logo

иқтисод

САВДОИ КӮЧАГӢ. БА БЕХАТАРИИ МАҲСУЛОТ КӢ КАФОЛАТ МЕДИҲАД?

Танзими  бозори доруворӣ, назорати давлатии  сифати маҳсулоти табобатӣ, аз ҷумла ороишию гигиенӣ ва таъмини аҳолӣ бо маводи бехавфу манфиатбахш аз масъалаҳои муҳими иҷтимоӣ маҳсуб меёбанд. Дар ин самт Ҳукумати ҷумҳурӣ пайваста чораҳои зарурӣ роҳандозӣ намуда, фаъолияти ташкилоту муассисаҳои марбута тадриҷан ҷоннок гардонда мешавад.

Хадамоти назорати давлатии фаъолияти фармасевтӣ бо мақсади ҳифзи ҳуқуқ ва манфиати шаҳрвандон, таъмини риояи талаботи қонунгузорӣ, пешгирӣ ва бартараф сохтани ҳуқуқвайронкуниҳо  санҷиши кори муассисаҳои дорусозӣ ва фурӯши маводи дармонбахширо дар Ҷумҳурии Тоҷикистон қатъӣ назорат мебарад. Бо вуҷуди ин, чунончӣ, имрӯзҳо мушоҳида мегардад, маводи зикршуда дар дохили бозорҳо ва назди дуконҳои сари роҳ болои ароба паҳну парешон дар ҳолати ғайрисанитарӣ ба фурӯш гузошта мешаванд.
Султон Бекмуродзода, сардори хадамот, гуфт, ки айни замон ин мушкилӣ яке аз масъалаҳои ҳалталаби соҳа аст. Дар ин маврид чанд маротиба  ба вазорату идораҳои дахлдор ва роҳбарияти бозорҳо ҷиҳати пешгирии роҳи савдои кӯчагии маводи ороишию гигиенӣ мактуб ирсол намудем.   Мутахассисони  шуъбаи маводи ороишию гигиении хадамот низ назорати сифатро дар нуқтаҳои савдо ба роҳ монданд. Вале роҳи рафъи мушкилии мазкур танҳо аз мо вобаста нест. Дар ин самт маърифати соҳибкорон нақши муҳим мебозад. Бояд соҳибкорон доир ба соҳа тасаввурот дошта бошанд ва масъулият ҳис кунанд. Маъмурияти  бозорҳо низ бояд  нагузоранд, ки соҳибкорон  дар мавзеъҳо ва дуконҳои ғайрисанитарӣ маҳсулоти атриёту ороиширо ба муомилот бароранд, хусусан дар канори роҳу гузаргоҳҳо ва болои қуттиҳо.
Ҳалима Мавлонова, директори иҷроияи ҶДММ “Бозори Корвон, изҳор дошт, ки чунин мушкилот дар гирду атрофи бозор дида мешавад, аммо дар дукону мағозаҳои дохили он  назорат пурзӯр карда шудааст.
Ба гуфтаи Нуралӣ Гулзода, мудири шуъбаи назорати давлатии маводи ороишию гигиении хадамот, дар доираи татбиқи  қонунҳои Ҷумҳурии Тоҷикистон “Дар бораи маводи доруворӣ ва фаъолияти фармасевтӣ”, “Дар бораи сертификатсиякунонии маҳсулот ва хизматрасонӣ” давоми нуҳ моҳи соли ҷорӣ бо сабаби ҷой доштани камбудию қонуншиканиҳо дар фурӯши маводи ороишию атриётӣ  121 соҳибкор аз ҷониби хадамот амрнома гирифт.  Ҳамчунин, аз 55 соҳибкор мутобиқи моддаи 121, 122 Кодекси ҳуқуқвайронкунии маъмурӣ ба андозаи  118000 сомонӣ ҷарима ситонда шуд. Дар рафти назорати сифати маҳсулоти табобатӣ  аз фурӯшгоҳҳо 600 номгӯй  маводи муҳлатгузашта,  қалбакию  бе сертификати мутобиқат ба  миқдори беш аз 56 ҳазор адад мусодира ва сӯзонда шуд. Дар асоси аризаи соҳибкорон 903 номгӯй ё  қариб 27 ҳазор маводи ороишию гигиенӣ ва ғизои кӯдакон, ки   муҳлати истеъмолашон гузашта буд, аз тарафи хадамот нобуд гардид. Дар ин муддат аз ҷониби мутахассисони шуъба фаъолияти 49 нуқтаи фурӯше, ки ба талаботи стандартҳои меъёрии ҳуқуқии харидуфурӯш ва нигоҳдории маҳсулоти мазкур  ҷавобгӯй набуданд, боз дошта шуданд.
- Мушкили  асосӣ аз саҳлангории мудирони дуконҳои савдо ва фурӯшандаҳои маводи ороишию гигиенӣ сар мезанад. Аз  тарафи баъзеи онҳо қоидаҳои нигоҳубини маводи ороишию гигиенӣ на ҳама вақт риоя мегардад, - гуфт, С. Бекмуродзода. - Аз ин рӯ, баланд бардоштани фарҳангу малакаи касбии соҳибкорон дар самти савдои  маводи ороишию гигиенӣ ва  назорати қатъии бозори истеъмолӣ бояд яке аз самтҳои муҳими мақомоти интизомӣ, хусусан Хадамоти назорати давлатии фаъолияти фармасевтӣ бошад, ки мо инро ҳамеша дар назар дорем.
Шаҳбоз АБРОР,
«Ҷумҳурият»


Баёни ақида (0)    Санаи нашр: 14.12.2017    №: 253    Мутолиа карданд: 487

20.10.2018


 ИДМ. Нозирони навраси тоҷик дар мақоми аввал

 Болоравии тавлидоти маҳсулоти саноатӣ

Рушди чорводорӣ

КАРТОШКАПАРВАРӢ. Талошҳо самар медиҳанд

 "Подоши амал" дар фестивали байналмилалӣ

 Дар ноҳияи Восеъ беш аз 200 иншоот месозанд

ҶОМИ ТОҶИКИСТОН. Ғалабаҳои "Истиқлол" ва "Хуҷанд"

17.10.2018


РАШТ. Гусели 40 нафар ба хизмати ҳарбӣ

ТОҶИКОБОД. Ду коргоҳи нав дар хизмати сокинон

Вусъати омодагиҳо дар ноҳияи Спитамен

НОҲИЯИ РӮДАКӢ. 414 иншоот бунёд меёбад

ВАРЗИШГАРОНИ ТОҶИК ДАР ҚУВВАОЗМОИИ ҶАҲОНӢ

Бозиҳои олимпии наврасон. МЕДАЛИ НУҚРАИ БЕЖАН

16.10.2018


Тасдиқи нақшаи чорабиниҳо оид ба шинондани ниҳолҳо

Мунтахаби Тоҷикистон дар мусобиқаи "Bangabandhu Gold Cup" ҷои дувумро гирифт

БОЗИҲОИ ОЛИМПИИ НАВРАСОН. Мо соҳиби медал шудем

10.10.2018


Ҷаласаи Шӯрои вазирони мудофиаи кишварҳои узви ИДМ баргузор мешавад

Таҳкими ҳамкориҳои Бонки миллии Тоҷикистон ва БАТР

Дар Душанбе Фестивали байналмилалии «Чакан» доир мегардад

СУҒД. Бунёд ва таъмири 110 иншооти фарҳангӣ

РАШТ. Сохтмони 140 иншоот

РОШТҚАЛЪА. Вусъати созандагӣ

“SLOW FOOD”. Муаррифии гулмоҳии амударёӣ ва оши палов

МУНТАХАБИ ТОҶИКИСТОН ДАР ФИНАЛИ МУСОБИҚАИ "BANGABANDHU GOLD CUP"

09.10.2018


БАЛҶУВОН. Рӯ ба рушд

РАШТ. Авлавият ба ҳифзи муҳити зист

ТАНЗИМ. Қонуншиканон 25 ҳазор сомонӣ ҷарима шуданд

Сипоси сарвари ОПЕК Муҳаммад Баркиндо аз Владимир Путин

Сарони Россия ва Ӯзбекистон ҳамкории дуҷонибаро баррасӣ карданд

Неруҳои эътилофи байналмилалӣ дар Афғонистон амнияти интихоботро таъмин месозанд

Лондон зери об мемонад?

Ҷаҳон дар як сатр

08.10.2018


Даҳ соли минтақаҳои озоди иқтисодӣ

ЧЕМПИОНАТИ ОСИЁ. Мунтахаби Тоҷикистон – барандаи медалҳои нуқра


Дар сомонаҳои дигари Тоҷикистон хонед