logo

ҳуқуқ

СУҒД. НИГАРОНӢ АЗ ҒАЙРИҚОНУНӢ ҶУДО КАРДАНИ ҚИТЪАИ ЗАМИН

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни  сафари корӣ ба вилояти Суғд, дар нимаи аввали моҳи ноябр, таваҷҷуҳи раисони шаҳру навоҳии вилоятро вобаста ба иҷрои қонунгузории замин ва меъморию шаҳрсозӣ ҷалб намуда, истифодаи самараноки ҳар як порча заминро таъкид доштанд. Ҳамзамон, аз масъулон тақозо шуд, ки ба ғайриқонунӣ ҷудо кардани қитъаи замин ва истифодаи ғайримақсадноки он нуқта гузоранд.
Сарвари давлат дар мулоқот бо фаъолони вилоят, кормандони мақомоти ҳифзи ҳуқуқро вазифадор карданд, ки ҳолати иҷрои қонунгузории замин ва шаҳрсозию меъмориро боз ҳам пурзӯр намоянд. Дар ин росто, ахиран ҷаласаи ҳайати мушовараи прокуратураи вилояти Суғд доир шуд, ки дар он масоили вобаста ба ҳолати иҷрои қонунгузории замин, муроҷиатҳои шахсони воқеию ҳуқуқӣ ва шаҳрсозию меъморӣ дар фаъолияти мақомоти иҷроияи маҳаллии ҳокимияти давлатӣ, кумитаҳои заминсозӣ, сохторҳои меъморию шаҳрсозӣ ва ҷамоатҳо таҳлил ва мавриди баррасии ҷиддӣ қарор гирифтанд.
Ҳабибулло Воҳидов, прокурори вилояти Суғд, зикр кард, ки ҳолати риояи талаботи қонунгузории замин дар ҳудуди вилоят то андозае беҳтар гардида бошад ҳам, то ҳанӯз дар фаъолияти мақомоти иҷроияи маҳаллии ҳокимияти давлатӣ, кумитаҳои идораи замин, сохторҳои меъморию шаҳрсозӣ, ҷамоатҳои шаҳраку деҳот ва шаҳрвандон қонуншиканиҳои зиёд, аз қабили ғайриқонунӣ рад намудан ё бе баррасӣ мондани муроҷиатҳо, ғайриқонунӣ ҷудо намудани қитъаи замин, ҷойгир намудани биною иншоот бар хилофи нақшаҳои генералӣ ҷой доранд.
Дар шаҳру ноҳияҳои вилоят ҳолатҳои бар хилофи талаботи қонунгузории замин, қоидаю меъёрҳои шаҳрсозӣ ҷудо ва вобаста намудани қитъаҳои замин аз ҷониби раисони шаҳру ноҳияҳо ҷой дошта, дар давраи таҳлилӣ ба 194 қарори раисони шаҳру ноҳияҳо вобаста ба замин эътироз оварда шудааст. Муайян гардидааст, ки аз ҷониби шахсони ҳуқуқӣ ва воқеӣ бо дағалона вайрон намудани талаботи Кодекси шаҳрсозӣ, бе мавҷуд будани иҷозат барои оғоз намудани корҳои сохтмонӣ, ҳуҷҷати лоиҳавии тасдиқшуда, хулосаи мусбии экспертизаи ҳуҷҷатҳои лоиҳавӣ ва хулосаи экспертизаи экологӣ ба сохтмони бино ва иншоот, бахусус биноҳои баландошёнаи истиқоматӣ оғоз кардаанд.
Чунин ҳолатҳо дар шаҳру ноҳияҳои Хуҷанд, Спитамен, Ашт, Ҷаббор Расулов, Мастчоҳ, Исфара, Конибодом ва Зафаробод ошкор шуда, шахсони воқеӣ ва ҳуқуқӣ дар асоси қарорҳои прокуратура ба ҷавобгарии маъмурӣ кашида шудаанд. Инчунин, дар шаҳри Хуҷанд ҳолатҳое ошкор гаштаанд, ки ҳангоми ҷудо намудани қитъаҳои замин, лоиҳакашӣ ва сохтмони биноҳои баландошёна меъёру қоидаҳои шаҳрсозӣ дағалона вайрон гардида, майдончаҳои бозии кӯдакон ва истироҳати пиронсолон, таваққуфгоҳ барои воситаҳои нақлиёт ба инобат гирифта нашудааст.
Дар шаҳру ноҳияҳои Панҷакент, Спитамен, Ҷаббор Расулов, Зафаробод ва Хуҷанд бошад, ҳолатҳои аз ҷониби масъулони комиссияҳои қабул ғайриқонунӣ қабул намудани иморату иншооти ба талаботи қонунгузорӣ ҷавобгӯ набуда, ошкор шуд. Дар натиҷа 12 санади ғайриқонунӣ қабулшуда бекор ва раисони комиссияҳои қабул дар шаҳрҳои Конибодом ва Панҷакент бо моддаи 430 Кодекси ҳуқуқвайронкунии маъмурии Ҷумҳурии Тоҷикистон ба ҷавобгарии маъмурӣ ва 12 нафар аъзои ин комиссияҳо ба ҷавобгарии интизомӣ кашида шуданд.
Дар маҷмӯъ, аз ҷониби мақомоти прокуратураи вилоят 22 пешниҳод, 12 амр ва 72 эътироз бароварда шуда, бо қарорҳои прокуророн 28 нафар ба ҷавобгарии маъмурӣ ва 157 нафар ба ҷавобгарии интизомӣ кашида шуда, 8 парвандаи ҷиноятӣ оғоз шудааст.  
Ҷовиди АШТӢ, «Ҷумҳурият»


Баёни ақида (0)    Санаи нашр: 04.12.2017    №: 247    Мутолиа карданд: 596

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед