logo

сиёсат

ТАНЗИМ ГАРАВИ ЗИНДАГИИ ШОИСТА

Мардуми мо баъд аз барҳам хӯрдани Иттиҳоди Шӯравӣ ва паси сар кардани мушкилоти дохилии солҳои аввали истиқлолият давраеро ба сар мебурданд, ки  ниҳоят ҳассос буд ва илова бар ин, ҷаҳонро буҳрони шадиди молиявӣ фаро гирифта буд. Дар баробари ин, мушкили дигаре, ки зиндагии мардумро сангинтар ва вазъи иқтисодиашонро фалаҷ карда буд, одатҳои ба ном мардумӣ, вале дар асл сарфу хароҷоти беҳуда дар тӯй ва азодориҳо буданд. Ҳатто замоне ки дар кишвар ҷанги шаҳрвандӣ сар зада, халқ ба буҳрони шадиди иҷтимоиву иқтисодӣ дучор омада буд, баргузор намудани чунин маросимҳо аз байн нарафт. Мардум бо мушкилиҳои хеле зиёд рӯзии худро ба даст меоварданд, аммо бо қарз гирифтани маблағҳои зиёд тӯю маросимҳои худро бодабдаба баргузор мекарданд, ки ин боиси солҳо зери қарз мондани онҳо мегардид.

Сарвари давлат ҳанӯз аз солҳои аввали интихоб шуданашон, сарфи назар аз мушкилоти зиёди дохилӣ, ба ин масъала таваҷҷуҳи хосса зоҳир мекарданд ва ҳамеша аз доман паҳн кардани ин гуна одатҳо ва суннатҳои миёншикан изҳори нигаронӣ менамуданд.
Бо дарназардошти аҳамияти масъала, 9 июли соли 1999 дар шаҳри Душанбе машварати ҷумҳуриявӣ доир ба танзими анъана ва ҷашну маросимҳо баргузор гардид, ки дар заминаи он Фармони Президенти Ҷумҳурии Тоҷикистон «Оид ба танзими анъана ва ҷашну маросимҳо» ба тасвиб расид.
Соли 2007  баъди  гузарондани  назарсанҷиҳои  умумихалқӣ ва бо дарназардошти андеша, пешниҳод ва таклифҳои қишрҳои гуногуни ҷомеа Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» қабул гардид. Баъд аз қабули қонуни мазкур аз 70 номгӯй ҷашну маросимҳои миллӣ дар кишвар танҳо 15 номгӯй боқӣ монд. Ин қонун бо гузашти ҳамагӣ шаш моҳ тавонист натиҷаҳои назаррас ба бор оварад.
Қобили зикр аст, ки тибқи иттилои Дафтари барномаи ҷаҳонии ғизои Созмони Милали Муттаҳид 870 миллион нафар дар ҷаҳон барои хӯрдан ғизои кофӣ надоранд, ки ин ҳамасола боиси марги 2,6 миллион нафар кӯдакони то панҷсола мешавад. 66 миллион нафар кӯдакон дар кишварҳои гуногуни ҷаҳон гурусна ба мактаб мераванд, ки 23 миллион нафари онҳо дар қитъаи Африқо умр ба сар мебаранд.
Маросимҳои дафну азодорӣ аз замонҳои қадим то ба даврони мо бо шаклу усулҳои гуногун барпо мегарданд. Ва ҳар ҷомеае вобаста ба пайравӣ аз дину оини хеш онҳоро ба хотири хушнудии рӯҳи шахси фавтида баргузор менамояд.
Дар кишвари мо ва бисёре аз давлатҳои ҷаҳон маросими дафн ва ё азодориро наметавон бе омода намудани таом ва дигар навъҳои хӯрданӣ тасаввур кард. Баъд аз фавти шахс маросимҳои  сартахтагӣ, себегоҳӣ, душанбегӣ, ҷумъагӣ, ҳафт, бист, чил, шашмоҳагӣ, сол ва ниҳоят хотирҷамъӣ соҳибони майитро сахт дар ташвиш мегузоштанд ва ба қавли мардум “болои мурда сад чӯб” мешуданд.
Бисёр анъанаҳои хурофотӣ, ки ба ягон оини мо - тоҷикон ва дигар мусулмонони рӯи дунё алоқамандӣ надоранд, солҳои зиёдест қомати шаҳрвандони моро хам намудаанд, ҳарчанд шариати ислом баргузории ин гуна маъракаҳоро ҳатмӣ намедонад. Тибқи пешниҳодҳои охир, минбаъд ҳама гуна маъракаҳои азодорӣ бо дуову фотиҳа ва бе таом баргузор мегарданд. Шаҳрванд метавонад хайру эҳсон намояд, вале ба шакли дигар, ба монанди дастгирии ятимон, камбизоатон, пиронсолон ва ё обод намудани роҳҳо, кӯпрукҳо, таъмири мактабу бунгоҳҳои тиббӣ ва амсоли онҳо ва бо чунин корҳо метавонад соҳиби савоби бештар гардад.
Сарфи назар аз натиҷаҳои назаррас, мутаассифона, баъзан ҳолатҳои аз ҷониби мансабдорону соҳибкорон ва нафарони соҳибнуфуз вайрон шудани қонуни танзим ба назар мерасид.
Таъкиди Пешвои миллат дар мулоқоти охири хеш ба ин нукта, ки назорати қонун ва қонуншиканиҳо барои мансабдорону тоҷирон пурзӯр карда шавад ва мансабдор метавонад барои нақзи қонун аз вазифа сабукдӯш шавад, соҳибкор барои ин амалаш даҳ баробар бештар аз шаҳрванди одӣ ҷаримабандӣ гардад, механизми хубест барои пешгирии қонуншиканиҳо дар ин самт.
АҲМАДЗОДА Ҷамшед Ҷалол,
раиси Кумитаи меъморӣ ва
сохтмони назди Ҳукумати
Ҷумҳурии Тоҷикистон


Баёни ақида (0)    Санаи нашр: 06.10.2017    №: 209    Мутолиа карданд: 889

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд


Дар сомонаҳои дигари Тоҷикистон хонед