logo

фарҳанг

ИҚДОМЕ, КИ ПАЙРАВӢ МЕХОҲАД

Истиқлолияти давлатии Тоҷикистон барои рушди соҳаҳои гуногуни ҳаёти иҷтимоии кишварамон имкон ва шароити мусоидеро фароҳам овард. Аз ҷумла, мо имкон пайдо кардем, ки  арзишҳои миллии фарҳангӣ ва сиёсии худро соҳибӣ кунем, онҳоро эҳёву ҳифз намоем ва барои инкишофашон чораҳо андешем. Дар радифи чунин арзишҳо, пеш аз ҳама, забони миллиро метавон ном бурд, зеро забон омили ҳастии давлат ва бақои миллат аст.
Тавре Асосгузори сулҳу ваҳдати миллӣ - Пешвои миллат Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд: «Забони миллӣ рукни муҳимтарини давлатдорӣ буда, ҳифз кардани он, риоя намудани меъёрҳо ва аз забони халқу осори пешин бой гардондани захираҳои луғавии ин забони нобу шоирона вазифаи ҳар як соҳибватан мебошад». Боиси хушнудист, ки ин гуфтаҳои Пешвои миллат аз ҷониби намояндагони забон, хосса мақомоти давлатӣ дастгирӣ меёбанд ва баҳри татбиқи он чорабиниҳои гуногун тарҳрезӣ ва баргузор карда мешаванд. Як мисоли равшани он иқдоми мақомоти иҷроияи маҳаллии ҳокимияти давлатии ноҳияи Айнӣ дар шарикӣ бо нашрияи «Ҷумҳурият» мебошад.
Се моҳ қабл  Нашрияи расмии Ҷумҳурии Тоҷикистон – «Ҷумҳурият» якҷо бо мақомоти иҷроияи маҳаллии ҳокимияти давлатии ноҳияи Айнӣ бахшида ба Рӯзи забони давлатии Ҷумҳурии Тоҷикистон ва ба хотири гиромидошти Қаҳрамони Тоҷикистон Садриддин Айнӣ озмун эълон намуд. Ин иқдоми воқеан наҷиб ва пайгиронае буд, ки аз як тараф, таваҷҷуҳи аҳли қаламро ба масъалаҳои забони миллӣ, вазъи имрӯза ва дурнамои он, мақому манзалати забон дар тамаддуну фарҳанги миллӣ, хидматҳои мондагори қаҳрамонҳои Тоҷикистон – Пешвои миллат муҳтарам Эмомалӣ Раҳмон ва устод Садриддин Айнӣ дар ҳимоя ва таҳкими забони тоҷикӣ ҳамчун забони давлатӣ ва амсоли ин ҷалб намуд, аз сӯйи дигар, тавассути мақолаҳои интишоргардида хонанда аз моҳияти ин масъала ва хидматҳои шахсиятҳои барҷаста ҷиҳати ҳифзу гиромидошти забони миллӣ тавонист хубтар воқиф гардад ва ба ин васила ҳисси худшиносӣ ва миллии худро баланд бардорад.
Афзалият ва бартарияти ин иқдом боз дар он буд, ки ҷамъбасти озмун дар маркази ноҳияи Айнӣ бо иштироки олимону адибон, публитсистону рӯзноманигорон ва омӯзгорону санъаткорон баргузор гардид. Дар ин ноҳия баргузор гардидани чорабинии мазкур як навъ ҳикмат ҳам дошт, зеро агар, аз як тараф, ноҳия ба номи Айнӣ марбут бошад, аз тарафи дигар, устод Айнӣ ба услуби забон ва шеваи гуфтори мардуми ин маҳал таваҷҷуҳи хос доштанд. Ва имрӯз ҳам сокинони он дар ҳифзи анъанаҳои забони тоҷикӣ, гиромидошти арзишҳо ва тозагии он кӯшиши бештаре ба харҷ медиҳанд.
 Даъвати меҳмонон, пазироии онҳо, зиёрати маҷмааи шоир Нақибхони Туғрал, гулгузорӣ ба пояи муҷассамаи Садриддин Айнӣ, маҷлиси ботантана дар қасри фарҳанги ноҳия аз ҷумлаи ҷузъиёти  чорабиниҳои ҷамъбасти озмун ва таҷлили Рӯзи забони давлатӣ  буданд, ки то дер дар хотирҳо нақш хоҳад баст. Ба ростӣ, мақомоти иҷроияи маҳаллии ҳокимияти давлатии ноҳия барои таҷлили ин санаи муҳими таърихиву фарҳангӣ омодагии хуб дида буд. Бо як низоми хос барпо гардидани чорабиниҳои ҷашнӣ, муносибату муоширати пур аз лутфу меҳр ва хоксоронаву самимии мутасаддиён, чеҳраи кушодаи мардум, хосса мизбонони хона - музеи Нақибхон Туғрал боиси мутаҳаййирӣ ва болидарӯҳии меҳмонон гардид.
 Умед дорем, ки чунин иқдом бахшида ба ҷашнҳои миллӣ ва санаҳои дигари таърихиву фарҳангӣ аз ҷониби мақомоти иҷроияи маҳаллии ҳокимияти давлатии шаҳру навоҳии дигари кишвар дар шаклҳои гуногун пайравӣ ва идома меёбад. Ин усули кор на танҳо иртиботи аҳли зиёро бо ҳаёти иҷтимоии маҳаллоти кишварамон бештар, балки фазои фарҳангӣ ва маънавии онро боз ҳам рангинтар хоҳад гардонид. Алалхусус, дар ин замони ҷаҳонишавӣ ва баҳамоии фарҳангҳои башар ташкили чунин чорабиниҳо барои истеҳкоми фарҳанги бумӣ аз манфиат холӣ нахоҳад буд.
Мурод МУРОДӢ, профессори
Донишгоҳи миллии Тоҷикистон


Баёни ақида (0)    Санаи нашр: 24.10.2017    №: 220    Мутолиа карданд: 1251

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед