logo

фарҳанг

НАСРИ КӮДАКОНА. ЧӢ БОЯД КАРД?

Дар Иттифоқи нависандагони Тоҷикистон нишасти муҳим дар мавзӯи «Нигоҳе ба насри кӯдак» баргузор гардид. Маҳфили мазкур, ки асосан адабиётшиносон, ноширон ва адибони бачагонро сарҷамъ карда буд, масъалаҳои марбут ба таълиму тарбияи кӯдакон ва асарҳои барои онҳо пешниҳодшавандаро матраҳ намуд.

Адабиётшинос Азимҷон Аминов дар мавриди адабиёти кӯдак маърӯза карда, дар мисоли чандин адибони ҷавон ва калонсол нуқсу камоли баъзе аз асарҳоро таҳлилу баррасӣ кард.
- Илми адабиётшиносии мо ба адабиёти кӯдак камтар таваҷҷуҳ карда, ба ин бахши ниҳоят муҳими адабу фарҳанг ҳамчун як унсури умумии адабиёт наменигарад. Ҳол он ки мушкилтарин кор барои кӯдак эҷод кардан аст. Вале аз мушкилӣ гурехтан, аз роҳи мураккабу пурмасъулият «парҳез» кардан, дар фазои тарбияи насли оянда холигиро ба вуҷуд меорад. Мо имрӯз наздик ба се миллион кӯдак дорем, вале барои хониши иловагӣ ва беруназсинфии онҳо ба миқдори хеле кам китоб чоп мекунем, - изҳор дошт Азимҷон Аминов.
Дар ҳақиқат, усули аз сода ба мураккаб гузаштани кӯдакони мо аксар маврид риоя намешавад. Ҳатто ҳастанд ҳолатҳое, ки баъзе матнҳои мушкилфаҳми китобҳои дарсӣ ва бадеии имрӯзро падару модарон низ намефаҳманд.
Иттифоқи нависандагон барои тарғибу ташвиқ ва табъу нашри адабиёти кӯдак шурӯъ аз соли ҷорӣ Шӯрои адабиёти кӯдак ташкил намуд. Роҳбари он Азизи Азиз дар бораи мазмуну муҳтавои китобҳои бачагона ҳарф зада, таъкид кард, ки дар аксари асарҳои барои кӯдак иншошуда содагӣ, забони равону фаҳмо, калимаҳои ба синну сол мувофиқ ва аз ҳама муҳим ҳикмату пандҳои тарбиявию ғоявӣ камтар мушоҳида мешавад.
- Дар замони мо, ки шумораи чопхонаву ноширони хусусӣ афзудааст, фарқ гузоштан байни сараву носара низ мушкил шудааст. Аммо, бо вуҷуди ин, Ҳукумати Тоҷикистон табъу нашр ва сатҳу сифати китобҳои бачагонаро зери назорат қарор додааст. Бовар дорем, ки мушкилоти мазкур тадриҷан ҳалли худро меёбад, - афзуд Азизи Азиз.  
Намояндаи ташкилоти «Кимоникс»  Муҳиддин Хоҷаев, ки асосан бо тарғибу ташвиқ ва чопи китобҳои кӯдакона машғул аст, доир ба муҳимтарин нуктаҳои масъала ҳарф зада, пешниҳод кард, ки рассомон ва нависандаву шоирони кӯдакон ҳамкории пайвастаро бо ин ниҳод ба роҳ монанд. Мавсуф ҳавасмандии ҳамкории худро бо адибони боистеъдоду хушсалиқа баён дошта, хоҳиш кард, ки барои ба дасти фарзандони хурдсоламон расидани адабиёти баландмазмуну мувофиқ ба меъёрҳои ахлоқу маърифат аз неруи ҳамдигар истифода барем. Адиб, рассом, тарроҳ ва ношир танҳо дар якҷоягӣ метавонанд барои кӯдакони синни томактабӣ ва хонандагони синфҳои 1 - 4 асарҳои ҷолибу тарбиявӣ таҳия ва пешкаш намоянд. 
Имрӯз ҳам, фардо ҳам, муҳимтарин вазифае, ки дар назди ҷомеа меистад, таълиму тарбияи насли наврас, бавижа кӯдакони синни томактабӣ аст. Зеро нахустин заминаҳои ташаккули кӯдак маҳз дар ҳамин давра гузошта мешавад. Агар дар ин давра ба инкишофи психологиву педагогии тифл камтаваҷҷуҳӣ кунем, дар зинаҳои минбаъдаи таҳсилот душвориҳои зиёди зеҳниву рӯҳӣ мекашад.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 30.10.2017    №: 223    Мутолиа карданд: 1276

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед