logo

фарҳанг

БОЯД ҲАМА ЁРУ БАРОДАР БОШЕМ!

Он замон, ки садои тир ҳамаи садоҳоро хомӯш мекард ва ҳеҷ суханеро гӯшу андешаву зеҳн намепазируфт, ӯ, Сарвари тозаинтихобгардидаи давлат дар Иҷлосияи XVI Шӯрои Олии Ҷумҳурии Тоҷикистон, гуфт: «Мо бояд ҳама ёру бародар бошем, то ки вазъиятро ором намоем». Ин сухан роҳҳои бас садоҳоро баст ва бо ҳамон  нармию самимияташ дар дилҳо нишаст, андешаҳову зеҳнҳоро ба таҳрик овард ва чашмҳои хирадро кушод. Мардум дар симои пур аз нураш ёру бародари худро диданд, балки ёфтанд; як ёру бародареро, ки вуҷудашро барои наҷоти онҳо сипар месозад, барои аз вартаи маргу нестӣ раҳондани давлату миллат ҳастияшро дареғ намедорад. Аз нигоҳаш, ҷасораташ, бовараш бас ҳақиқатҳои дигарро хонданд, ки ҳидоятгар ба сулҳу амонӣ ва хуррамии зиндагонӣ ва ободию шукуфоӣ буданд. Аз ин рӯ, дасти дуо ба сӯи Худои яктову ягона боло карданду таманно намуданд, ки ба бахти мо фирӯзаш бигардонад.
Кӣ ба ҷуз ӯ дар он рӯзгори фоҷиабор ин бори вазнини масъулияти бузургро бар дӯш мегирифт?
Кӣ ба ҷуз ӯ бо ҳидояти Офаридгори тавоно ба ояндаи дурахшони ин миллату давлат бовар дошт ва тухми бахту саодатро дар заминҳо кошту зуд ҳосил бардошт?
Кӣ ба ҷуз ӯ башорати сулҳро бо итминони комил дод?
Дар он замон, ки ёр аз ёр ва бародар аз бародар мегурехт ва ҳам онро мекушт, ӯро – Эмомалӣ Раҳмонро ёру бародари асилу ҳақиқии худ хонданд. Оре, чун мардумро, миллатро ба ёриву бародарӣ хонд. Савгандаш дар ин ҳол савганди ростину пур аз ҳикмату маърифат буд. Ҳар киро ақли солим буд, зуд дарёфт, ки Худованд ӯро барои наҷоти ин миллату давлат фиристодааст. Ин ҳақиқат дар он даврон, ки осмонро абрҳои сиёҳи ҷанг пӯшонда буд, чун оби поку соф рӯшан буд. Наметавонист андак шубҳаро тавлид бикунад. Суханаш, ҳидояташ ба захмҳои дил, ки бар асари ҷанг пайдо шуда буданд, малҳам гардиданд.
Ба яқин, бештар аз як ёр, бештар аз як бародар ба ӯ дил бастанду бовар намуданд.
Ӯ бештару бештар аз ҳама  барои ёрону бародарон меандешид, ғам мехӯрд ва барои раҳоияшон аз вартаи ҷанг, ҳасад, кина, хусумат саъй ба харҷ медод. Ҳамчунон ки гуфт, бо ҳама дониш, таҷриба, неру бо ҷанг ҷангид. Ва ҳам гуфт, ки дар ин роҳ ҳастияшро низ дареғ намедорад. Ва дареғ намедошт. Бад – ин хотир ва бар асари дуои неки мардум Худованд ҳастияшро нигоҳ дошт ва ҳам ҳастии дигараш бахшид.
Имрӯз, пас аз биступанҷ сол бар он гузаштаи фоҷиабор ба дидаи ибрат менигарем ва накутар дармеёбем, ки ӯ чун сарвару раҳнамо моро ба манзили мақсуд расонд. Менигарем ва неку дармеёбем, ки дар ин муддат чун ёру бародари асил  боқӣ монд. Мо ёриву бародариро дар пиндору гуфтору кирдори ӯ бо ҳама ҳикматҳои бузургаш омӯхтем ва ин чароғро  дар дилҳо афрӯхтем. То замоне, ки ҳастему ҳастанд, он ҳеҷ гоҳ, ҳатто барои лаҳзае ҳам хомӯш намешавад.
Ӯ гӯристони ғарибони тоҷикону тоҷикистониёнро дар Афғонистон диду бо ашку дилсӯзӣ изҳор дошт, ки чашми дилро бикушоему аз оқибати бадтари он бояд биандешем.
Ба гурезагону ғарибони он сӯи дарё чун ёру бародар хитоб намуд, ки бар диёри аҷдоди худ, бар Ватан баргарданд. Самимӣ гуфт ва боварибахш. Гуфт, ки баргардед, биҳиштатон ваъда намекунам, аммо як пора ноне, ки дорем, бо ҳам мебинем. Ӯ медонист, ки бо ёр, бо бародар чӣ гуна сухан мегӯянд.
Ҳамеша аз ёриву бародарӣ сухан мегӯяд, бо муҳаббат, бо садоқат ва ояндаи дурро дар ин маврид ба мо нишон медиҳад. Таъкид мекард, ки бо ҳам бошем, сарҷамъ бошем ва ба қадри ҳамдигар, ин сарзамини аҷдодӣ, Ватан, сулҳ, ваҳдат, истиқлол ва тамоми неъматҳо бирасем.
Ӯ чун Сарвари давлату миллат, ёру бародари асил ҳамеша, дар ҳама ҷо дуогӯ аст ва саъй ба харҷ медиҳад, ки ин ёриву бародарӣ, сулҳу ваҳдат, истиқлол барои умре пойдору устувор бошад.
Ин риштаи ёрию бародариро дигар ҳеҷ неруе гусаста наметавонад.
Ҳама дар он рӯзе, ки ӯ ҷисман бародари бузурги худро аз даст дод, ҳамдард буданд, ғамшарик буданд ва дар паҳлуяш қарор доштанд. Маргу реҳлати ин бародарро чун маргу реҳлати бародари худ донистанд. Медонистанд ва боз бештар дарёфтанд, ки ин дард дарди ҷонкоҳ аст ва дил бар асари ин пуроҳ аст. Ашк боридан дар ин лаҳзаҳо ва ҳам баъдҳо дар танҳоӣ мисоли кандани ҷон аст. Вуҷудат оташ мегирад, месӯзад ва ҳеҷ обе, ҳатто оби чашм ҳам ин оташро наметавонад, ки хомӯш бисозад.
Модараш дар он рӯзгор, ки ӯ бо ҷанг меҷангиду даъват мекард, ки «мо бояд ҳама ёру бародар бошем, то ки вазъиятро ором намоем», роҳ мепоид, чашм ба роҳ буд ва интизори омаданашро дошт. Аз дунё баъдҳо ба ташнагии дидори фарзанд даргузашт.
Бародараш низ мехост, ки ӯ ҳамроҳаш бошад, вале масъулиятҳои бузурги миллатсозиву давлатсозӣ бар ин ҳамеша монеъ мегардид.
Ӯ, охир, савганд хӯрда ва аз он рӯзҳои фоҷиабор моро ёру бародар хондааст.
Ӯ бар савганди худ содиқ буд ва содиқ аст.
Барои бахту саодату фирӯзии ёрону бародаронаш тамоми неруашро мебахшад. Ҳеҷ кас бар ин ҳақиқат, ки ҳам исботро хоҳон нест, шубҳа надорад. Худованд бар ӯ боз сабри ҷамилу тааммулу таҳаммул бахшид. Як рӯз кори давлатдориву миллатсозиро ба хотири дигар ёрону бародаронаш мавқуф нагузошт.
Агар мегӯем, агар мегӯянд, ки чи хушбахтем, ки чунин сарвару раҳнамои оқилу доно,  ёру бародари дилсӯз дорем, он аз рӯи муҳаббат, садоқат аст, бо самимият аст ва ифтихори бузург.
Абдулқодири РАҲИМ,
«Ҷумҳурият» 


Баёни ақида (0)    Санаи нашр: 15.11.2017    №: 233    Мутолиа карданд: 1086

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед