logo

иҷтимоиёт

НОҲИЯИ АЙНӢ. РӮЗГОРЕ БАРОИ ИБРАТ

Донишҷӯёне, ки аз ноҳияи Айнӣ дар муассисаҳои ғайрирасмии динӣ дар хориҷи кишвар таҳсил мекарданд, пурра баргардонда шуда, ягон нафар дар ҷангҳои Сурияву Ироқ иштирок надорад ва аъзои гурӯҳҳои террористӣ нест.

Ин матлабро Гулсара Зокирзода, муовини раиси ноҳияи Айнӣ, дар як суҳбат перомуни татбиқи қонунҳои Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон”, “Дар бораи масъулияти падару модар дар таълиму тарбияи фарзанд”, «Дар бораи озодии виҷдон ва иттиҳодияҳои динӣ» дар ноҳия баён дошт. - Ин далел баёнгари он аст, ки тадбирҳои андешидаи мақомоти иҷроияи маҳаллии ҳокимияти давлатии ноҳия дар самти корҳои таблиғотии зиддиифротгароӣ миёни сокинону ҷавонон, ки бо ҷалби намояндагони мақомоти ҳифзи ҳуқуқ ва кормандони соҳаи маориф пайваста ба роҳ монда мешавад, самаровар аст. Дар идомаи корҳои фаҳмондадиҳӣ ва эҷоди мафкураи зиддитеррористӣ дар байни аҳолӣ, ахиран дар маҷлиси васеи фаъолони ноҳия  мавзӯи «Терроризм ва экстремизми динӣ,  пешгирии шомилшавии ҷавонон ба гурӯҳҳои  ифротӣ» бо иштироки масъулони  мақомоти ҳифзи ҳуқуқ матраҳ гардид, ки дар он, ҳамзамон, наздик ба 300 нафар намояндагони ҷавонон, занон, муҳоҷирони корӣ ва ходимони дин иштирок намуданд, - гуфт Гулсара Зокирзода.
Ба андешаи муовини раиси ноҳияи Айнӣ, тағйиру иловаҳои воридшуда ба Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” бори дигар ин амрро собит сохт, ки дар партави сиёсати иҷтимоиву мардумсолории Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон беҳбудии сатҳи зиндагӣ ва рӯзгори аз имрӯз ҳам шоистатари мардум ҳамеша дар меҳвари таваҷҷуҳи Ҳукумати мамлакат қарор дорад. Татбиқи босамари ин қонуни миллӣ ва пешгирӣ аз ҳар навъ қонуншиканиҳои вобаста ба он имкон дод, ки дар зарфи даҳ соли амали ин санади меъёрии ҳуқуқӣ сатҳи зиндагии мардуми ноҳия чун дигар сокинони мамлакат бамаротиб беҳтар гардад. Маҳз бо таъсири қонуни мавриди назар таассубу зиёдаравӣ аз байн рафта, дар доираи арзишҳои миллӣ низоми дурусти маъракаороӣ шакл гирифт.
Бар пояи гузориши бахш оид ба корҳои дин, танзими анъана ва ҷашну маросимҳои миллии мақомоти иҷроияи маҳаллии ҳокимияти давлатии ноҳияи Айнӣ, феълан дар ноҳия 9 комиссияи доимӣ, 94 комиссияи ҷамъиятӣ амал мекунад, ки зиёда аз 400 нафар аъзо доранд. Тарғибу ташвиқи манфиатҳои моливу иҷтимоии қонун, риояи ҳатмии муқаррароти он асоси фаъолияти комиссияҳои доимиву ҷамъиятӣ ба шумор мераванд. Зимнан, дар зарфи ҳашт моҳи солӣ ҷорӣ дар ноҳия 630 маъракаву маросим бо хароҷоти умумии 1586850 сомонӣ баргузор гардидааст, ки ба ҳар як маърака ба ҳисоби миёна 2519 сомонӣ рост меояд. Чунин натиҷа дар ҳолест, ки мардум моҳияти аслии қонунро дарк намуда, дар доираи талаботи он амал мекунанд ва дар давоми ҳашт моҳи соли ҷорӣ танҳо се ҳолати қонуншиканӣ вобаста ба танзим сатб шудааст.
Ба манзури пешгирии ҷавонон аз шомилшавӣ ба равияҳои тундгароӣ, динӣ ва тавсеаи маърифати ҳуқуқии насли наврас иртиботи сохторҳои марбутаи давлатӣ бо мактабу маориф тақвият ёфта, вобаста ба баланд бардоштани масъулияти волидон дар таълиму тарбияи фарзандон корҳои амалӣ ба роҳ монда шудаанд. Дар доираи татбиқи Қонуни Ҷумҳурии Тоҷикистон «Дар бораи озодии виҷдон ва иттиҳодияҳои динӣ» фаъолият дар ин самт таҳким ёфта, дар ҳудуди ноҳия фаъолияти ғайриқонунии таблиғоти иттиҳодияҳои динӣ дар муассисаҳои таълимӣ, манзилу хонаҳои шахсӣ, ҷалби хонандагону омӯзгорон ба таҳсили фардии динӣ вуҷуд надорад.
- Маҳз ба шарофати қонуни мавриди назар, камхарҷ баргузор намудани тӯю маъракаҳо ва дигар суннатҳои мардумӣ воқеан ҳам сатҳи зиндагии мардум беҳбуд гардида, даҳҳо нафар навхонадорон дар ноҳияи Айнӣ аз ҳисоби маблағҳои сарфашуда соҳиби манзилҳои навбунёдӣ истиқоматӣ гардидаанд. Ҳам-замон, имкон фароҳам омад, ки дар оилаҳо барои таҳсили фарзандон пасандоз ҷамъоварӣ  ва барои тадриси онҳо равона шавад. Гулсара Зокирзода бо таъкиди ҳамин нукта, изҳор дошт, ки мо бо тамоми ҳастӣ барои татбиқи муқаррароти ин қонуни миллӣ талош варзида, иқдомҳои маънависози роҳбарияти олии кишварро барои расидан ба фардои боз ҳам пурсаодат дастгириву амалӣ менамоем.
Фирӯзи РАҲМОНИЁН, “Ҷумҳурият”


Баёни ақида (0)    Санаи нашр: 10.10.2017    №: 211    Мутолиа карданд: 747

20.02.2018


Бизнес-форуми доираҳои соҳибкорӣ баргузор мешавад

Хисрав Соҳибзода бо Султон Саъд ал-Мурайхӣ мулоқот намуд

Дурнамои рушди сиёсати давлатии ҷавонон матраҳ мегардад

ҶДММ “Суғуртаи асри XXI” соҳиби иҷозатнома шуд

Ҷаҳон дар як сатр

Вячеслав Володин: «Дар Сурия миёни «ДИ» - ро Русия шикаст»

Гуфтушуниди Чин бо ҷудоихоҳони покистонӣ

Қазоқистон: «Шустан» - и $500 миллион ва 8 сол маҳрумӣ аз озодӣ

Барои барқарорсозии Мехико баъди заминҷунбӣ шаш сол зарур аст

19.02.2018


Сироҷиддин Аслов бо Валбурга Рос мулоқот намуд

Муносибатҳои тиҷоратию иқтисодӣ бо Япония густариш меёбанд

Фурудгоҳи байналмилалии Душанбе ба стандартҳои ҷаҳонӣ мутобиқ мешавад

Барориши нахустини коғазҳои қиматнок ба иқтисоди кишвар 500 миллион доллар ворид намуд

Нуъмон Абдуғаффорзода: "Ба шарофати имтиёзҳои андозию гумрукӣ инфрасохтори сайёҳӣ рушд меёбад"

Ҷаҳон дар як сатр

Масъулияти куштори одамон дар Қизлярро «ДИ» ба зимма гирифт

ИА воридсозии сулҳофарон ба Донбассро воситаи қатъи таҳрими зиддирусӣ мешуморад

Мексика дар 33 мунитсипалитет ҳолати фавқулода роҳандозӣ кард

Садамаи чархбол боиси марги 13 нафар гашт

Дар Венесуэла ҳавопаймо ба болои хона афтид

Варзиш

17.02.2018


Сироҷиддин Аслов бо Ясмин Гуедар мулоқот намуд

Баррасии рушди муносибатҳои Тоҷикистону Озарбойҷон

Густариши ҳамкориҳо дар соҳаи сайёҳӣ

Ванҷ. Корҳои ободонӣ вусъат меёбанд

ХАТЛОН. Ба ҳунар арҷ мегузоранд

ИШКОШИМ. Беморон таҳти назорат қарор доранд

Хадамот ба буҷети мамлакат 92799, 26 сомонӣ ворид намуд

"ТОҶИК – ЭЙР". Камбудиҳо бартараф мешаванд

АГЕНТИИ ОМОР. Пешниҳоди шакли нави ҳисоботи ҷойҳои кории навтаъсис

Шералӣ Сиддиқзода: "Шароити муосири таҳсилро фароҳам меорем"

Агентӣ 1980 ҷинояти коррупсиониро ошкор кард

Бекоршавии ақди никоҳ аз мушкилоти мубрам боқӣ мемонад

14.02.2018


ҲИСОР. Аз таъмини дурнамои пахта то иҷрои барзиёди даромади буҷет


Дар сомонаҳои дигари Тоҷикистон хонед