logo

фарҳанг

БЕҲТАРИН ИҚДОМ

Ин сафари хотирмон бо ибтикори Нашрияи расмии мамлакат – рӯзномаи «Ҷумҳурият» ва мақомоти иҷроияи маҳаллии ҳокимияти давлатии ноҳияи Айнӣ сурат гирифт. Ҳайате аз ҳисоби рӯзноманигорон, донишмандон ва адибон, ки бо мақолаҳояшон дар озмун ба ифтихори Рӯзи забони давлатӣ ва гиромидошти Қаҳрамони Тоҷикистон устод Садриддин Айнӣ эълонкардаи рӯзнома ширкат варзидаанд,  қариб 40 нафар бо сарварии сармуҳаррир Қурбоналӣ Раҳмонзода аз идораи «Ҷумҳурият» ба роҳ баромадем.
Росташ, маҳз ин озмун алоқамандони суханро таҳрик бахшид, ки аз сарнавишти забони модарӣ ва нақши дурахшони устод Айнӣ дар ҳимояи он ҷиддӣ биандешанду мақолаҳо бинависанд.
Борҳо аз ин роҳи кӯҳистон гузаштаам ва бо дӯстони фалғарӣ суҳбатҳо низ доштаам. Вале масъулият ва ҳадафи ин сафар дигар аст. Ҷамъбасти озмун, зиёда аз ин, бо фаъолони ноҳия перомуни як рукни асосии давлати соҳибистиқлоламон – забони модарӣ, поку бегазанд нигоҳ доштани он ва дар марҳилаҳои сангини таърихӣ барои бақои он бо мухолифон муборизаи ошкоро бурдани фарзанди фарзонаи миллат – устод Айнӣ ва дар замони соҳибихтиёрӣ бо ғамхориву арҷгузории хеш ба рушди забонамон такони нав бахшидани Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон суҳбат оростан. Дар пойтахт аз вазъи забон маҷлису мулоқотҳо зиёд баргузор шудаанду мешаванд, аммо дар музофот, дар як ноҳияи дурдасти кӯҳистон ин ҳамоиш чӣ хел ва дар кадом сатҳ мегузарад?
Пазироии аввал аз гардиши роҳи Искандаркӯл пойинтар дар хонаи навсохту озодаи чӯбкорӣ гирди хони пуранво барпо шуд. Зимнан дар ин мавзеъ ба ҷуз деҳу мазраъҳои сабзи соҳили Фондарё кӯҳҳои осмонбӯси гӯё сӯхтаву урёну хокистарфом ба чашм мерасанд. Вале одамон дар дили ин кӯҳҳо манзилҳояшонро бо ҳавасу ирода аз рӯи анъанаҳои қадимаи бинокорӣ бо сангу гил ва чӯб зебову пурсафо месозанд. Нағз!
Шом дар шаҳраки  Варзи Манор раиси ноҳияи Айнӣ Неъматулло  Раҳматуллозода ҳайатро гарму самимӣ истиқбол гирифт ва маҳфили басо хуши шеъру тарона барпо кард.  Адибони маъруф Ҳақназар Ғоиб, Гулназар, Муҳаммад Ғоиб, Камол Насрулло, Муҳтарам Ҳотам ва ҷавоншоирону дигарон дар ситоиши забон, Ватану шарофати сулҳу ваҳдат шеърҳо хонданд, суҳбат оростанд.
Субҳи фардо дар ҳар қадам моро, бемуболиға, дидани созандагиву манзараҳои дилфиреб ва меҳри беандозаи мардум пешвоз мегирифт. Ноҳияи Айнӣ ба шарофати Истиқлолияти давлатӣ ва бунёди шоҳроҳ, қомат афрохтани биноҳои маъмуриву хизматрасонӣ ободу зебо шудааст. Лекин зиёрати оромгоҳи шоири шаҳид Туғрали Аҳрорӣ ва тамошои осорхонаи эшон ба мо таассуроти бузург бахшид.
Туғрал дар баробари шоири овозадор будан, инсони дурандешу хушзавқ ҳам будааст. Гап сари ин, ки вай дар доманаи қаторкӯҳҳои деҳаи Зосун бо дасти худ аз рӯи меъмории қадима, албатта, бо ҷалби устоҳои бомаҳорати шаҳрӣ он замон хонаи барҳавое бо долони барқад, сутуну дару тирезаҳои хуштарҳ, ҳуҷраҳои гачу чӯбкорӣ ва равоқу тоқчадор сохтааст. Хонаи умеди Туғрал! Кадхудо – набераи эшон, зани хоксору нуронӣ меҳмонони бобои азизашро бо мамнуният пешвоз гирифту аз хони пурнеъматаш насибае дода, гуселонд. Ва росташ, ки ман ба мардуми батадбири Зосун, пайвандон, иродатмандону пайравони шоир сано хондам, ки ин хонаву боғро то имрӯз чун ҷои муқаддас бегазанд нигоҳ дошта тавонистаанд. Қадршиносӣ. Офарин!
Аз рӯи барнома дар маркази ноҳияи Варзи Манор бо иштироки хонандагону сокинон парда аз рӯи нимпайкараи устод Садриддин Айнӣ бардошта шуд. Сипас дар кохи шукӯҳманди фарҳангии ба номи Туғрал ҳамоиши ҷамъбасти озмуни рӯзномаи «Ҷумҳурият» ба ифтихори Рӯзи забони давлатӣ ва гиромидошти Қаҳрамони Тоҷикистон Садриддин Айнӣ баргузор шуд. Раиси ноҳияи Айнӣ Неъматулло Раҳматуллозода ва сармуҳаррири рӯзномаи «Ҷумҳурият» Қурбоналӣ Раҳмонзода ба ин маҷлиси воқеан фарҳангӣ ҳусни оғоз бахшиданд, ки дар он аз Хуҷанду Панҷакенти бостон низ адибону намояндагон ширкат доштанд. Шоистаи таҳсин аст, ки баргузор кардани чунин озмун барои рӯзномаи «Ҷумҳурият» анъана шуда. Дар ин нишаст намояндаи Дастгоҳи иҷроияи Президенти Ҷумҳурии Тоҷикистон  Мансур Абдуллозода аз ҳадафҳои озмун, хизматҳои бесобиқа ва қаҳрамониҳои устод Айнӣ дар ҳифзи забони модарӣ чун рукни давлати миллӣ, саҳми шоистаи Президент Эмомалӣ Раҳмон  дар рушди минбаъдаи забон – чун сарвати миллӣ ҳарф зад. Ва шунидани овози устод Айнӣ, ҳидоятҳояшон барои ҳифзи забон, адабиёти ҳазорсола нишотангезу ҳаяҷонбахш буд. Ин ҳамоиш ба ҷашни зебо, хотирмон ва ибратомӯзи иди забон бо ширкати аҳли зиёи саросари ҷумҳурӣ табдил ёфт. Ҳам меҳмонон, ҳам мизбонон аз баракати озмуни Нашрияи расмии Ҷумҳурии Тоҷикистон, рӯзномаи бароям бисёр гиромӣ – «Ҷумҳурият» танҳо хотираи нек, ҳиссу ифтихори бештар гиромӣ доштани забони модариву Ватан армуғон гирифтанд. Танҳо бо арзи сипос метавон зикр кард, ки рӯҳи устоди зиндаёд Садриддин Айнӣ ва пирони сухани гузаштаамон шод шуд ва хонанда низ барои ҳимояи асолати забони давлатӣ сабақи хуб гирифт.
Абдулҳамид САМАД,
Нависандаи халқии Тоҷикистон


