logo

маориф

ТОҶИКОБОД. БОЗ ЯК МАКТАБИ НАВ БУНЁД ГАРДИД

Вобаста ба зиёд шудани аҳолии кишвар ҳамасола дар гӯшаву канори ҷумҳурӣ зарурати сохтани муассисаҳои наву замонавии таълимӣ ба миён меояд. Бинобар ин, рушди соҳаи маориф яке аз самтҳои муҳими фаъолияти Ҳукумати ҷумҳурӣ ба ҳисоб рафта, он барои беҳтар намудани вазъи таълиму тарбия ва фароҳам овардани шароити хуби таълимӣ барои хонандагон нигаронда шудааст. Муассисаҳои таълимие, ки дар замони шӯравӣ сохта шудаанд, куҳнаю фарсуда гашта, дигар ба талаботи рӯз ҷавобгӯ нестанд. Аз ин лиҳоз, тибқи нақшаи Ҳукумати ҷумҳурӣ марҳила ба марҳила муассисаҳои таълимии нав ва мувофиқ ба стандартҳои байналмилалӣ сохта ба истифода дода мешаванд.
Яке аз чунин муассисаҳо таълимгоҳи № 12 - и ноҳияи Тоҷикобод мебошад, ки соли 1980 сохта шуда, аз 13 синфхона иборат буд. Он солҳои охир дар ҳолати садамавӣ қарор дошт. Вобаста ба фарсуда гаштани бино ва тангии синфхонаҳояш дар кори таълиму тарбия мушкилоти зиёде эҷод менамуд. Хонандагон аз нарасидани ҷойи нишаст танқисӣ мекашиданд. Хушбахтона, бо фармоиши Бунёди миллии иҷтимоии маблағгузории Тоҷикистон ва бо ҷалби сармоягузории Бонки олмонии рушд хонандагони муассиса соҳиби бинои наву замонавӣ гардиданд. Барои сохтмони муассисаи нави таълимӣ 1 миллиону 852 ҳазору 109 сомонӣ масраф гардид. Аз ҳисоби аҳолии маҳаллӣ низ ба маблағи зикршуда 2 дарсад илова карда шуд.
Дар маросими ба истифода супурдани бинои нави муассиса Нодираи Маҳмадисо, раиси ноҳияи Тоҷикобод, Фатҳиддин Усмонзода, муовини вазири маориф ва илми Ҷумҳурии Тоҷикистон, Найтхарт Хёфер – Виссинг, сафири Ҷумҳурии Федеролии Олмон дар Тоҷикистон, иштирок ва суханронӣ намуданд. Сокинони Ҷамоати деҳоти Қалъаи Лаби Об аз дастгирӣ ва ғамхориҳои пайвастаи Пешвои миллат арзи сипос намуда, бинои мазкурро дар арафаи Соли нави милодӣ  ҳамчун туҳфаи беҳтарин қабул намуданд.
Бинои нави муассисаи таълимӣ аз ду ошёна иборат буда, барои 384 нафар хонанда дар ду баст  пешбинӣ гардидааст. Он аз 8 синфхона, хонаи муаллимон ва синфхонаи компютерӣ иборат мебошад. Бунёди бинои мазкурро Ҷамъияти дорои масъулияташ маҳдуди «Ғайрат» дар муддати як сол ва бо сифати баланд ба анҷом расонид.
Қобили зикр аст, ки хонандагон баробари соҳиби бинои нав гардидан, бо таҷҳизоти зарурии гармидиҳӣ ва маводи сӯзишворӣ таъмин шуданд. Муассиса аз ҳисоби ташкилоти мазкур ҷиҳати зимистонгузаронӣ пурра бо ангишт таъмин карда шуд.
Хонандагони муассиса дар синфхонаҳои гарму барҳаво ба таҳсил фаро гирифта шуда, дар фазои сулҳу осоиш шукри истиқлоли Ватан ва Пешвои муаззами миллати худро менамоянд.
Дилшод АМИРОВ,  «Ҷумҳурият»


Баёни ақида (0)    Санаи нашр: 11.12.2017    №: 251    Мутолиа карданд: 630

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед