logo

фарҳанг

РӮЗГОРЕ БАРОИ ИБРАТ

Зиндагии баъзе аз инсонҳои асил бар сари худ ҳам як навъ дарс маҳсуб мешавад. Воқеан, бояд мавриди омӯзиш қарор бигирад, ки чӣ сон онҳо бо сарсупурдагӣ ва эҳсоси масъулияти бузург хидмат кардаанду барои пешрафти ҷомеа  саҳми арзанда гирифтаанд.
Ҷунайдулло Ҷаъфаров аз ин зумра аст. Ихтисосаш зоотехники олим мебошад. Пас аз хатми Донишгоҳи аграрӣ  фаъолияти меҳнатиашро соли 1970 ба ҳайси ҳисобчии фермаи чорводории колхози «Тоҷикистон» - и ноҳияи Ленин (ҳоло Рӯдакӣ) оғоз бахшид. Баъдҳо корро ҳамчун зоотехник, сарзоотехник, раиси колхоз, директори совхоз, инструктори шуъбаи ташкилии кумитаи партиявӣ, ҷойнишини аввали раиси иттиҳодияи агросаноатӣ, раиси иттиҳодияи агросаноатӣ – ҷойнишини аввали раиси кумитаи иҷроия ва ҷойнишини сардори раёсати кишоварзӣ дар ин ноҳия идома дод.
Ҳамин тавр, фаъолияти меҳнатиаш дар соҳаи бас масъулиятнок беш аз 40 солро ташкил медиҳад ва он ҳам дар як ноҳия, ноҳияи Рӯдакӣ.
Аз оғози фаъолияташ масъулон дар ӯ нафаре диданду кашф карданд, ки дониши мукаммали соҳаро дорад ва пайваста дар ҳоли омӯзиш мебошад. Инчунин, ташаббускор асту саъю кӯшиши зиёдеро ба харҷ медиҳад, то соҳа сол ба сол пешрафтатар бигардад.
Дастовардҳояш зиёд аст ва онҳоро сари вақт қадр кардаанд.
Дар вазифаҳо ва хоҷагиҳои гуногун  кор кардаасту собит сохтааст, ки пешрафт ба донишу таҷрибаи коргару роҳбари асил иртибот дорад. Солҳои 1974 – 1976 депутати Ҷамоати Демалик ва солҳои 1983 – 1987 депутати комиҷроияи шӯрои депутатҳои ноҳияи Рӯдакӣ (он замон Ленин) буд.
Чун донандаи хуби соҳа ба мутахассисон, омӯзандагон маслиҳатҳо ва роҳҳову усулҳои беҳтари иҷрои корро нишон медод.
Мегуфт, ки мутахассис бояд соҳаашро на танҳо бояд дар сатҳи олӣ бидонад, балки бо навтарин дастовардҳои дунё дар иртибот ба он огоҳӣ дошта бошад.
Мегуфт, ки асрори ҳама муваффақиятҳо муҳаббат ба касбу соҳа ва фаъолияти пайваставу меҳнати ҳалол аст.
Мегуфт, ки донишу таҷрибаи андӯхтаатро барои дигарон ва соҳа бедареғ бубахш. Ин гуна бахшиш одамро комилтар ва пешрафтатар месозад.
Агарчи ҳолиё давлати пирӣ меронад, аммо бо маслиҳатҳо, дастурҳо мехоҳад ҳамчунон дар тараққиёти хоҷагиҳо ва соҳа саҳми чашмрас бигирад.
Аз ин рӯ, аз маҳбубияти хосса миёни ҳамкорон, дӯстон, бархӯрдор буду ҳаст.
Абдулқодири Раҳим,
«Ҷумҳурият»


Баёни ақида (0)    Санаи нашр: 21.11.2017    №: 238    Мутолиа карданд: 995

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд

Чин бори нахуст аз ҷиҳати миқдори сафорат дар хориҷа ИМА - ро пас гузошт

Сарвазири Украина ба мардуми кишвар тибби ройгонро ваъда дод

Ҷаҳон дар як сатр

ЧЕМПИОНАТИ CAFA – 2019. Бонувони тоҷик соҳиби медали биринҷӣ шуданд

28.11.2019


НОҲИЯИ АЙНӢ. Боз як маркази нав дар хизмати мардум

27.11.2019


Ҷаласаи Кумитаи тадорукот оид ба омодагӣ ва баргузории ду чорабинии сатҳи байналмилалӣ

Медали биринҷии Сомон аз Ҷопон

Бишкек. Дар ҳамоиши СААД 21 масъала баррасӣ мешавад


Дар сомонаҳои дигари Тоҷикистон хонед