logo

мулоқотҳо

Сӯҳбатҳои судманди Эмомалӣ Раҳмон бо Ҳилларӣ Клинтон, Гурбонгулӣ Бердимуҳаммадов ва Акбар Турсон дар Нию Йорк

25 сентябр дар шаҳри Нию Йорк Президенти Ҷумҳурии Тоҷикистон Эмомалӣ Раҳмон бо Котиби давлатии Иёлоти Муттаҳидаи Амрико Ҳилларӣ Клинтон ва Президенти Туркманистон Гурбонгулӣ Бердимуҳаммадов мулоқот намуда, ҳамчунин олими шинохтаи тоҷик Акбар Турсон ва як гурӯҳ ҳамватанони муқими Амрикоро ба ҳузур пазируфт.

Зимни сӯҳбат бо хонум Ҳилларӣ Клинтон маҷмӯи васеи масоили ҳамкории Тоҷикистону Амрико мавриди баррасӣ қарор гирифт.
«Барои Тоҷикистон рушди равобити гуногунҷанба бо Иёлоти Муттаҳидаи Амрико авлавияти сиёсати хориҷиро ташкил медиҳад ва мо ба густариши бемайлони ин равобит ва васеъ гардонидани доираи ҳамкориҳо ҳавасманд ҳастем», изҳор дошт дар оғози сӯҳбат Сардори давлат Эмомалӣ Раҳмон.
Ҳилларӣ Клинтон ба Президенти Тоҷикистон Эмомалӣ Раҳмон барои саҳми намоёни кишвари мо дар мусоидат ба эътидолу субот дар Афғонистон арзи сипос намуд.
Аз сатҳ ва мазмуни ҳамкории сиёсӣ ва низомию амниятии Тоҷикистону Амрико, дар маҷмӯъ, изҳори қаноатмандӣ карда шуд.
Ҳамзамон таъкид гардид, ки Тоҷикистон ба манзури дар сафи пеши мубориза бо хатари паҳншавии терроризму экстремизм ва гардиши ғайриқонунии маводи мухаддир қарор доштанаш бояд аз кӯмакҳои бештари ҷомеаи ҷаҳонӣ ва аз ҷумла давлати Амрико бархӯрдор бошад.
Президенти мамлакат Эмомалӣ Раҳмон ва Котиби давлатии Иёлоти Муттаҳидаи Амрико Ҳилларӣ Клинтон оид ба имкону захираҳои фаровони рушди ҳамкории иқтисодӣ, аз ҷумла баҳри мавриди истифода қарор додани иқтидори гидроэнергетикии Тоҷикистон, бунёди бозори минтақавии нерӯи барқ, рушди нақлиёту коммуникатсия дар минтақа ва мусоидати фаъол ба барқарорсозии иқтисодиёти Афғонистон гуфтугӯйи судманд анҷом доданд.
Ҳар ду ҷониб ҳавасмандии устувори худро баҳри таҳким ва густариши минбаъдаи муносибатҳои мутақобилан судманд  таъкид намуданд.
Дар вохӯрии Сардори давлат Эмомалӣ Раҳмон бо Президенти Туркманистон Гурбонгулӣ Бердимуҳаммадов масоили рушди минбаъдаи ҳамкорӣ, аз ҷумла баҳри дар амал татбиқ намудани санадҳои қаблан имзошуда гуфтугӯ сурат гирифт.
Сарони ду давлат - Эмомалӣ Раҳмон ва  Гурбонгулӣ Бердимуҳаммадов омодагӣ ва ҳавасмандии худро баҳри рушди муносибатҳои гуногунҷанбаи ду кишвар таъкид намуданд.
Масоили ҳамкорӣ баҳри бартараф намудани мушкилоти сунъӣ дар роҳи рушди робитаҳои иқтисодӣ-тиҷоратӣ, нақлиётию коммуникатсионӣ ва гардиши озоди шаҳрвандон ва молу хизматрасонӣ дар минтақаи Осиёи Марказӣ низ аз мавзӯъҳои асосии сӯҳбат буд.
Эмомалӣ Раҳмон ва  Гурбонгулӣ Бердимуҳаммадов ҳамчунин оид ба масоили байналмилалӣ ва ҳамоҳангсозии мавқеи ду давлат дар ҳалли мушкилоти глобалӣ гуфтугӯйи судманд анҷом доданд.
Дар сӯҳбат бо олими намоёни тоҷик Акбар Турсон, ки чанд сол боз дар Амрико кору зиндагӣ дорад, оид ба рушди имрӯза ва дурнамои илму фарҳанг дар Тоҷикистон ва тарғибу ташвиқи арзишҳои олии тамаддуни тоҷикон дар ҷаҳон гуфтугӯйи пурмӯҳтаво сурат гирифт.
Акбар Турсон аз шунидани суханронии Президенти мамлакат Эмомалӣ Раҳмон ва лафзи ширини тоҷикӣ аз минбари олии Маҷмаи умумии Созмони Милали Муттаҳид изҳори сарфарозӣ намуда, Сардори давлатро бо комёбиҳои намоён дар татбиқи сиёсати дохилию хориҷӣ ва шиносондани шоистаи Тоҷикистон ба ҷаҳониён табрику таҳният гуфт.
Акбар Турсон ҳамчунин изҳор дошт, ки таассуроти неки имрӯз бардоштааш ба ӯ нерӯю тавони тоза ва илҳоми бештари эҷодӣ хоҳад бахшид.
Сардори давлат Эмомалӣ Раҳмон ӯро ба ҳамкории бештар бо олимони дигари тоҷик ва иштироки фаъол дар ҳамоишҳои илмию фарҳангии Тоҷикистон, аз ҷумла чорабиниҳое, ки бо ташаббус ва дастгирии Ҳукумати мамлакат ба роҳ монда мешаванд, даъват намуд.
Ҳамин гуна сӯҳбати озоду ошкоро ва самимию дилнишин ҳамчунин миёни Сардори давлат   Эмомалӣ Раҳмон ва як гурӯҳ ҳамватанони мо, ки дар Амрико кору зиндагӣ мекунанд, сурат гирифт.
Хотиррасон бояд намуд, ки  ҳамаи онҳо, олими маъруфи тоҷик Акбар Турсон  ва беш аз 50 нафар ҳамватанони мо зимни суханронии Президенти мамлакат Эмомалӣ Раҳмон ба толори Маҷмаи умумии Созмони Милали Муттаҳид даъват шуда буданд.
Онҳо низ аз   суханронии    Эмомалӣ Раҳмон, ки бо забони ноби тоҷикӣ сурат гирифт ва аз андешаю пешниҳодҳои дастгириёфтаи ӯ изҳори хушнудию сарфарозӣ намуданд.
Сардори давлат Эмомалӣ Раҳмон ва ҳамватанони муқими  Амрико оид ба таҳкими робитаҳо миёни онҳо ва Тоҷикистон ва намояндагии шоиста аз Ватани азизи худ гуфтугӯйи судманд анҷом доданд.


Баёни ақида (0)    Санаи нашр:    №:    Мутолиа карданд: 767
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед