logo

иҷтимоиёт

ОИЛА. ОНРО ҲАМЧУН АСОСИ ҶАМЪИЯТ БОЯД ҲИМОЯ КАРД!

Оила рукни муқаддаси ҷомеа аст ва онро бояд ҳифз кард. Пойдории оила, пеш аз ҳама, омили таъминкунандаи суботи ҷомеа, устувории пояҳои ахлоқию маънавии он, тарбияи насли худшиносу худогоҳ, ватандӯсту меҳанпараст ва дар маҷмӯъ шахсиятҳои комил ба шумор меравад.

Мутаассифона, дар ҷомеаи имрӯзи мо аз ҳам пошидани оилаҳо ҳанӯз ҳам аз масъалаҳои ташвишовар боқӣ мемонад. Мувофиқи маълумоти Раёсати сабти асноди ҳолати шаҳрвандии Вазорати адлияи мамлакат, танҳо дар нимсолаи аввали соли ҷорӣ сабти расмии бекор кардани ақди никоҳ 5040 ҳолатро ташкил дода, назар ба ҳамин давраи соли гузашта 516 ҳолат зиёд аст.Таҳлилҳо нишон медиҳанд, ки феълан мушкили аз ҳама ташвишовар талоқи зудҳангом дар байни ҷавонон аст, ки роҳи ҳал мехоҳад. Зарринаи 22 - сола, ки ҳамагӣ баъди ду моҳи оиладорӣ аз шавҳараш ҷудо шудааст, дар ин масъала бо таассуф чунин мегӯяд:
- Ман донишҷӯи соли 5 - уми факултети молия ва қарзи Донишгоҳи миллии Тоҷикистон ва шавҳарам хатмкардаи Донишгоҳи техникии Тоҷикистон ба номи академик М. Осимӣ буд. Дар ибтидо  ба  ҳамдигар муҳаббат доштем. Вале дар ин муддати кӯтоҳ бо дахолати пайвандони шавҳарам муносибати ӯ тамоман дигар шуд. Аз рӯзи аввал хонумҳои хона ба ман таъна зада, мегуфтанд, ту табақи чӯбии калон, гӯшвору гарданбанди тилло наовардӣ, барои мо туҳфа надодиву қадрамон накардӣ. Ҳамин боис мегашту ҳар вақте шавҳарам аз кор меомад, моро ҷанг меандохтанд. Оқибат, шавҳарам бо маслиҳати хушдоманам маро талоқ дод. Аз бахши кор бо занон ва оилаи ноҳия хоҳиш кардам, ки ба ман ёрӣ расонанд. Онҳо бо ӯ суҳбат карданд, вале ягон натиҷа надод…
Заррина аз ҷумлаи даҳҳо духтарони дар зиндагӣ ноком аст, ки маҳз ба дахолати нафарони сеюм аз ҳамсарони худ ҷудо мешаванд. Ҳарчанд аз ҷониби ниҳодҳои марбутаи давлатӣ вобаста ба устувории оилаҳо беш аз пеш тадбирҳои судманд андешида шуда, дар байни ҷавонон пайваста корҳои фаҳмондадиҳӣ ва маслиҳатҳои инфиродӣ роҳандозӣ мегарданд, мутаассифона, хушунату ҷудошавӣ баръакс рӯ ба афзоиш дорад, ки боиси нигаронист.
Назокат Маҳмадова, муовини раиси ноҳияи Фирдавсӣ, низ бар ҳамин назар аст, ки дар пошхӯрии оилаҳо на танҳо худи ҷавонон гунаҳгоранд.
- Ҷудошавии оилаҳо дар бештари маврид аз дахолати шахсони сеюм сарчашма мегирад. Ин мушкилест, ки барои ҳалли он бояд дастаҷамъона амал намоем. Дар ҷудошавии оилаҳои ҷавон калонсолон низ гунаҳгоранд. Онҳо камбудиҳои ҷойдоштаро бинанд ҳам, дар роҳи ҳаллашон камтар мекӯшанд. Пештар, агар дар ягон оила нофаҳмӣ ба вуҷуд меомад, раиси маҳалла бо ҷавонон, падару модари онҳо ҳамсуҳбат шуда, пеши роҳи вайроншавии оилаҳоро мегирифт, - иброз дошт ӯ.
Ин ва даҳҳо мисолҳои дигар собитгари онанд, ки вайроншавии оила мушкили танҳо як оила набуда, мушкили тамоми ҷомеа маҳсуб меёбад. Аз ин рӯ, бояд дар мавриди устувории оилаҳо аз ҷониби ҳамаи сохторҳои давлатӣ, кумитаҳои маҳалливу ҷамоатҳои шаҳраку деҳот, хосса худи падару модарон чораҳои муассир андешида шаванд.
Нигина РАҲМОН,  «Ҷумҳурият»


Баёни ақида (0)    Санаи нашр: 18.10.2017    №: 217    Мутолиа карданд: 937

21.02.2018


Вохӯрии Сироҷиддин Аслов бо Оле Йоҳан Бёрней

Ҷаласаи ситоди ҷумҳуриявӣ дар Вазорати кишоварзӣ

Баррасии масоили мубрами густариши ҳамкориҳо

Баргузории намоиши «Корвони ҳунар»

Ҷаҳон дар як сатр

СММ Туркияро ба қатъи амалиёти низомӣ дар Африн даъват намуд

Дар ИДМ 90 нафар барои маблағгузории терроризм ба даст афтод

Кушта шудани 24 полис аз дасти толибон

ДИ дар Афғонистон ва Покистон реша медавонад

Венесуэла соҳиби криптоасъори худ шуд

Samsung дроне баровард, ки бо нигоҳ идора мешавад

20.02.2018


Бизнес-форуми доираҳои соҳибкорӣ баргузор мешавад

Хисрав Соҳибзода бо Султон Саъд ал-Мурайхӣ мулоқот намуд

Дурнамои рушди сиёсати давлатии ҷавонон матраҳ мегардад

ҶДММ “Суғуртаи асри XXI” соҳиби иҷозатнома шуд

Ҷаҳон дар як сатр

Вячеслав Володин: «Дар Сурия миёни «ДИ» - ро Русия шикаст»

Гуфтушуниди Чин бо ҷудоихоҳони покистонӣ

Қазоқистон: «Шустан» - и $500 миллион ва 8 сол маҳрумӣ аз озодӣ

Барои барқарорсозии Мехико баъди заминҷунбӣ шаш сол зарур аст

19.02.2018


Сироҷиддин Аслов бо Валбурга Рос мулоқот намуд

Муносибатҳои тиҷоратию иқтисодӣ бо Япония густариш меёбанд

Фурудгоҳи байналмилалии Душанбе ба стандартҳои ҷаҳонӣ мутобиқ мешавад

Барориши нахустини коғазҳои қиматнок ба иқтисоди кишвар 500 миллион доллар ворид намуд

Нуъмон Абдуғаффорзода: "Ба шарофати имтиёзҳои андозию гумрукӣ инфрасохтори сайёҳӣ рушд меёбад"

Ҷаҳон дар як сатр

Масъулияти куштори одамон дар Қизлярро «ДИ» ба зимма гирифт

ИА воридсозии сулҳофарон ба Донбассро воситаи қатъи таҳрими зиддирусӣ мешуморад

Мексика дар 33 мунитсипалитет ҳолати фавқулода роҳандозӣ кард

Садамаи чархбол боиси марги 13 нафар гашт

Дар Венесуэла ҳавопаймо ба болои хона афтид

Варзиш

17.02.2018


Сироҷиддин Аслов бо Ясмин Гуедар мулоқот намуд

Баррасии рушди муносибатҳои Тоҷикистону Озарбойҷон


Дар сомонаҳои дигари Тоҷикистон хонед