logo

иқтисод

КӮҲИСТОНИ МАСТЧОҲ. ОҒОЗИ МАРҲАЛАИ НАВ

Ноҳияи  Кӯҳистони Мастчоҳ зодаи Истиқлолияти  давлатии Ҷумҳурии Тоҷикистон аст. Он бо ибтикори Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон моҳи феврали соли 1996 аз нав эҳё гардид. Ноҳия дар тӯли 21 сол дар тамоми соҳаҳои хоҷагии халқ ба пешравиҳои назаррас ноил гардид.
Кӯҳистони Мастчоҳ ноҳияи аграрӣ буда, мардум асосан ба зироаткорӣ, бахусус картошкапарварӣ, боғдорӣ ва чорводорӣ машғуланд. Бояд як нуктаро махсус таъкид кард, ки агар ҳаҷми истеҳсоли картошка дар соли таъсиси ноҳия, яъне бистуяк сол пеш дар тамоми шаклҳои хоҷагидорӣ 4 ҳазор тоннаро ташкил дода бошад, имсол ба 67 ҳазор тонна расид. Мақомоти иҷроияи маҳаллии ҳокимияти давлатии ноҳия дар ҳамкорӣ бо вазорату кумитаҳои дахлдор ҷиҳати зиёд намудани майдони кишти картошка чораҳои саривақтиро амалӣ месозад. Барои дастгирии кишоварзон ва таъмини онҳо бо тухмии хушсифати картошка аз тарафи  хоҷагии деҳқонии «Маҳадолим» ба ноҳия 10 тонна тухмии навъи «Рет Скарлет» ва 10 тонна   тухмии навъи «Гала» аз Федератсияи Русия ворид  шуда,  дастраси хоҷагиҳои деҳқонӣ гардид. Кишти картошка дар ҳамаи шаклҳои хоҷагидорӣ дар майдони 2061 гектар гузаронда  шуд, ки нисбат ба соли гузашта  60,7 гектар зиёд мебошад. Кишоварзони ноҳия баҳри ғанӣ гардондани бозори истеъмолӣ аз ҳамаи воситаю имкониятҳо самаранок истифода намуда, ҳосилнокии картошкаро дар ҳамаи шаклҳои хоҷагидорӣ ба 342 - сентнерӣ аз ҳар як гектар расонданд.
Дар ноҳия соли равон 17 гектар боғи нав бунёд  ва 5 гектар боғҳои куҳна барқарор  шуданд.  Истеҳсоли меваҷот дар ҳамаи шаклҳои хоҷагидорӣ ба 7607 тонна расид, ки нисбат ба соли гузашта 4769 тонна зиёд мебошад.
Мақомоти иҷроияи маҳаллии ҳокимияти давлатии ноҳия ба рушди соҳаи занбӯриасалпарварӣ таваҷҷуҳи хос зоҳир менамояд. Соли ҷорӣ оилаҳои занбӯри асал ба 1892 адад расонда шуд, ки дар муқоиса ба соли гузашта  698 адад зиёд аст. Дар ноҳия имсол 35,2 тонна асал истеҳсол шуд, ки назар ба соли гузашта 21,2 тонна зиёд мебошад.
Баъди сафари кории Пешвои муаззами миллат ба ноҳия, 11 сентябри соли 2016, таъмиру таҷдиди роҳи мошингарди Кӯҳистони Мастчоҳ-Айнӣ ба нақша гирифта шуд.  Лоиҳаи азнавсозии роҳи мазкур омода гардида, барои маблағгузорӣ  ба сохторҳои дахлдор пешниҳод шудааст.  Сарвари давлат зимни ин сафари корӣ ба обёрӣ ва азхудкунии зиёда аз 2000 гектар замини бекорхобида дастур дода буданд. Хушбахтона, дар арафаи таҷлили 25 - солагии Иҷлосияи 16 - уми Шӯрои Олии Ҷумҳурии Тоҷикистон ба дашти Фалахмон об омад, ки беш аз 200 гектар замини ташналабро шодоб мегардонад. Лоиҳаи бунёди хати оби нӯшиданию полизии дашти Фалахмон ба масофаи 8,5 километр бо маблағгузории Агентии беҳдошти замин ва захираҳои оби Ҷумҳурии Тоҷикистон ба анҷом расонда шуд. Лоиҳаи мазкур зиёда аз 200 оиларо, ки ба онҳо тибқи  Қарори Ҳукумати Ҷумҳурии Тоҷикистон, аз 3 декабри соли 2010,  № 637 замини наздиҳавлигӣ  дода шуда буд, бо оби тоза таъмин намуд. Дар натиҷа дар мавзеи мазкур 450 ҷойи нави корӣ таъсис ёфт.
Бо дастгирии Раёсати ҳифзи муҳити зисти вилояти Суғд бошад,  барои кашидани хати оби нӯшиданӣ дар деҳаи Роғи Ҷамоати деҳоти Лангар, ба масофаи 4,5 километр, маводи сохтмонӣ дастрас  гардид ва кор дар ин самт оғоз ёфт. Инчунин, бо ҳамкории КВД «Хоҷагии манзилию коммуналӣ»-и Ҷумҳурии Тоҷикистон кашидани хатти оби нӯшиданию полизӣ барои 240 оилаи деҳаи Оббурдон, ки тибқи қарори Ҳукумати Ҷумҳурии Тоҷикистон ба онҳо замини наздиҳавлигӣ дода шудааст, оғоз гардида, дар масофаи 1,5 километр корҳои лоиҳавии иншооти мазкур  ба маблағи 300 ҳазор сомонӣ иҷро шуданд.  Айни ҳол бо роҳи ҳашар таъмири пули деҳаи Падаск, аз болои дарёи Зарафшон, идома дорад, ки рӯзҳои наздик ба охир расонда мешавад.
Барои таъмини сокинони ноҳия бо неруи барқ чораҳои муассир андешида шудаанд. Масалан, барои кашидани хатти баландшиддати Сабағ - Мазор, ки 13 деҳаи ноҳияро бо барқи баландшиддати 220 кВт таъмин мекунад, ШСХК «Барқи тоҷик» ба ноҳия таҷҳизот, аз ҷумла, 512 дона симчӯб, 337 дона зерпоя, 400 дона изолятори ШФ-10, 6 тонна ноқили тамғаи АС-70 ва 1 адад зеристгоҳи  1600, 250 килограмм лӯласими қутраш 6 мм, 400 дона КН-18 ворид кард. Корҳои лоиҳакашии ин хатти баландшиддат оғоз гардиданд. 
Дар ноҳия барои бо ҷойи кор таъмин кардани занону духтарон диққати ҷиддӣ дода мешавад. Бо ин мақсад дар деҳаҳои Дашт ва Лангар ду маркази таълимии атласу адрасбофии дастӣ, сехҳои дӯзандагӣ дар деҳаҳои Валиғонд, Истошон, Эсизи Поён ва Мадрушкат,  инчунин, қолинбофии дастӣ дар деҳаҳои Пастиғав, Роғ ва Ғузн фаъолият карда истодаанд. 
Мақомоти иҷроияи маҳаллии ҳокимияти давлатии ноҳияи Кӯҳистони Мастчоҳ ва сокинони заҳматқарини он минбаъд низ дар асоси дастуру ҳидоятҳои Асосгузори сулҳу ваҳдати миллӣ - Пешвои  миллат,  Президенти  Ҷумҳурии Тоҷикистон муҳтарам Эмомалӣ Раҳмон, ки аз Паёмашон   ба  Маҷлиси Олии мамлакат бармеоянд,  амал намуда, барои таъмини пурраю барзиёди нақшаҳои истеҳсолӣ дар ҳамаи соҳаҳои хоҷагии халқи ноҳия ва боз ҳам беҳтар намудани шароити зисти мардум тадбирҳои саривақтӣ меандешанд.
Муҳаммадҷобир РАҶАБЗОДА,
раиси ноҳияи Кӯҳистони Мастчоҳ


