logo

иҷтимоиёт

ФАРЁД ЗАНАД ФАЛАК...

Субҳи рӯзи ҷумъа буд, ки хабари фавти Ҳабибуллоҳи Бекмуҳаммад (машҳур бо номи Гурги Бек) ба гӯшам расид.  Боварам намеомад, ки воқеан, чеҳраи нуронӣ, лабони пурханда, овози дилнишину гӯшнавоз ва қаду қомати паҳлавононааш аз назари мухлисони бешумораш ғайб мезанад. Интихоби табиии шеъру сурудашро ҳама эътироф карда буд. Бо овози ширадораш пайваста моили эҷоди дилнишин мегашту касро ба олами тахайюлоти ширин раҳнамун месохт.
Мавридшиносиву мавқеъпазирии хос дар эҷоди таронаҳояш бараъло, равшану возеҳ падид меомад. Вобаста ба завқу дарки шунаванда чӣ гуна суруд хонданро хуб медонист. Сурудҳояш, ки бештар аз мардум ва лаҳни ширини кӯҳистон маншаъ мегирифт, дарҳол ба дилҳо роҳ меёфт. Зуҳури ӯ дар саҳнаи ҳунар бозёфти нодир аст. Мисли ҳунармандони дигар ба сони оташак дурахшида, зуд нопадид нагашт.
То охирин нафас дар мақоми баланди ҳунару эҷод пойдору устувор монд. Ҳама паҳлуҳои эҷодаш саршор аз меҳру муҳаббат ба Ватани маҳбуб, садоқату самимияти ёру диёр, сулҳу суботи кишвар ва некиву накукорӣ буд. Ҳангоми сурудани таронаҳои мардумӣ ҳама зарфиятҳои пешниҳоди эҷодро ба ҳаводорони санъати волояш эҳдо мекард. Талаффузи вожаҳои халқиро ба оҳанг мутобиқ месохт ва бо ҳаракатҳои ба худ зебандааш ба дилҳо сурур мебахшид. Думбраи сари дасташ бо ӯ ҳамовоз мегашту соиши ангуштонаш ба торҳои дутори чӯби хушк маъниҳои оҳанги дилошӯбро ҳувайдо мекард. Ашъори нобиғаҳои адабиёти оламшумули классикиро бехатову гӯшрасу дилрас замзама менамуду тобишҳои мазмуни баландро бо нигоҳҳои ба худ хосаш ишора мекард. Махсусан, аз ашъори Мавлонои Балхӣ, Хоҷа Ҳофиз, Ҳоҷӣ Ҳусайни Кангуртӣ бо завқу салиқаи баланд месуруду  худро бо дарку эҳсоси амиқи хунёгарӣ омезиш медод. Чун ба саҳна мебаромад, аз ҷалбу таваҷҷуҳи мухлисон рӯҳи тоза мегирифт.
Ӯ дар жанри фалак сабку услуби махсуси худро дошт. Ба касе тақлид намекарду эҷодаш аз дигар фалаксароён ба куллӣ фарқ менамуд. Ҳарчанд ки ӯ дер ба рӯи саҳнаи бузург омад, аммо ба зудӣ дар қалби мухлисон ҷой гирифт ва ҷовидона хоҳад монд.
Дар қатори дӯстони бешумор ва ҳазорон ҳаводоронаш камина низ бо шодравон ҳамкории эҷодӣ доштам ва аз суҳбату мулоқотҳои судмандаш баҳравар гаштаам. Марсияи мазкурро ба хотираи неки ӯ эҷод намудам:

Қарзи худ кард адо пеши ҳама,
Ҳар чи Ҳақ дар хати тақдир навишт.
Рафт ӯ бар сафари эҷодӣ,
То кунад шод дили аҳли биҳишт.

Ончунон дод вуҷудаш ба ҳунар,
Ҳама фаслаш ба ҳунар буд баҳор.
Тоб н-овард ба авҷи овоз,
Канда шуд тори дилу тори дутор...

Сари тобут, ки рӯяш рахшид,
Молиши рӯй буд аз дасти фалак.
Гурги Бек аст агарчи бо ном,
Дар ҳунар гашт вале Шери Фалак.

Давлат САФАР, шоир


Баёни ақида (0)    Санаи нашр: 18.10.2017    №: 217    Мутолиа карданд: 1146

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед