logo

иқтисод

ҶАШНЕ, КИ МОРО БА ВАТАНДӮСТӢ ҲИДОЯТ МЕКУНАД

Бисту панҷ сол муқаддам, 16 ноябри соли 1992, дар шаҳри бостонии Хуҷанд Иҷлосияи ХVI Шӯрои Олии Ҷумҳурии Тоҷикистон дар вазъияти барои халқу Ватани мо ниҳоят ҳассосу сарнавиштсоз баргузор гашта, дар он фарзанди фарзонаи миллат Эмомалӣ Раҳмон Раиси Шӯрои Олии Ҷумҳурии Тоҷикистон интихоб гардиданд ва дар нахустин сухаронии худ ба мардуми парешон муждаи сулҳ доданд. 

Аз рӯзҳои нахустини Сарвари давлат интихоб гардидан муҳтарам Эмомалӣ Раҳмон барномаҳои мукаммали давлатиро тарҳрезӣ намуданд, ки асоси онҳоро бунёди ҷомеаи воқеан демократию ҳуқуқбунёд, таҳкими истиқлолияти энергетикӣ, раҳоӣ аз бунбасти коммуникатсионӣ ва таъмини амнияти озуқаворӣ чун стратегия ва дурнамои тараққиёти Тоҷикистони соҳибистиқлол ташкил доданд. Дар бахши раҳоӣ аз бунбасти коммуникатсионӣ низ бузургтарин саодат, дар баробари дигар минтақаҳои мамлакат, барои сокинони вилояти Суғд насиб гардид. Зимни амалкарди ин барномаи муҳим дар кӯтоҳтарин фурсат шоҳроҳи байналмилалии Душанбе - Хуҷанд - Чанак, бо шумули нақбҳои «Истиқлол» ва Шаҳристон,  ҳамчун бахши муҳими Шоҳроҳи бузурги абрешим эҳё гардида, муҳимтарин василаи пайванди вилояти Суғд бо тамоми манотиқи ҷанубу шарқӣ ва пойтахти мамлакат - шаҳри Душанбе дар тамоми сол гардид.
Сокинони Хуҷандшаҳри бостонӣ аз ташаббус ва ибтикороти Пешвои сулҳовари миллат муҳтарам Эмомалӣ Раҳмон дар мавриди бунёди як қатор иншооти ҳаётан муҳим - Маҷмааи муҳташами Шоҳ Исмоили Сомонӣ, Маҷмааи варзишии «20-солагии Истиқлолият», Маҷмааи таърихию фарҳангии «Қалъаи Хуҷанд», Маҷмааи таърихию фарҳангии «Истиқлол», биноҳои баландошёнаи истиқоматӣ, Кохи матбуот, биноҳои нави Донишгоҳи давлатии Хуҷанд ба номи академик Бобоҷон Ғафуров ва Донишгоҳи давлатии ҳуқуқ, бизнес ва сиёсати Тоҷикистон, кӯдакистони президентӣ, меҳмонхонаҳо, мактаби хонандагони болаёқат, корхонаҳои истеҳсолии навбунёд бархӯрдоранд ва шукрона мекунанд, ки Хуҷанди қадим, вале ҳамешаҷавон дар қатори дигар шаҳру навоҳии мамлакат босуръат рушд мекунад.
15 апрели соли 2016 Маҷлиси намояндагони Маҷлиси Олии Ҷумҳурии Тоҷикистон ба Қонуни Ҷумҳурии Тоҷикистон «Дар бораи рӯзҳои ид» тағйирот ворид намуд, ки тибқи он 16 ноябр дар мамлакат ҳамчун Рӯзи Президенти Ҷумҳурии Тоҷикистон таҷлил карда мешавад. Интихоби санаи 16 ноябр тасодуфӣ нест. Маҳз ҳамин рӯзи соли 1994 нахустин маросими савгандёдкунии Президенти тозаинтихоби Тоҷикистон Эмомалӣ Раҳмон баргузор шуда буд. Ин ҳама арҷгузорӣ ба заҳматҳои арзанда ва шабонарӯзии Пешвои миллат муҳтарам Эмомалӣ Раҳмон дар ташаккули давлатдории навини тоҷикон, таъмини сулҳу ваҳдат ва баланд бардоштани нуфузу эътибори Тоҷикистон дар арсаи байналмилалӣ нигаронда шудааст.
Сокинони шарафманди шаҳри Хуҷанд Рӯзи Президенти Ҷумҳурии Тоҷикистонро бо шукргузорӣ аз фазои солиму созанда, таҷлил намуда, гиромидошти ин санаи муборакро рамзи садоқат ба Ватани маҳбуби худ мешуморанд.
Маъруф  МУҲАММАДЗОДА,
раиси  шаҳри Хуҷанд


Баёни ақида (0)    Санаи нашр: 20.11.2017    №: 236-237    Мутолиа карданд: 713

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед