logo

иқтисод

БОХТАР. МЕҲНАТИ АҲЛОНА САМАРИ БЕШТАР ОРАД

Дар натиҷаи андешидану амалӣ сохтани  тадбирҳои судбахш дар ин давра нақшаи даромади буҷети ноҳия 101,6 дарсад иҷро гардида, он ба ҷойи 26 миллиону 495 ҳазору 954 сомонии  нақшаи пешбинишуда  26 миллиону 907 ҳазору 837 сомонӣ  ворид гардид.
Ҳаҷми умумии истеҳсоли маҳсулот дар ноҳия ба 951 миллиону 477 ҳазору 900  сомонӣ расонда шуд.
Дар шароити имрӯза соҳаи кишоварзӣ омили асосии таъминкунандаи амнияти озуқаворӣ, манбаи таъмини корхонаҳои коркарди саноатӣ бо ашёи хоми маҳаллӣ, бахши ташаккулдиҳандаи иқтидори содирот ба хориҷӣ кишвар ва муҳимтар аз ҳама, заминаи ташкили ҷойҳои нави корӣ ба шумор меравад. Бо  ин мақсад мақомоти иҷроияи маҳаллии ҳокимияти давлатии ноҳия ба таҷдиди сохтори хоҷагиҳо, соҳиби саҳмгардондани онҳо, ташкили хоҷагиҳои деҳқонии инфиродӣ ва соҳиби ҳақиқии замин гардидани деҳқонон аҳамияти хосса дода, дар заминаи хоҷагиҳои калон хоҷагиҳои нави деҳқонӣ ташкил карда истодааст, ки ба беҳтар шудани сатҳи зиндагии мардум мусоидат мекунад.
Кишоварзони ноҳия дар майдони 11481 гектар замин кишти пунбадона гузаронда, дар натиҷаи дуруст ба роҳ мондани маъракаи пахтачинӣ дар ҳудуди ноҳия  истеҳсоли дурнамои супурдани пахтаро ба санаи 1 ноябри соли равон ба 25412 тонна расонданд, ки нисбати дурнамо 105, 2 фоиз ва нисбати соли гузашта 1263 тонна пахта бештар истеҳсол карда шудааст.
Ҳамчунин, кишоварзон дар  майдони 1954 га ғалладона, 1123 га сабзавот, 212 га картошка, 174 га зироатҳои полизӣ, 2574 га зироатҳои хӯроки чорво ва ғайра кишт намуданд, ки нисбат ба ҳамин давраи соли гузашта зиёд мебошад.
Содироти маҳсулоти кишоварзӣ то ин давра ба 3209 тонна расонда шуд, ки 100,2 фоизи дурнаморо ташкил менамояд.
Баҳри дар амал татбиқ намудани дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба вусъат бахшидан ба корҳои бунёдкорию созандагӣ дар ноҳия сохтмони 68 биною иншоот ба нақша гирифта шуда, то ин давра 8 адади он мавриди истифодабарӣ қарор дода шуд, ки аз он 4 адад маркази савдо ва хизматрасонӣ, 1 адад дорухона, 1 адад китобхона, 1 адад ошхонаи миллӣ ва 1 адад корхонаи хурди истеҳсолист.  Дар маҷмӯъ дар даҳ моҳи сипаригашта дар ноҳия  2213 адад ҷойҳои нави корӣ таъсис дода шудааст,
Мусаллам аст, ки баҳри пешравии ҷомеа яке аз масъалаҳои муҳими соҳаи маънавиёт ин таълиму тарбияи насли наврас мебошад.
Имрӯз дар ноҳия 63 муассисаи таълимӣ амал мекунад. Ҳамаи онҳо пурра аз ҳисоби буҷети ноҳия ва кумитаи падару модарон аз таъмир бароварда шуда, ба фасли зимистон пурра омодаанд.
Хонандагони муассисаҳои таҳсилоти миёнаи умумии ноҳия дар олимпиадаи вилоятӣ иштирок намуда, соҳиби 9 медали тилло, 8 медали нуқра ва 49 медали биринҷӣ ва дар олимпиадаи ҷумҳуриявӣ соҳиби 2 медали тилло, 3 медали  нуқра ва 10 медали биринҷӣ гаштаанд.
Бо мақсади беҳтар намудани вазъи хизматрасонии фарҳангӣ ба аҳолӣ ва баланд бардоштани фарҳанги миллӣ дар ноҳия 8 кохи фарҳанг, 28 китобхона, 1 мактаби мусиқии бачагона, 1 боғи фарҳангию истироҳатӣ ва 1 филармонияи халқӣ фаъолият менамояд, ки дар баргузории чорабиниҳои фарҳангию сиёсӣ саҳми арзандаи худро мегузоранд.
Ҳамин тавр, бо шинохти рисолату эҳсоси масъулият сокинони ноҳия ва масъулон баҳри пешрафту зебоию шукуфоии як гӯшаи Ватани маҳбубамон аҳлона меҳнат менамоянд. Албатта, дар ин ҳол меҳнат натиҷаи дилхоҳ медиҳад ва барои боло бурдани сатҳи зиндагӣ мусоидати бештар мекунад.
Фикр мекунам, ки соли оянда нисбат ба ин сол боз ба дастовардҳои бештару муҳим ноил мегардем. Барои ин тамоми имкониятҳо мавҷуд аст.
Ҷаббори ҒАФФОР,
раиси ноҳияи Бохтар


Баёни ақида (0)    Санаи нашр: 12.12.2017    №: 252    Мутолиа карданд: 419

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед