logo

ҳуқуқ

РИШВА ДУ КОРМАНДИ "ИНТЕРПОЛ" - РО БА ҶАВОБГАРӢ КАШОНД

Кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон ду масъули Шуъбаи ҷустуҷӯи байналмилалии Бюрои миллии Маркази «Интерпол»-и Вазорати корҳои дохилии кишварро бо ҷурми гирифтани пора дастгир карданд.

Дар ин бора аз Агентии назорати давлатии молиявӣ ва мубориза бо коррупсияи Ҷумҳурии Тоҷикистон ба «Ҷумҳурият» хабар доданд. Бино ба иттилои манбаъ, аз тарафи муфаттиши калон оид ба корҳои махсусан муҳими Раёсати тафтишотии Кумитаи тафтишотии Ҷумҳурии Бошқирдистони Федератсияи Русия аз рӯи парвандаи ҷиноятӣ нисбат ба А. А. Нуриддинов, Э. Р. Носиров ва дигарон бо моддаҳои 105 қисми 2 бандҳои «ж,з», моддаи 30 қисми 3, моддаи 105 қисми 2 бандҳои «а,ж,з» Кодекси ҷиноятии Федератсияи Русия дар ҳудуди Ҷумҳурии Тоҷикистон амалҳои тафтишотӣ гузаронда шуданд. Дар ҷараёни ин амал зарурияти ба сифати шоҳид пурсидани шаҳрвандони Ҷумҳурии Тоҷикистон «А» ва «Б» ба миён омада, кормандони Шуъбаи ҷустуҷӯи байналмилалии Бюрои миллии Маркази «Интерпол»-и Вазорати корҳои  дохилӣ  дар бораи  ба тафтишот ҳозир намудани шахсони зикршуда супориш гирифтанд.
Сардори Шуъбаи ҷустуҷӯи байналмилалии Бюрои миллии Маркази «Интерпол»-и Вазорати корҳои дохилии кишвар подполковники милитсия Алоҳиддин  Камолов бо маслиҳати пешакӣ бо ваколатдори калони оперативӣ оид ба корҳои махсусан муҳими ҳамин шуъба майори милитсия Ҷовид Ваҳобов, бо истифодаи мақоми хизматӣ, бо мақсади тасарруфи молу мулки ғайр, 29 августи соли 2017 аз шаҳрванд «А» бо роҳи фиреб, бо баҳонаи он ки ӯро ба парвандаи ҷиноятии мазкур на ба сифати гумонбар, балки ҳамчун шоҳид ҷалб намуданашон 15 000 сомонӣ талаб намуданд.  Онҳо аз ин маблағ дар утоқи кории Ҷовид Ваҳобов 5000 сомониашро гирифта, овардани 10 000 сомонии боқимондаро талаб карданд. Ҳамчунин, Алоҳиддин Камолов аз шаҳрванд «Б» низ 15 000 сомонӣ талаб намудааст. Ҳаммаслаки ҷиноятии ӯ Ҷовид Ваҳобов бо маслиҳати пешакӣ бо А. Камолов 30 августи соли 2017 аз шаҳрванд «Б» дар назди Беморхонаи ёрии таъҷилӣ дар дохили автомашинаи шахсиаш, маблағи 5000 сомониро гирифта, овардани боқимонда 10 000 сомониро талаб кардааст. Шаҳрвандон «А» ва «Б» аз кирдорҳои ҷиноятпешаи Алоҳиддин Камолов ва Ҷовид Ваҳобов огоҳ гашта, бо ариза ба Агентии назорати давлатии молиявӣ ва мубориза бо коррупсияи Ҷумҳурии Тоҷикистон муроҷиат намуда, хоҳиш намудаанд, ки нисбат ба номбурдагон чораҳои қонунӣ андешида шавад.
Дар натиҷаи гузарондани чорабиниҳои оперативӣ-тафтишотӣ худи ҳамон рӯз - 30 августи соли 2017 дар назди Корхонаи воҳиди давлатии «Бозори Шоҳмансур»-и шаҳри Душанбе майори милитсия Ҷовид Ваҳобов бо Алоҳиддин Камолов, зимни аз шаҳрванд «А» гирифтани маблағи 10 000 сомонӣ дастгир гардида, далели шайъӣ ёфта гирифта шуд.
Ба иттилои манбаъ, нисбат ба Ваҳобов Ҷовид Неъматович ва Камолов Алоҳиддин бо моддаи 247 қисми 4 банди «б» Кодекси ҷиноятии Ҷумҳурии Тоҷикистон парвандаи ҷиноятӣ оғоз шуда, баъди ба итмом расидани тафтишоти пешакӣ, бо тасдиқи фикри айбдоркунӣ барои баррасӣ ба суди ноҳияи Шоҳмансури шаҳри Душанбе ирсол шудааст.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 10.10.2017    №: 211    Мутолиа карданд: 545

13.06.2018


Шиносоии Сарвазири мамлакат бо фаъолияти корхонаҳои пойтахт

12 медали варзишгарони тоҷик дар Ҷоми Ӯзбекистон

Боздиди ҳайати Ӯзбекистон аз НБО Роғун ва мавзеи сайёҳии Варзоб

Ҷаҳон дар як сатр

Вохӯрии таърихӣ - муқаддимаи сулҳ

Дар Муғулистон Маркази байналмилалии тадқиқотии кишварҳои рушдкунанда ташкил шуд

Сарвари Сандуқи байналмилалии асъор аз хатар ба иқтисоди ҷаҳонӣ огоҳ сохт

Бонки миллии Қирғизистон 90 дарсади даромадашро ба давлат медиҳад

12.06.2018


Баргузории ҷаласаи Шӯрои вазирони корҳои хориҷии СААД

Баимзорасии созишномаи ҳамкорӣ

Вазорати маориф ва илм ба ҷадвали санҷишу имтиҳонҳо тағйирот ворид кард

Баистифодадиҳии корхонаи коркарди санги хоро

Ҷаҳон дар як сатр

СААД ба Тоҷикистон дар таҳкими марз бо Афғонистон ёрӣ мерасонад

Дар Чин сафари Путинро комёбии мутлақ унвон карданд

Баррасии вазъи Афғонистон, Сурия ва Корея дар Алмаато

Мирзиёев хостори "долони озод"-и тиҷоратии СҲШ шуд

Минск аз Чин 800 миллион юан ёрии ройгон мегирад

08.06.2018


Мулоқоти Сироҷиддин Муҳриддин ва Никлас Линдквист

Форуми байналмилалии рушди сармояи инсонӣ баргузор мешавад

Иди саиди Фитр дар Тоҷикистон 15 июн таҷлил мегардад

Муҳлати бақайдгирии шаҳрвандони хориҷӣ аз 3 то 10 рӯзи корӣ тамдид шуд

Як вохӯрии судманд

РАШТ. Бунёду азнавсозии муассисаҳои таълимӣ вусъат мегирад

МОҲӢ. Афзоиши истеҳсол

Тақвими бозиҳои Ҷоми ҷаҳон

07.06.2018


Баргузории ҷаласаи навбатии кумитаи тадорукот

Мулоқоти Сироҷиддин Муҳриддин бо Алӣ Муборак ал-Муҳаннадӣ

Корхонаи парандапарварӣ ба истифода дода хоҳад шуд

Тоҷикистон боз дар мақоми аввал

ХАТЛОН. Рафти кишти такрорӣ бад нест, аммо...

Ҷаҳон дар як сатр

Путин зарурати рушддиҳии технологияҳои рақамиро таъкид кард

Ба Афғонистон низомиёни Амороти Муттаҳидаи Араб ва Қатар меоянд


Дар сомонаҳои дигари Тоҷикистон хонед