Баёни ақида (0)    Санаи нашр: 21.11.2017    №: 238    Мутолиа карданд: 558

21.02.2018


Вохӯрии Сироҷиддин Аслов бо Оле Йоҳан Бёрней

Ҷаласаи ситоди ҷумҳуриявӣ дар Вазорати кишоварзӣ

Баррасии масоили мубрами густариши ҳамкориҳо

Баргузории намоиши «Корвони ҳунар»

Ҷаҳон дар як сатр

СММ Туркияро ба қатъи амалиёти низомӣ дар Африн даъват намуд

Дар ИДМ 90 нафар барои маблағгузории терроризм ба даст афтод

Кушта шудани 24 полис аз дасти толибон

ДИ дар Афғонистон ва Покистон реша медавонад

Венесуэла соҳиби криптоасъори худ шуд

Samsung дроне баровард, ки бо нигоҳ идора мешавад

20.02.2018


Бизнес-форуми доираҳои соҳибкорӣ баргузор мешавад

Хисрав Соҳибзода бо Султон Саъд ал-Мурайхӣ мулоқот намуд

Дурнамои рушди сиёсати давлатии ҷавонон матраҳ мегардад

ҶДММ “Суғуртаи асри XXI” соҳиби иҷозатнома шуд

Ҷаҳон дар як сатр

Вячеслав Володин: «Дар Сурия миёни «ДИ» - ро Русия шикаст»

Гуфтушуниди Чин бо ҷудоихоҳони покистонӣ

Қазоқистон: «Шустан» - и $500 миллион ва 8 сол маҳрумӣ аз озодӣ

Барои барқарорсозии Мехико баъди заминҷунбӣ шаш сол зарур аст

19.02.2018


Сироҷиддин Аслов бо Валбурга Рос мулоқот намуд

Муносибатҳои тиҷоратию иқтисодӣ бо Япония густариш меёбанд

Фурудгоҳи байналмилалии Душанбе ба стандартҳои ҷаҳонӣ мутобиқ мешавад

Барориши нахустини коғазҳои қиматнок ба иқтисоди кишвар 500 миллион доллар ворид намуд

Нуъмон Абдуғаффорзода: "Ба шарофати имтиёзҳои андозию гумрукӣ инфрасохтори сайёҳӣ рушд меёбад"

Ҷаҳон дар як сатр

Масъулияти куштори одамон дар Қизлярро «ДИ» ба зимма гирифт

ИА воридсозии сулҳофарон ба Донбассро воситаи қатъи таҳрими зиддирусӣ мешуморад

Мексика дар 33 мунитсипалитет ҳолати фавқулода роҳандозӣ кард

Садамаи чархбол боиси марги 13 нафар гашт

Дар Венесуэла ҳавопаймо ба болои хона афтид

Варзиш

17.02.2018


Сироҷиддин Аслов бо Ясмин Гуедар мулоқот намуд

Баррасии рушди муносибатҳои Тоҷикистону Озарбойҷон


Дар сомонаҳои дигари Тоҷикистон хонед