logo

иқтисод

МУЪМИНОБОД. РӮ БА ОБОДӢ

Таърихи 25 соли Иҷлосияи тақдирсози 16 – уми Шӯрои Олии Ҷумҳурии Тоҷикистон собит намуд, ки роҳи пешгирифтаи он масири расидан ба ҳадафҳои олии миллату давлат, музаффариятҳо ва пуштибонӣ аз сиёсати сулҳофари Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аст.
Имрӯз низ бармало мушоҳида мегардад, ки Роҳбари хирадманди давлат бо самимияти хосса, ҳамкории судманд бо шарикони рушд ва ташкили фаъолияти бонизом дар самти сиёсати дохилию хориҷӣ мардумро ба созандагию ободкорӣ дилгарм сохта, барои бунёди ҷомеаи демократӣ қадамҳои устувор гузоштанд.
Дар марҳилаи пешрафту ободкориҳои мамлакат, аз ҷумла мардуми ноҳия, бо дили пур аз меҳру ихлос барои пешрафту шукуфоӣ, созандагӣ, таъмини иҷрои барномаҳои тараққиёти давлатии ин сарзамин талоши беандоза менамоянд. Арзишҳои миллӣ – Истиқлолияти давлатӣ, Ваҳдати миллӣ ва Иҷлосияи тақдирсоз, ки таҳкурсии воқеии давлати ҳуқуқбунёд маҳсуб меёбанд, дар байни сокинони диёр беш аз пеш маҳбубият пайдо менамоянд.
Бо ҳидоятҳои ватандӯстонаи Пешвои миллат муҳтарам Эмомалӣ Раҳмон барои фаъолияти соҳибкории хурду миёна дар ноҳия фазои мусоид муҳайё карда шуд. Айни замон дар ноҳия наздики 50 ҳазор гектар замини кишоварзӣ, 4650 хоҷагии деҳқонӣ, 7580 оилаи занбӯри асал, қариб 160 ҳазор сар чорвои калон ва моли майда мавҷуд мебошанд.
Пешрафти соҳаҳо аз иҷрои босамари Қарори Ҳукумати Ҷумҳурии Тоҷикистон аз 5  декабри соли 2013, № 564 «Дар бораи Нақшаи чорабиниҳо оид ба рушди иҷтимоию иқтисодии ноҳияҳои кӯҳистони минтақаи Кӯлоб барои солҳои 2014 - 2019» бармеояд. Бовар дорам, ки бо амалишавии ин нақшаи ояндасоз ҳазорҳо ҷойи нави кор пайдо гардида, роҳҳои ба талаботи замон мутобиқ бунёд ёфта, ба ин васила зиндагии шоистаи мардум таъмин мегардад. 
Ҳамчунин, бо дастгирии бевоситаи Пешвои миллат дар ноҳия 9 лоиҳаи сармоягузорӣ ва рушди маҳал мавриди амал қарор дорад. Тавассути татбиқи лоиҳаҳо оид ба беҳсозии сатҳи зиндагӣ, рушди чорводорӣ ва чарогоҳҳо ба ноҳия 82 техникаи гуногунтамға ва беш аз 530 мошинолоти кишоварзӣ ворид карда шуданд. Таъмини хоҷагиҳо бо техникаҳои нав самаранокии истеҳсолро дар ноҳия афзун ва заҳмати кишоварзонро сабук намуд.
Дар заминаи дастгириҳои Ҳукумати кишвар майдони боғу токзорҳои нав, аз ҷумла боғҳои интенсивӣ, ба маротиб афзуданд. Олимону мутахассисон муайян намуданд, ки иқлими ноҳия барои бунёди боғҳо мусоид мебошад. Аз ин рӯ, рушди соҳаи боғу токзори диёр яке аз самтҳои асосии фаъолияти мақомоти иҷроияи маҳаллии ҳокимияти давлатӣ қарор гирифтааст. Инчунин, ният дорем, ки сол аз сол майдони кишти сабзавоту полизиҳоро зиёд намуда, аз заминҳои обии дар ихтиёрдошта соле ду ҳосил бардорем.
Баробари  рушди  бахшҳои  дигар бунёди биноҳои хуштарҳи замонавӣ дар маркази ноҳия - шаҳраки Муъминобод ва деҳоти он вусъат гирифта, ба ҳусни диёр зебоӣ зам менамояд.
Сохтмони муассисаҳои таҳсилоти миёна бо тарҳи муосир дар деҳоти ноҳия, хонаи  бисёрқабатаи  32  ҳуҷрадор ва варзишгоҳи нав аз натиҷаи корҳои созандагию бунёдкорист. Беҳсозии ҷойҳои таърихӣ, аз ҷумла Қалъаи Муъминобод, мавзеи Чилдухтарон, ташкили осоишгоҳҳо, бунёди корхонаи дӯзандагӣ, хатҳои нави об, барқарору мумфаршсозии роҳҳои маҳаллӣ, чароғонкунии гузаргоҳҳои маркази ноҳия аз зумраи тадбирҳое мебошанд, ки амалӣ гардиданд.
Тайи се соли охир беш аз 3,5 километр роҳҳои дохили шаҳрак мумфарш ва чароғон гардида, дар самти роҳи деҳоти Чилдухтарон 38 километр роҳҳо тахту ҳамвор карда шуданд. Дар болои дарёи Сурхак ба дарозии 130 метр пули мошингузар бунёд гардид. Роҳи паҳнбари сангфарш дар масофаи 20 километр то маркази деҳоти Чилдухтарон мавриди баҳрабардорӣ қарор дода шуд. Дар болои дарёи Сардоб (Яхсу) бошад бо дастгирии соҳибкорони маҳаллии ноҳияҳои Муъминобод ва Ховалинг сохтмони пули мошингузар ба дарозии 65 метр идома дорад.
Ба имзо расидани Қарори Ҳукумати Ҷумҳурии Тоҷикистон аз 29 августи соли 2015 таҳти № 552 «Дар бораи тасдиқи Нақшаи генералии шаҳраки Муъминобод то давраи соли 2035» аз ояндаи дурахшони як гӯшаи зебоманзари кишвар дарак медиҳад. Мардуми ноҳия аз ин шукуфоию тараққиёти бемайлони замони соҳибистиқлолӣ, ки бо талошҳои пайгиронаи Ҳукумати мамлакат амалӣ гаштанд, беҳад шукргузоранд. Яъне, нақшаҳои дигари ободкориҳову пешрафт моро дар пешанд. Барои амалисозии онҳо дар такя ба эътимоду самимияти мардум ва сиёсати ояндасози Пешвои миллат муҳтарам Эмомалӣ Раҳмон ин гӯшаи биҳиштиро ободтару зеботар месозем.
Тоҳирхон АМИРШОЗОДА,
раиси ноҳияи Муъминобод


Баёни ақида (0)    Санаи нашр: 20.11.2017    №: 236-237    Мутолиа карданд: 505
18.01.2018


Мулоқоти Сироҷиддин Аслов бо сафири тозатаъйини Озарбойҷон

Ҷамъомади муҳим дар Кумитаи рушди маҳал

Супурдани эътимоднома ба Президенти Беларус

Самтҳои асосии рушди туризм матраҳ гаштанд

Шиносномаи Тоҷикистон дар сархати 81-уми раддабандии байналмилалӣ

Дар Аврупо бидуни Русия сулҳу субот нахоҳад буд

Президенти Миср: «Баҳори арабӣ» ба «хазон шудан» - и 1,4 миллион нафар сабаб гашт»

YouTube тавассути технологияҳои нав 98 дарсади видеоҳои экстремистиро ошкор сохт

Дар баҳри Миёназамин 1400 муҳоҷир наҷот дода шуд

Арманистон минтақаи озоди иқтисодӣ бунёд менамояд

Истифодаи партовҳои электронӣ барои ороишоти заргарӣ

16.01.2018


Мулоқоти Рамазон Раҳимзода ва Найтхарт Хёфер Виссинг

Раҷаббой Аҳмадзода: «Ба бунёди коргоҳҳои истеҳсолӣ таваҷҷуҳ зоҳир карда шавад»

Баргузории конференсияи сайёҳӣ дар Кӯлоб

Озмуни «Беҳтарин тарабхонаи шаҳри Душанбе» баргузор мегардад

ХУҶАНД. Корхонаи истеҳсоли велосипед бунёд мешавад!

Ҷаҳон дар як сатр

Президенти Афғонистон артиши кишварашро бидуни ёрии ИМА нотавон хонд

Сипосгузории Трамп аз Қатар барои «мубориза бо терроризм»

Қазоқистон содироти газро ба Чин афзун мекунад

Испания дувумин кишвари сайёҳии дунё шуд

Дар Арабистони Саудӣ баъди 35 сол кино намоиш медиҳанд

Разведкаи ИМА: «Киштии зериобии «Сан – Хуан» дар они воҳид таркид»

15.01.2018


Баррасии масъалаи содироти маҳсулоти кишоварзӣ ба Қатар

Мулоқоти Маҳмадшариф Ҳақдод ва Леонид Заятс

Ҳамоиш бахшида ба 25 - солагии истиқрори муносибатҳои дипломатӣ

«Тоҷик Эйр» теъдоди парвозҳоро ба Деҳлӣ зиёд мекунад

Ҷаҳон дар як сатр

Кореяи Шимолӣ омода аст ба Кореяи Ҷанубӣ пайвандад

Интиқоди сарвазири Маҷористон аз сиёсати ИА нисбат ба Русия

Чин соли гузашта аз хориҷа 1300 порахӯрро баргардонд

Қирғизистон: зарар аз коррупсия 1, 4 миллиард сом

Консерни Lactalis миллионҳо бонка ғизои кӯдаконаро бозмехонад

«Реал» барои Неймар аз баҳри Роналду мегузарад?

12.01.2018


Шарҳу тавзеҳи нуктаҳои муҳимтарини Паём дар ВМКБ


Дар сомонаҳои дигари Тоҷикистон хонед