода, муовини сардори Раёсати  мудофиа ва тартиботи ҳуқуқии Дастгоҳи иҷроияи Президенти Ҷумҳурии Тоҷикистон, дар конфронси байналмилалие, ки ахиран дар шаҳри Душанбе дар мавзӯи «Мубориза бо терроризм ва экстремизм дар АвруОсиё: таҳдидҳои умумӣ ва таҷрибаи муштарак» доир гашт, баён намуд. Сипас, сафири фавқулода ва мухтори Федератсияи Русия дар Ҷумҳурии Тоҷикистон И.С.Лякин-Фролов, муовини  директори Маркази минтақавии зиддитеррористии Соз-мони ҳамкории Шанхай А. Мукашев, муовини Муншии умумии Созмони Аҳдномаи амнияти дастаҷамъӣ А. К. Жанкулиев, раиси Кумитаи Думаи давлатии Федератсияи Русия оид ба кишварҳои ИДМ, ҳамгироии АвруОсиё ва робита бо ҳамватанон В. М.Заварзин, муовини якуми раиси Кумитаи шӯрои Федеролии Федератсияи Русия оид ба мудофиа ва амният Ф. А. Клинтсевич, инчунин, роҳбарияти пажӯҳишгоҳ ва марказҳои тадқиқоти стратегии кишварҳои Осиёи Марказӣ перомуни маҷмӯи масъалаҳои мубрами амнияти минтақавӣ, аз ҷумла чолишу хатарҳои мураккабу бисёрсамтӣ, ки ба масоили меҳварии сиёсати дохилӣ ва хориҷии кишварҳои минтақа таҳдид мекунанд, мубодилаи афкори судманд намуданд.
Дар қисмати аввали конфронси байналмилалӣ, ки «Осиёи Марказӣ дар шароити тағйирёбии геополитикӣ: хатару таҳдидҳои минтақавӣ» унвон дошт,  масъалаҳои таъсири ҷараёнҳои муосири геополитикӣ ба амнияти умумии Осиёи Марказӣ; «омили Афғонистон» дар системаи таъмини амнияти минтақавӣ; фаъолияти созмонҳои террористӣ ва экстремистӣ дар Осиёи Марказӣ: таҳдидҳо ва роҳҳои муқовимат; тамоюлҳои асосии танзими зиддитеррористӣ ва зиддиэкстремистӣ дар Осиёи Марказӣ мавриди таҳлили ҳамаҷониба қарор гирифтанд. Дар ҳамоиш самтҳои муҳимтарини таъмини амнияти минтақавӣ дар Осиёи Марказӣ дар шароити ҷаҳонишавӣ, омилҳои минтақавии мушкилоти амният ва таҳдидҳои нави муосир, аз қабили тафаккури ифротгароӣ ва тундгароӣ, мубориза бо «Давлати исломӣ» ҳамчун самти асосии таъмини амнияти минтақавӣ, сенарияҳои эҳтимолии инкишофи вазъият дар Афғонистон ва таъсири он ба амнияти минтақавӣ ба риштаи баҳс кашида шуданд. Коршиносони соҳа дар робита ба масъалаҳои бартарафсозии мушкилоти мавҷуда дар таъмини амнияти минтақаи Осиёи Марказӣ, ҳалли мусолиматомези муноқишаи Афғонистон, ҳамкориҳои мақомоти қудратӣ ва ҳифзи ҳуқуқ дар самти мубориза бар зидди терроризми байналмилалӣ, экстремизми динӣ, қочоқи маводи мухаддир андешаҳои судманд баён карданд.
Дар иҷлосияи дуюми конфронс, ки таҳти унвони «Нақши Русияву Тоҷикистон ва созмонҳои байналмилалӣ дар муқовимат бо терроризм ва экстремизм дар Осиёи Марказӣ» баргузор гашт, масъалаҳои таҷриба ва ҳамкориҳои Федератсияи Русия ва Ҷумҳурии Тоҷикистон дар мубориза алайҳи терроризм ва экстремизм, самтҳои афзалиятнок ва механизмҳои ҳамкориҳои бисёрҷонибаи зиддитеррористӣ дар доираи Созмони Аҳдномаи амнияти дастаҷамъӣ ва Созмони ҳамкории Шанхай, таҷриба ва роҳҳои нави ҳалли муноқишаҳои байнидавлатӣ ва байналмилалӣ барои таъмини субот дар минтақаи Осиёи Марказӣ матраҳ шуданд. 
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 06.10.2017    №: 209    Мутолиа карданд: 874

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд


Дар сомонаҳои дигари Тоҷикистон хонед