logo

маориф

КӮҲИСТОНИ МАСТЧОҲ. АВЛАВИЯТ БА СОҲАИ МАОРИФ

Дар  ноҳия 34 муассисаи таълимӣ, аз ҷумла 25 муассисаи таҳсилоти миёнаи умумӣ, 8 умумии асосӣ ва 1 мактаб - интернат фаъолият дорад. Шумораи умумии хонандагон 5721 нафар буда, ба онҳо 608 нафар омӯзгор таълим медиҳад.
Сафар Салимов, мудири шуъбаи маорифи ноҳияи Кӯҳистони Мастчоҳ, зимни суҳбат иброз дошт, ки барои беҳтар шудани сифати таълим бунёди мактаб дар деҳаи Эсизи Ҷамоати деҳоти Иван - Тоҷик барои 320 хонанда, синфхонаҳои иловагӣ дар назди муассисаи таҳсилоти миёнаи умумии № 11 идома доранд. Корҳои сохтмонии муассисаҳои таълимӣ дар деҳаҳои Дашт, Ғукат, Табушн ва сохтмони 5 синфхонаи иловагӣ дар муассисаи томактабӣ бо фарогирии 72 ҷойи нишаст дар деҳаи Дашт ба тариқи ҳашар оғоз гардиданд. Бо дастгирии Вазорати маориф ва илми Ҷумҳурии Тоҷикистон соли ҷорӣ сохтмони муассисаи таълимии дуошёна дар деҳаи Дашти Оббурдон давом дошта, корҳои лоиҳакашии толори варзишӣ дар назди муассисаи таҳсилоти миёнаи умумии № 2, деҳаи Пастиғав, ба анҷом расонда шуд. Бо саҳми сокинони деҳаи Валиғонд лоиҳаи мактаби замонавии дуошёна омода ва барои оғози корҳои сохтмонӣ ба Вазорати маориф ва илми ҷумҳурӣ пешниҳод гардидааст.
Дар ноҳия ду кӯдакистон бо фарогирии 80 нафар тарбиятгиранда фаъолият менамояд, ки бо тамоми ҷиҳози замонавӣ таъминанд. Соли равон 4 маркази инкишофи кӯдак ба фаъолият шурӯъ кард, ки 112 нафар ба тарбия фаро гирифта шудаанд. Ин марказҳо аз тарафи ташкилоти ҷамъиятии «Глобус», ки дар назди Вазорати маориф ва илми кишвар фаъолият менамояд, бо таҷҳизоти  зарурӣ таъмин гардиданд.
Сафар Салимов, зикр кард, ки омодагии муассисаҳои таълимии ноҳия ба давраи тирамоҳу зимистон зери назорати доимӣ қарор дорад. То имрӯз 43,3 метри мураббаъ тирезаи мактабҳо оинабандӣ гардида,165 метри мукааб ҳезум ва 358 тонна ангишт захира шудааст.
Ба гуфтаи Саноаддин Шарофов, мудири кабинети методии шуъбаи маорифи ноҳия, бо вуҷуди дастовардҳои назаррас то ҳол дар баъзе муассисаҳои таълимии деҳоти дурдаст, аз ҷумла Роғ, Палдорак, Ланглиф, Ярд, тагобаҳои Оббурдон - Ронҷ, Инбеф, Резгиф омӯзгорони забони англисӣ ва фанҳои дақиқ - математика ва химия намерасанд. Мушкилоти дигар аз як деҳа ба деҳаи дигар рафтани хонандагон аст. Онҳо маҷбуранд, баъди хатми муассисаи таҳсилоти умумии асосӣ ба муассисаи таҳсилоти миёнаи умумии дигар деҳа, ки дар масофаи 3 - 4 километр воқеъ гардидааст, рафта таҳсилро идома диҳанд.
Барои ҳалли ин мушкилот дар ноҳия тадбирҳои зарурӣ андешида шудаанд. Бо дастгирии мақомоти маҳаллӣ ду муассисаи таълимӣ ба муассисаи таҳсилоти миёнаи умумӣ табдил ёфта, ба ҳамин шакли таҳсил гузарондани ду муассисаи таълимии дигар дар назар аст.
С. МУНАВВАР, «Ҷумҳурият»


Баёни ақида (0)    Санаи нашр: 30.11.2017    №: 245    Мутолиа карданд: 888
12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД


Дар сомонаҳои дигари Тоҷикистон хонед