logo

иқтисод

ЗАМИН. ИСЛОҲОТИ САМАРАБАХШИ ОН ДАР ТОҶИКИСТОН

Истифодаи самараноки замин дар самти таъмини амнияти ғизоии аҳолии мамлакат  нақши муҳим мебозад. Ҳукумати Ҷумҳурии Тоҷикистон бо мақсади танзими дурусти истифодаи замин ҳанӯз  соли 1996 Кодекси замини Ҷумҳурии Тоҷикистонро қабул намуд,  ки  дар заминаи он соҳаи кишоварзӣ низ рӯ ба беҳбудӣ ниҳод. Дар радифи такмили қонунгузории замин ҳамкориҳои байнидавлатӣ дар  самти  ислоҳоти он хуб ба роҳ монда шудаанд.  Аз соли 2014 тибқи созишномаи Ҳукумати Ҷумҳурии Тоҷикистон  ва Ҳукумати Иёлоти Муттаҳидаи Амрико  оид ба ҳамкорӣ дар соҳаи расондани ёрии гуманитарӣ – техникӣ лоиҳа «Оид ба рушди бозори ҳуқуқи истифодабарии замин дар доираи барномаи  «Озуқаворӣ  ба хотири оянда» дар Тоҷикистон»  мавриди амал қарор дорад.
Азизмаҳмад Каримзода, муовини якуми раиси Кумитаи давлатии идораи замин ва геодезии назди Ҳукумати ҷумҳурӣ, зимни конфронси «Заминистифодабарӣ дар Ҷумҳурии Тоҷикистон, танзими ҳуқуқӣ, мушкилот ва роҳҳои такмили он»,  зикр намуд, ки бо  дастгирии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон лоиҳа дар сатҳи баланд татбиқ гашта, ба мукаммалсозии меъёрҳои ҳуқуқии соҳа, бақайдгирии амволи ғайриманқул ва баланд бардоштани маърифати истифодаи  замин мусоидат намуд.  Ҳадаф аз роҳандозии лоиҳа таъмини ҳуқуқи деҳқонон ҷиҳати  фурӯш, харид ва ба иҷора додани истифодаи замин мебошад. Ҳоло дар доираи лоиҳа дар 13 шаҳру ноҳия доир ба ҳуқуқи  замин, аз ҷумла меъёри бақайдгирии он ва додани маслиҳатҳои ҳуқуқӣ ба мардум,   ёрии амалӣ  расонда мешавад. 
Ватанзода Муҳаммадалӣ,  ёрдамчии Президенти Ҷумҳурии Тоҷикистон оид ба масъалаҳои ҳуқуқӣ,  изҳор дошт, ки бо мақсади рушди соҳаи кишоварзӣ ва афзоиши маҳсулоти он дар мамлакат ислоҳоти замин ба роҳ монда шудааст. Он яке аз самтҳои асосии сиёсати Ҳукумати кишвар дар ҷодаи таъмини амнияти ғизоист. Муҳайё намудани шароити низоми истифодаи замин, ташкили шаклҳои гуногуни хоҷагидорӣ,  ҳифз ва самаранок ба кор бурдани он қисмҳои муҳими ислоҳоти замин дар мамлакат мебошанд. Дар натиҷаи ба вуҷуд омадани муносибатҳои нави заминдорӣ соли 2012 ба кодекси мазкур меъёрҳои нав ворид гардида, барои шаҳрвандон дар ин самт имкониятҳои васеъро фароҳам оварданд.
Ба гуфтаи Лора Чизмо, роҳбари бахши иқтисодии ташкилоти USAID, Ҳукумати Ҷумҳурии Тоҷикистон дар ҳамкорӣ бо шарикони рушд дар самти ислоҳоти замин ба дастовардҳои назаррас ноил гашта,  тавассути он  ҳаҷми истеҳсоли маҳсулоти кишоварзиро дар кишвар зиёд намуд. Дар асоси  чораҳои андешида ҳосилнокии заминҳо баланд  шуда,   мӯҷиби ҳавасмандии кишоварзон ба кишту парвариши навъҳои гуногуни зироат гардид. Бо вуҷуди дастовардҳо ислоҳоти замин як қисми асосии барномаи «Озуқаворӣ ба хотири оянда» боқӣ мемонад. Ҳоло барномаи мазкур дар 12 ноҳияи вилояти Хатлон амалӣ гардида истодааст.
Ташкили хоҷагиҳои деҳқонӣ дар заминаи ислоҳоти замин яке аз тадбирҳои муҳим  мебошад, ки солҳои охир ба афзоиши маҳсулоти кишоварзӣ ва истифодаи самараноки замин такон бахшид. Деҳқонони пахтакори кишвар имсол тавонистанд нақшаи истеҳсоли пахтаро барзиёд иҷро намоянд. Ҳамчунин, бо дастуру ҳидоятҳои Сарвари давлат дар талу теппаҳо ва доманкӯҳҳои шаҳру навоҳӣ  бунёди боғу токзор вусъат гирифта, дар майдонҳои ҳамвору обии кишт парвариши сабзавот роҳандозӣ  гардид. Нишондодҳои мазкур шаҳодати онанд, ки ислоҳоти замин дар мамлакат босамар идома дорад.
Ташрифулло САЪДУЛЛОЕВ,
«Ҷумҳурият»


Баёни ақида (0)    Санаи нашр: 27.11.2017    №: 243    Мутолиа карданд: 576

21.02.2018


Вохӯрии Сироҷиддин Аслов бо Оле Йоҳан Бёрней

Ҷаласаи ситоди ҷумҳуриявӣ дар Вазорати кишоварзӣ

Баррасии масоили мубрами густариши ҳамкориҳо

Баргузории намоиши «Корвони ҳунар»

Ҷаҳон дар як сатр

СММ Туркияро ба қатъи амалиёти низомӣ дар Африн даъват намуд

Дар ИДМ 90 нафар барои маблағгузории терроризм ба даст афтод

Кушта шудани 24 полис аз дасти толибон

ДИ дар Афғонистон ва Покистон реша медавонад

Венесуэла соҳиби криптоасъори худ шуд

Samsung дроне баровард, ки бо нигоҳ идора мешавад

20.02.2018


Бизнес-форуми доираҳои соҳибкорӣ баргузор мешавад

Хисрав Соҳибзода бо Султон Саъд ал-Мурайхӣ мулоқот намуд

Дурнамои рушди сиёсати давлатии ҷавонон матраҳ мегардад

ҶДММ “Суғуртаи асри XXI” соҳиби иҷозатнома шуд

Ҷаҳон дар як сатр

Вячеслав Володин: «Дар Сурия миёни «ДИ» - ро Русия шикаст»

Гуфтушуниди Чин бо ҷудоихоҳони покистонӣ

Қазоқистон: «Шустан» - и $500 миллион ва 8 сол маҳрумӣ аз озодӣ

Барои барқарорсозии Мехико баъди заминҷунбӣ шаш сол зарур аст

19.02.2018


Сироҷиддин Аслов бо Валбурга Рос мулоқот намуд

Муносибатҳои тиҷоратию иқтисодӣ бо Япония густариш меёбанд

Фурудгоҳи байналмилалии Душанбе ба стандартҳои ҷаҳонӣ мутобиқ мешавад

Барориши нахустини коғазҳои қиматнок ба иқтисоди кишвар 500 миллион доллар ворид намуд

Нуъмон Абдуғаффорзода: "Ба шарофати имтиёзҳои андозию гумрукӣ инфрасохтори сайёҳӣ рушд меёбад"

Ҷаҳон дар як сатр

Масъулияти куштори одамон дар Қизлярро «ДИ» ба зимма гирифт

ИА воридсозии сулҳофарон ба Донбассро воситаи қатъи таҳрими зиддирусӣ мешуморад

Мексика дар 33 мунитсипалитет ҳолати фавқулода роҳандозӣ кард

Садамаи чархбол боиси марги 13 нафар гашт

Дар Венесуэла ҳавопаймо ба болои хона афтид

Варзиш

17.02.2018


Сироҷиддин Аслов бо Ясмин Гуедар мулоқот намуд

Баррасии рушди муносибатҳои Тоҷикистону Озарбойҷон


Дар сомонаҳои дигари Тоҷикистон хонед