logo

иҷтимоиёт

САРМОИ МУРҒОБ. ЧАНД ПАҲЛУИ ЯК ПРОБЛЕМА

Дар ноҳияи   баландкӯҳи  Мурғоб  аз  15  октябр  мавсими  гармидиҳӣ   оғоз  меёбад.  Вале  тавре Абдуназар  Абдуназарзода, муовини  раиси  вилоят, изҳор дошт, то ҳол дар ноҳия  ҳамагӣ ба  андозаи  63 дарсади  нақша  ангишт  ва  73  дарсад  ҳезум  захира  шудааст. Дар  идораву  муассисаҳо ва ҷамоатҳои  деҳоти  ин  минтақаи  баландкӯҳи  кишвар  қариб  500  тонна  ангишт  ва 800  метри  мукааб ҳезум аз нақша камтар  захира  шудааст. Дар  муассисаҳои  таҳсилоти   миёнаи  умумӣ  бошад, ба андозаи 61 дарсад ангишт захира  намудаанд, ки ин боиси ташвиш аст.

Дар  чунин  ҳол  сокинони  ноҳия хонаҳои  худро  бештар  бо  терескен  ном  гиёҳ , ки  асосан  ғизои  ягонаи  қутос  ва  гӯсфанди   Марко  Поло  дар  ин  минтақа  ба  ҳисоб  меравад, гарм  мекунанд. Султон  Пармонов, сокини  ноҳия, мегӯяд, ки ин ҳолат  ба аз байн рафтани терескензорҳо оварда мерасонад. Сол то сол дар ҷои терескензор  даштҳои  сӯхтаи  бегиёҳ  доман  паҳн   мекунанд. Аз байн рафтани терескензорҳо паёмади  хуб  надорад. Зеро ҳам қутос ва  ҳам  гӯсфандони  Марко  Поло, ки  боигарии асосии  ноҳияи Мурғоб  мебошанд, дигар  барои  худ  ғизо  пайдо накарда, ба  мавзеъҳои  дур мераванд. Гӯсфандони Марко  Поло  ҳатто   сарҳади  байни   Тоҷикистон  ва  Хитойро  убур  карда, ба  давлати  ҳамсоя  мераванд. 
Қурбонбой Раҳимҷонов, корманди мақомоти   иҷроияи  маҳаллии ҳокимияти давлатии ноҳия,  мегӯяд, ки барои  ҳифзи терескен  як  қарори  махсуси  раиси  ноҳия ба  тавсиб  расидааст, ки  тибқи  он  решакан  кардани  терескен  дар  қаламрави  ноҳия  мамнӯъ  эълон  шудааст.
Ҳар сол барои сокинони  ноҳияро   бо  ангишт  пурра  таъмин  намудан маблағҳои  муайян   ҷудо   мешаванд. Ангиштро аз  водии  Алайи  Ҷумҳурии  Қирғизистон   мекашонанд. Ба  ин  мақсад  дар  ноҳия  12  нуқтаи  фурӯши  ангишт  ташкил  шудааст.  Бино ба  иттилои  Исрор  Исроров, муовини аввали раиси  ноҳия, Ҳукумати  Ҷумҳурии Тоҷикистон шароити  вазнини  зимистони  ноҳия  ва  мавқеи  ҷуғрофии  онро  ба  назар гирифта, барои  ноҳияи  Мурғоб  имтиёзи  махсус  роҳандозӣ   намудааст: ангиште, ки  аз Ҷумҳурии  Қирғизистон  оварда  мешавад, аз  пардохти  ҳамаи  намудҳои  боҷи  давлатӣ  ва  дигар  пардохтҳои сарҳадӣ  озод  мебошад.
Аммо  Қурбоналӣ  Турғунов, сокини  ноҳия  зикр  кард, ки  соҳибкорон  ба  ноҳия  ангишт  меоранд,   вале  нархи   он  барои  сокинони  ноҳия  гаронӣ  мекунад. Дар  маркази  ноҳия  як  тонна  ангишт  то  1000  сомонӣ  ва  аз  он  ҳам  қиматтар  ба  фурӯш  гузошта  мешавад. Хоҷагиҳое, ки  имкони  хариди  ангишт  надоранд, ночор  ба  ҷамъоварии  терескен  мебароянд. Дар  бозори  ноҳия  ҳам  терескен  ба  савдо   гузошта  мешавад.  Як  мошини  боркаши  терескени  хушк  1000  сомонӣ  арзиш  дорад  ва  ба  гуфтаи  сокинони  ноҳия,  он  аз  баъзе  ангиштҳое, ки   тоҷирон  дар  нуқтаҳои  фурӯш  ба  савдо   мегузоранд, хушсӯзтар  аст. Аз  ин  рӯ, одамон  ҳоло  ҳам  терескен  ҷамъоварӣ  мекунанд.
Шодихон  Ҷамшед, раиси  вилоят,  дар ҷаласаи  ситоди  вилоятии  зимистонгузаронӣ   таъкид  кард, ки  ноҳияи  Мурғоб  нуқтаи  хунуктарини  вилоят  аст  ва  мебоист аз  ҳама  пеш  бо  маводи  сӯзишворӣ, аз  қабили  ангишту  ҳезум  таъмин  мегардид.  Вале   хунукназарии  роҳбарияти  ноҳия ва   идораву  муассисаҳои  масъули  вилоят  боис  гардидааст, ки дар  ин  минтақа  зимистон фаро расида  бошад  ҳам, то ҳол идораву  муассисаҳои  ноҳиявию ҷамоатҳои  деҳот ва аҳолӣ бо  маводи  сӯхт  пурра таъмин нагардидаанд. Дар  чунин  ҳолат чӣ  тавр  фаъолияти  пурсамари  идораву  муассисаҳо  таъмин  мегардад? Ҷавоби  ин  савол  ба  ҳама  фаҳмост. Тасаввур  кунед, дар  синфхонаи деҳаи Рангкӯл  ё  Тохтамиш, ки  хунукии ин  мавзеъҳо аз 40  дараҷа  ҳам  мегузарад, чӣ  хел кӯдакон  беалов мехонанд? 
Бо мақсади омӯзиши амиқи вазъи ҷараёни  зимистонгузаронӣ  дар  ноҳияи  Мурғоб  раиси вилоят  супориш  дод, ки ба ин минтақа гурӯҳи кории  махсус  дар  ҳайати  кормандони  сарраёсати  молия, раёсатҳои маорифу тандурустӣ, шуъбаи фарҳанги  вилоят  ва  намояндаи  дастгоҳи  раиси  вилоят  сафарбар  карда  шавад. 
Раҳмони  ГУЛЗОР, “Ҷумҳурият”


Баёни ақида (0)    Санаи нашр: 26.10.2017    №: 221    Мутолиа карданд: 1068

16.08.2018


Рӯзноманигорони ӯзбек меҳмони Тоҷикистон

15.08.2018


ЛЕВАКАНТ. Пастравии сатҳи ҷинояткорӣ дар байни ноболиғон

БАЛҶУВОН. Бунёди 14 иншоот

САНОАТ ДАР НОҲИЯИ МИР САЙИД АЛИИ ҲАМАДОНӢ КОҲИШ МЕЁБАД,ЧАРО?

КИШОВАРЗӢ ДАР НОҲИЯИ ТЕМУРМАЛИК АФЗАЛИЯТ ДОРАД

14.08.2018


ТОҶИКИСТОН – ҚАЗОҚИСТОН. Нахустҷаласаи Шӯрои корӣ ва ҳамоиши соҳибкорон

МАҚОМОТИ СУДӢ ВА ВАО. Иқдоме барои таҳкими ҳамкориҳо

"ЗЕБОНИСО". Аввалин чемпиони Тоҷикистон оид ба футбол миёни бонувон

ММТ: "Беш аз 50 ҳазор довталаб донишҷӯ шуд"

10.08.2018


Қабули нусхаи Эътимоднома аз сафири Туркманистон

Ҷаласаи Шӯрои ИДМ оид ба сайёҳӣ оғоз ёфт

Ҷаласаи Шӯрои марказии Ҷамъияти ихтиёрии мусоидат ба артиши ИДМ

Ҳамоиши тиҷоратии соҳибкорони Тоҷикистону Қазоқистон

ХАТЛОН. Нахустин форуми тиҷорати маҳсулоти боғдорӣ доир гардид

СУҒД. 90 ҳазор сомонӣ барои ғолибони озмуни "Маҳаллаи беҳтарин"

Семинари муфид

09.08.2018


Туҳфаи ФФТ ба варзишгарони Хоруғ

МАОРИФ. Имконияти нав ба як гурӯҳ довталабон

КӮЛОБ. Истеҳсоли маҳсулоти кишоварзӣ афзудааст

Ғолибони ҷоизаи Зебунисо Рустамова муайян шуданд

07.08.2018


ДУШАНБЕ. Таъсиси ҷойҳои махсус барои забҳи чорво

Шӯрои сайёҳии давлатҳои аъзои ИДМ дар Душанбе

Пресс-тури рӯзноманигорони агентиҳои иттилоотии ИДМ

«Сомон Эйр». Роҳандозии парвозҳо ба самти Бухоро

Буҷети давлатӣ 2,4 миллиард сомонӣ афзуд

ММД. Афзоиши воқеии он 7,2 дарсадро ташкил дод

ММТ. “Пешномнависӣ” кори довталабро осон кард

Роҳхати 28 варзишгари дигар ба бозиҳои Осиё

06.08.2018


Вохӯрии Абдуҷаббор Раҳмонзода бо аҳли ҷомеаи Данғара

Аввалин гурӯҳи зоирони тоҷик ба Арабистони Саудӣ сафар кард

Душанбе. Ярмаркаҳои мактабӣ ташкил мешаванд

03.08.2018


Мулоқоти Абдуҷаббор Раҳмонзода бо сокинони шаҳри Кӯлоб

Боздиди Раҷаббой Аҳмадзода аз намоиши ҳунарҳои мардумӣ ва маҳсулоти кишоварзӣ

Ҷамъбасти Намоишгоҳи якмоҳаи ҳунарҳои мардумӣ дар Душанбе


Дар сомонаҳои дигари Тоҷикистон хонед