Баёни ақида (0)    Санаи нашр: 28.11.2017    №: 244    Мутолиа карданд: 600

19.07.2018


Мулоқоти Исматулло Насредин бо Томас Гремингер

Баррасии масъалаи ҳифзу нигоҳдории оби пок

Эълони озмун бо мақсади дастгирӣ ва ҳавасмандии ҷавонони соҳибистеъдод

КУМИТАИ РУШДИ МАҲАЛ. РОҲАНДОЗИИ РЕЙТИНГИ МИЛЛИИ ФАЗОИ САРМОЯГУЗОРӢ

ПЕШГИРИИ ВОРИДОТИ 42,8 ТОННА МОҲИИ ПАСТСИФАТ

ГЕОЛОГИЯ. НИЗОМИ РАҚАМӢ ҶОРӢ МЕШАВАД

ҶОЙИ КОР МУШКИЛИИ № 1 - И ХАТМКУНАНДАГОН

САТҲИ ПАСТИ ДОНИШ БОИСИ ХОРИҶ ГАРДИДАНИ ДОНИШҶӮЁН ШУД

ЛЕВАКАНТ. ОЗМУНЕ БАРОИ ИБРАТ

КӮЛОБ 1,2 МИЛЛИОН СОМОНӢ БАРОИ ИСТЕҲСОЛИ ЛИБОСИ МАКТАБӢ

18.07.2018


ФЕСТИВАЛИ ТОБИСТОНАИ ДУШАНБЕ. ИҚДОМИ НАВ ҶИҲАТИ РУШДИ САЙЁҲӢ ВА ФАРОҒАТИ МЕҲМОНОНУ СОКИНОН

12 ҲАЗОРУ 482 ҶИНОЯТ ДАР ШАШ МОҲ

ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ДМТ. ҲАМКОРИҲОИ БАЙНАЛМИЛАЛӢ ГУСТАРИШ МЕЁБАНД

БАРНОМАИ ДАВЛАТИИ ЭКОЛОГӢ МАРҲИЛА БА МАРҲИЛА ТАТБИҚ МЕГАРДАД

ШАҲРИ ВАҲДАТ. МАҲСУЛОТИ САНОАТӢ 3 МИЛЛИОН СОМОНӢ АФЗУД

Варзиш

17.07.2018


Мулоқоти Қоҳир Расулзода ва Абдулло Орипов дар Фарғона

Ҷаласаи мушовараи мақомоти корҳои дохилӣ баргузор шуд

Ҷумҳурии Мардумии Чин дар Тоҷикистон 3 мактаби нав месозад

Мунтахаби Тоҷикистон – ғолиби мусобиқаи Ҷоми шаҳрдории Остона

Ҷаҳон дар як сатр

Путин гуфтушунид бо Трампро бобарор номид

Трамп аз натиҷаҳои вохӯриаш бо Путин нақл кард

Ҳалокати мардуми осоиштаи афғон дар ҳоли афзоиш аст

Ҳангоми чемпионати ҷаҳон 25 миллион киберҳамла пешгирӣ шуд

16.07.2018


Мулоқоти Сироҷиддин Муҳриддин бо Пратибҳа Меҳта

Машварати муовинони вазирони корҳои хориҷии кишварҳои аъзои СҲШ

Баррасии тақвияти ҳамкориҳо бо Бонки ҷаҳонӣ

РОҒУН. Бунёди иншооти нав ба муносибати 30-солагии Истиқлолияти давлатӣ

ФАРОНСА – чемпиони ҷаҳон

Ҷаҳон дар як сатр

Трамп ҷонибдори роҳандозии муносибот байни ИМА ва Британия бо Русия ва Чин аст

Чин соли 2020 «қудрати донорӣ» мешавад


Дар сомонаҳои дигари Тоҷикистон хонед