logo

ҳуқуқ

ҶИНОЯТ БОЗ СЕ НАФАРРО БА ЗИНДОН БУРД

Суди ноҳияи Шоҳмансури шаҳри Душанбе Алишер Абдуллоев, сокини шаҳри Душанбе, Аббас Разик Ашраф ва Калимутху Балакулентхиран шаҳрвандони Ҷумҳурии Шри - Ланкаро дар содир намудани кирдорҳои ҷиноятӣ муҷрим шинохта, онҳоро ба муҳлати 2 солу шаш моҳӣ аз озодӣ маҳрум сохт.
Суд таҳти раисии Сурайё Ҷобирзода, парвандаҳои ҷиноятиро нисбат ба маҳкумшудагон баррасӣ намуда, муайян кард, ки Алишер Абдуллоев, менеҷери меҳмонхонаи «Дошан - Хостел» бо мақсади ба даст овардани даромади муфт бо шаҳрванди  Ҷумҳурии  Шри - Ланка  Аббас Разик Ашраф шинос шуда, оқибат ба содир намудани кирдорҳои ҷиноятӣ даст заданд. Онҳо 6 апрели соли равон дар Фурудгоҳи байналмилалии Душанбе шаҳрванди Ҷумҳурии Шри - Ланка Калимутху Балакулентхиранро қабул намуда, ба меҳмонхонаи мазкур оварданд. Аббас Разик Ашраф дар рафти вохӯрӣ ба Алишер Абдуллоев гуфтааст, ки Калимутху бо мақсади ба давлатҳои Аврупо рафтан ба Ҷумҳурии Тоҷикистон омадааст. Ӯ дар Дубай тавассути Рави ном шахс раводиди Ҷумҳурии Олмонро аз 21 июли соли 2010, ки муҳлаташ гузашта будааст, дастрас кардааст. Бинобар ин, Аббас Разик аз Алишер Абдуллоев хоҳиш кардааст, ки дар Фурудгоҳи байналмилалии Душанбе шиносе пайдо кунад, то ки бар ивази додани пора Калимутхуро бе мамониат аз шаҳри Душанбе ба шаҳри Франкфурти Ҷумҳурии Олмон фиристанд.
Аббас Разик ба Алишер бар ивази чунин хизматаш маблағи 1800 долларро ваъда кард. Алишер Абдуллоев ба ин пешниҳод розӣ шуда, бо мақсади амалӣ намудани кирдори ҷиноятӣ дар Фурудгоҳи байналмилалии Душанбе бо сардори басти назорати сарҳадии фурудгоҳ капитан Исломиддин Раҳимов вохӯрда, шиносоӣ пайдо кард. Дар рафти шиносоӣ мақсадашро баён карда, барои иҷро кардани ин амал ба ӯ 1000 доллари амрикоӣ пешниҳод менамояд. И. Раҳимов баъди чанд муддат ба ин пешниҳод розигиашро дод. Алишер бо мақсади пайдо кардани намояндаи фурудгоҳ бо Шаҳриёр Худоиев, ки вазифаи агенти ширкати ҳавопаймоии «Сомон - Эйр» - ро бар дӯш дошт, шинос шуда, оид ба ҳуҷҷатгузорӣ ва ҷойи нишасти барҳаво додан ба Калимутху гуфтугӯ мекунад.
20 майи соли 2017 ҳангоми гузарондани чорабиниҳои оперативӣ - ҷустуҷӯӣ, пас аз гузаштани Калимутху аз сарҳади давлатии Ҷумҳурии Тоҷикистон ва дар рафти додани пора аз ҷониби Алишер Абдуллоев ба Исломиддин Раҳимов ҳар ду, яъне Алишер ва Калимутху аз ҷониби кормандони амният дастгир гардиданд. Инчунин, 21 майи соли 2017 Аббас Разик Ашраф аз ҷониби кормандони Кумитаи давлатии амнияти миллии Ҷумҳурии Тоҷикистон, ҳангоми кӯшиши фирор аз ҳудуди Ҷумҳурии Тоҷикистон дар Фурудгоҳи байналмилалии Душанбе дастгир шудааст.
 Мунаввари САФАР, “Ҷумҳурият”


Баёни ақида (0)    Санаи нашр: 12.12.2017    №: 252    Мутолиа карданд: 433

17.10.2018


РАШТ. Гусели 40 нафар ба хизмати ҳарбӣ

ТОҶИКОБОД. Ду коргоҳи нав дар хизмати сокинон

Вусъати омодагиҳо дар ноҳияи Спитамен

НОҲИЯИ РӮДАКӢ. 414 иншоот бунёд меёбад

ВАРЗИШГАРОНИ ТОҶИК ДАР ҚУВВАОЗМОИИ ҶАҲОНӢ

Бозиҳои олимпии наврасон. МЕДАЛИ НУҚРАИ БЕЖАН

16.10.2018


Тасдиқи нақшаи чорабиниҳо оид ба шинондани ниҳолҳо

Мунтахаби Тоҷикистон дар мусобиқаи "Bangabandhu Gold Cup" ҷои дувумро гирифт

БОЗИҲОИ ОЛИМПИИ НАВРАСОН. Мо соҳиби медал шудем

10.10.2018


Ҷаласаи Шӯрои вазирони мудофиаи кишварҳои узви ИДМ баргузор мешавад

Таҳкими ҳамкориҳои Бонки миллии Тоҷикистон ва БАТР

Дар Душанбе Фестивали байналмилалии «Чакан» доир мегардад

СУҒД. Бунёд ва таъмири 110 иншооти фарҳангӣ

РАШТ. Сохтмони 140 иншоот

РОШТҚАЛЪА. Вусъати созандагӣ

“SLOW FOOD”. Муаррифии гулмоҳии амударёӣ ва оши палов

МУНТАХАБИ ТОҶИКИСТОН ДАР ФИНАЛИ МУСОБИҚАИ "BANGABANDHU GOLD CUP"

09.10.2018


БАЛҶУВОН. Рӯ ба рушд

РАШТ. Авлавият ба ҳифзи муҳити зист

ТАНЗИМ. Қонуншиканон 25 ҳазор сомонӣ ҷарима шуданд

Сипоси сарвари ОПЕК Муҳаммад Баркиндо аз Владимир Путин

Сарони Россия ва Ӯзбекистон ҳамкории дуҷонибаро баррасӣ карданд

Неруҳои эътилофи байналмилалӣ дар Афғонистон амнияти интихоботро таъмин месозанд

Лондон зери об мемонад?

Ҷаҳон дар як сатр

08.10.2018


Даҳ соли минтақаҳои озоди иқтисодӣ

ЧЕМПИОНАТИ ОСИЁ. Мунтахаби Тоҷикистон – барандаи медалҳои нуқра

ДЗЮ-ДО. Натиҷаҳо аз Ҷоми Президенти Тоҷикистон

"ПАЛАНГИ ТИЛЛОӢ". Ғалабаи Ҷомӣ Ҳасанов

Сафари расмии Владимир Путин ба Ҳиндустон

Трамп ба вохӯрияш бо Путин дар Хелсинки баҳои баланд дод

Дар Туркия ҳамоиши чорҷониба оид ба Сурия баргузор мегардад

Селфи бо марг бозӣ кардан аст

Ҷаҳон дар як сатр


Дар сомонаҳои дигари Тоҷикистон хонед