logo

ҳуқуқ

ҲАДАФ - ТАЪМИНИ ФАЗОИ ЭМИН АЗ ФАСОД

Пешгирӣ, ошкор намудан ва ба ҷавобгарӣ кашидани гурӯҳҳои ҷиноятпеша ва шахсони алоҳида, ки ба содир намудани ҷиноятҳои коррупсионӣ ва иқтисодии хусусияти коррупсионидошта даст мезананд,   самти  асосии  фаъолияти Агентии назорати давлатии молиявӣ  ва мубориза  бо коррупсияи  Ҷумҳурии Тоҷикистонро  ташкил  медиҳад.   Раёсати Агентии  назорати давлатии молиявӣ  ва мубориза  бо коррупсияи  Ҷумҳурии Тоҷикистон дар  Вилояти   Мухтори  Кӯҳистони  Бадахшон    дар  ин   росто  фаъолияти  босамар  дорад.

Наврӯззода  Азамат Имомқул, сардори ин раёсат дар ВМКБ, дар  суҳбат  бо  хабарнигори рӯзнома зикр  кард, ки бо вуҷуди пурзӯр намудани  мубориза  бо  ин  вабои  аср,   ҳанӯз  дар  вилоят ҳодисаҳои  содир  шудани онҳо  на  танҳо  кам  нашудааст, балки  дар  мавридҳои  алоҳида рӯ ба афзоиш дорад.  Соли 2017  аз тарафи  мутахассисони шуъбаи назорати давлатии молиявӣ  бо  мақсади  ошкор намудани   амалҳои  ғайриқонунӣ  ва  коррупсионӣ 57  тафтишу санҷишҳои фаъолияти молиявию хоҷагӣ  ба анҷом расидааст.
Дар рафти тафтишу санҷишҳо дар  идораву  муассисаҳои  вилоят  ба маблағи 4  миллиону 394  ҳазор  сомонӣ зарари молиявӣ ошкор гардид. Аз  ҷумла,  қариб  ба 700  ҳазор  сомонӣ  харҷҳои  ғайриқонунии  моливу  пулӣ   роҳ  дода, 1  миллиону  583   ҳазор  сомонӣ  воситаҳои  пуливу  молӣ  тасарруф шудааст. Аз зарарҳои  молиявии  ошкоргардида  бештар  аз 2  миллиону 400  ҳазор  сомонӣ  рӯёнда  шуда, 1,6 миллион  сомонӣ  ба  Буҷети  давлат  ва  717  ҳазор  сомонӣ ба  ҳисоби худи корхонаву  ташкилотҳо  барқарор  гардид.
Ҷиҳати  чораҷӯӣ ва баррасӣ намудани маводи тафтишӣ 33 – тои он  бо маблағи умумии зарари молиявии бештар аз 3  миллиону  189  ҳазор сомонӣ  ба мақомоти ҳифзи ҳуқуқ  пешниҳод шуд. Ҳамчунин,  дар  ҷараёни  тафтишу санҷишҳо  дар муассисаҳои  вилоят ба андозаи 1 миллиону 396 ҳазор сомонӣ  ҳодисаҳои  истифодаи ғайримақсадноки маблағҳо  ошкор гардиданд.
Наврӯззода  Азамат  афзуд, ки таҳлил ва омӯзиши содиршавии ҷиноятҳои коррупсионӣ ва иқтисодии хусусияти коррупсионидошта нишон медиҳад, ки  дар вилоят дар нуҳмоҳа 156  адад ҷинояти хусусияти коррупсионидошта содир  шудааст, ки  ин  нисбат  ба  ҳамин  давраи  соли  гузашта  зиёд  аст.   
Аз ҷониби  бахши тафтишотии  раёсат  33  парвандаи ҷиноятӣ  ба  истеҳсолот  қабул  гардида, 33 парванда   аз ҷониби худи  муфаттишони  раёсат  оғоз шудааст. Маблағи  зарари  маводи  парвандаҳои ҷиноятӣ ва  маводи  аз  оғози  парвандаи  ҷиноятӣ  радкардашуда   бештар  аз  1  миллиону 121 ҳазор сомониро  ташкил  медиҳад  ва  дар  ҷараёни  тафтишот  аз  он    бештар  аз 294  ҳазор   сомонӣ барқарор  карда  шуд. 
Дар  самти  пешгирии  коррупсия  низ   раёсат фаъолияти  пурсамар  дорад.   Дар  ин  давра  аз ҷониби кормандон 31  адад ҳуқуқвайронкунии маъмурӣ вобаста ба коррупсия ба қайд гирифта шуд.  Ин  ҳуқуқвайронкунандагон   тибқи қонунгузории ҷумҳурӣ  ба  ҷавобгарӣ  кашида  шуда, нисбат ба онҳо ба маблағи  34400  сомонӣ ҷарима татбиқ ва   аз  он  27200 сомонӣ аллакай ба буҷет ворид гардид.
Ҷараёни  иҷрои  “Стратегияи  муқовимат  бо  коррупсияи  Ҷумҳурии  Тоҷикистон  барои  солҳои  2013 - 2020”  дар  мақомоти  иҷроияи  маҳаллии ҳокимияти давлатии шаҳри  Хоруғ  ва  ноҳияҳои   Дарвоз, Мурғоб, Ишкошим  ва  Роштқалъа,  фаъолияти  комиссияҳои  ҷамъиятӣ  дар  онҳо  ва  идораву  муассисаҳо  санҷида  шуда, ҷиҳати   ислоҳи  камбудиҳои  ошкоркардашуда ба  унвони масъулон  34  дастури  хаттӣ  ирсол  гардид, ки  дар  натиҷаи  баррасии  онҳо  6  нафар  вайронкунандагони  қонун  аз  вазифа  озод  ва 54  нафар  мавриди  муҳокима  қарор  гирифтанд.
Раҳмони  ГУЛЗОР, “Ҷумҳурият”


Баёни ақида (0)    Санаи нашр: 30.11.2017    №: 245    Мутолиа карданд: 639

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед