logo

иқтисод

ДЕҲКАДАИ КАНОРИ ДАШТ

Тавре пештар «Ҷумҳурият» хабар дода буд, дар мавзеи Дашти Маллаи Панҷакент бо бунёди даҳ манзил ба зиёндидагони офати табиӣ дар деҳаи Амондара ба  деҳкадаи наву замонавӣ асос гузошта шуд.

Ёдовар бояд шуд, ки 26 июни соли равон, соати 16 - у 30 дақиқа бар асари боришоти зиёди жолаю борон аз сойи Амондара сели даҳшатнок сарозер шуда, боиси зери селоба мондани 70 ва комилан хароб гардидани 10 манзили истиқоматӣ,  хати барқи 750 метр, 4 километр роҳ, беш аз 40 гектар заминҳои наздиҳавлигии аҳолӣ гардид. Ҳаҷми зарар  тибқи ҳисобҳо беш аз 1,1 миллион сомониро ташкил дод.
Аз рӯзи аввали омадани сел Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба рафти бартараф намудани   оқибати офати табиӣ таваҷҷуҳ зоҳир намуда, ба мақомоти иҷроияи маҳаллии ҳокимияти давлатии шаҳри Панҷакент дастур доданд, ки дар кӯтоҳтарин фурсат корҳои барқароркунӣ анҷом дода, дар ин рӯзҳои душвор дар паҳлуи мардуми зиёндида қарор дошта бошанд.
Мақомоти вилояти Суғд ба оилаҳои зиёндида ба маблағи 140 ҳазор сомонӣ кумак расонд.
Мақомоти иҷроияи маҳаллии ҳокимияти давлатии шаҳр барои бартараф намудани оқибатҳои офати табиӣ техникаю таҷҳизоти заруриро аз корхонаю муассисаҳои шаҳр сафарбар намуда, барои тоза кардани манзилҳои зиёндида, роҳу пулҳо ҳашар эълон кард, ки дар он ҳамарӯза садҳо нафар иштирок доштанд. Дар муддати нисбатан кӯтоҳ оқибатҳои офати табиӣ бартараф гардида, хатҳои барқ, роҳу пулҳо барқарор ва  селроҳаи сойи деҳа тоза карда шуд.
Баъди санҷишу омӯзиши манзилҳои зиёндидаи сокинони деҳа тасмим гирифта шуд, ки дар мавзеи Дашти Малла барои 10 оила, ки  манзилашон бар асари офати табиӣ комилан хароб гардида буд, манзили нави истиқоматӣ  бунёд намоянд. Сохтмони манзилҳо ба уҳдаи бинокорони ҶСК  «Панҷакентсоз»   ва  ҶДММ  «СУ -3» вогузор шуда, онҳо тавонистанд дар муддати кӯтоҳ биноҳоро созанд. Чанде пеш бо ҳузури садҳо нафар ба сокинони деҳа калиди хонаҳои навро супурданд. Манзилҳои нав бо ҳама ҷиҳози рӯзгор таъмин карда шуданд.
Аз соли 2003 ин панҷумин деҳкадаи нав аст, ки дар Панҷакент барои оилаҳои аз офати табиӣ зиёндида бо дастгирии давлат ва саҳмгузории ташкилоту муассисаҳо бунёд гардидааст.
…Дар канори теппаҳои мавзеи Дашти Малла ҳоло даҳ манзили нав, ки тимсоли сиёсати  инсондӯстонаи Пешвои муаззами миллат, рамзи ваҳдату ҳамбастагии мардум аст, назаррабоӣ мекунад. Фардо ин ҷо деҳкадаи зебое бунёд хоҳад шуд. Месазад, ки ба ин деҳкада Меҳргон ном бигзоранд, ҳам моҳи Меҳр, ҳам ҷашни миллии Меҳргон ва ҳам ифодагари меҳру садоқати мардум ба ғамхориҳои Пешвои миллат.
Т. СОЛЕҲЗОДА, шаҳри Панҷакент


Баёни ақида (0)    Санаи нашр: 22.11.2017    №: 239    Мутолиа карданд: 528

21.02.2018


Вохӯрии Сироҷиддин Аслов бо Оле Йоҳан Бёрней

Ҷаласаи ситоди ҷумҳуриявӣ дар Вазорати кишоварзӣ

Баррасии масоили мубрами густариши ҳамкориҳо

Баргузории намоиши «Корвони ҳунар»

Ҷаҳон дар як сатр

СММ Туркияро ба қатъи амалиёти низомӣ дар Африн даъват намуд

Дар ИДМ 90 нафар барои маблағгузории терроризм ба даст афтод

Кушта шудани 24 полис аз дасти толибон

ДИ дар Афғонистон ва Покистон реша медавонад

Венесуэла соҳиби криптоасъори худ шуд

Samsung дроне баровард, ки бо нигоҳ идора мешавад

20.02.2018


Бизнес-форуми доираҳои соҳибкорӣ баргузор мешавад

Хисрав Соҳибзода бо Султон Саъд ал-Мурайхӣ мулоқот намуд

Дурнамои рушди сиёсати давлатии ҷавонон матраҳ мегардад

ҶДММ “Суғуртаи асри XXI” соҳиби иҷозатнома шуд

Ҷаҳон дар як сатр

Вячеслав Володин: «Дар Сурия миёни «ДИ» - ро Русия шикаст»

Гуфтушуниди Чин бо ҷудоихоҳони покистонӣ

Қазоқистон: «Шустан» - и $500 миллион ва 8 сол маҳрумӣ аз озодӣ

Барои барқарорсозии Мехико баъди заминҷунбӣ шаш сол зарур аст

19.02.2018


Сироҷиддин Аслов бо Валбурга Рос мулоқот намуд

Муносибатҳои тиҷоратию иқтисодӣ бо Япония густариш меёбанд

Фурудгоҳи байналмилалии Душанбе ба стандартҳои ҷаҳонӣ мутобиқ мешавад

Барориши нахустини коғазҳои қиматнок ба иқтисоди кишвар 500 миллион доллар ворид намуд

Нуъмон Абдуғаффорзода: "Ба шарофати имтиёзҳои андозию гумрукӣ инфрасохтори сайёҳӣ рушд меёбад"

Ҷаҳон дар як сатр

Масъулияти куштори одамон дар Қизлярро «ДИ» ба зимма гирифт

ИА воридсозии сулҳофарон ба Донбассро воситаи қатъи таҳрими зиддирусӣ мешуморад

Мексика дар 33 мунитсипалитет ҳолати фавқулода роҳандозӣ кард

Садамаи чархбол боиси марги 13 нафар гашт

Дар Венесуэла ҳавопаймо ба болои хона афтид

Варзиш

17.02.2018


Сироҷиддин Аслов бо Ясмин Гуедар мулоқот намуд

Баррасии рушди муносибатҳои Тоҷикистону Озарбойҷон


Дар сомонаҳои дигари Тоҷикистон хонед