logo

иқтисод

ИҚТИСОДИЁТИ ҒАЙРИНАҚДӢ. МУШКИЛОТ ВА ДУРНАМО

Таҷрибаи ҷаҳонӣ нишон медиҳад, ки истифодаи оммавии кортҳои пардохт дар марказҳои савдою хизматрасонӣ ба шаффоф гаштани амалиёти молиявӣ, зиёдшавии ҳаҷми амонатҳо, ҳамчунин коҳишёбии иқтисодиёти пинҳонӣ, сарфаи хароҷот ва вақт, хеле мусоид аст. Кишварҳои Шарқ, аз ҷумла Тоҷикистон, дар амалисозии ин низом дар  марҳилаи аввал қарор доранд. Айни замон дар ҷумҳурӣ наздик ба 19 дарсади аҳолӣ соҳиби кортҳои пардохти бонкӣ мебошанд.

Ин масъала дар Форуми «Роҳ ба сӯйи иқтисодиёти ғайринақдӣ», ки дар шаҳри Душанбе бо иқдоми Бонки миллии Тоҷикистон ва ҳамкории низомҳои пардохти байналмилалии «Visa International» ва «UnionPay International», ҳамчунин, ташкилотҳои қарзӣ баргузор гардид, мавриди баррасӣ қарор гирифт.
Лола Салимова, муовини раиси Бонки  миллии Тоҷикистон, иброз дошт, ки дар ҷумҳурӣ барои ташкили фаъолияти низоми пардохт, тартиби пешниҳод намудани хизматрасониҳои пардохтӣ ва фароҳам омадани шароити мусоид ба тараққиёти низоми пардохт қабули Қонуни Ҷумҳурии Тоҷикистон «Дар бораи хизматрасониҳои пардохтӣ ва низоми пардохтӣ» замина гузошт. Барои такмили низоми пардохт, таъмини соҳибихтиёрӣ ва коҳиш додани хавфи таъсири омилҳои беруна ба инфрасохтори пардохтии мамлакат ҳанӯз 6 сол қабл Бонки миллии кишвар маркази протсессингии Низоми пардохти миллии (НПМ) “Корти миллӣ”- ро созмон дода буд. Дар доираи санадҳои меъёрӣ ташкилотҳои қарзие, ки ба барориш ва хизматрасонии кортҳои пардохтии бонкӣ машғуланд, ба таври ҳатмӣ бояд хизматрасонии кортҳои миллиро амалӣ намоянд. Соҳибони кортҳои пардохти миллӣ имкон доранд, ки аз шабакаи васеи терминалии ташкилотҳои қарзии ватанӣ истифода баранд.
- Солҳои охир дар ҷумҳурӣ шабакаи терминалии ташкилотҳои қарзӣ мунтазам афзоиш ёфта, шумораи истифодабарандагони кортҳои пардохт бештар шуда истодааст. Давоми даҳ моҳи соли равон аз ҷониби 16 ташкилоти қарзии ватанӣ 1 700 707 корти пардохти бонкӣ ба муомилот бароварда шуд, ки нисбат ба соли гузашта 5,5 дарсад зиёд мебошад, - гуфт Шуҳрат Салоҳиддинов, сардори идораи назорати низоми пардохти Бонки миллии Тоҷикистон. - Аммо истифодаи самараноки кортҳои пардохт дар муассисаҳои савдою хизматрасонӣ ҳамчун воситаи ҳисоббаробаркунии ғайринақдӣ ҳанӯз  ба талабот ҷавобгӯ нест. Бештари кортҳои пардохт барои гирифтани нафақа ва музди меҳнати корхонаҳои буҷетианд ва шаҳрвандон онҳоро ҳамчун воситаи гирифтани пули нақд истифода мебаранд.
Барои вусъат додани ҳисоббаробаркунии ғайринақдӣ дар фурӯшгоҳҳо шумораи терминалҳои электронӣ зиёд карда шуда, дар даҳ моҳи соли ҷорӣ ташкилотҳои қарзӣ 1 699 терминал нисбат ба ҳамин давраи соли гузашта 1070 адад зиёд насб карданд. Дар назар аст, ки то охири сол ин шумора ба 1800 адад хоҳад расид.
Ба гуфтаи коршиносон, дар пешрафти иқтисодиёти ғайринақдӣ сатҳи норасоии маълумотнокии аҳолӣ оид ба аҳамияти истифодаи кортҳои пардохт, технологияҳои муосир, мутахассисон ва саҳмгузории ширкату ташкилотҳои қарзии маҳаллӣ нақши муҳим мебозанд.
О. ВАФОБЕК, «Ҷумҳурият»


Баёни ақида (0)    Санаи нашр: 14.12.2017    №: 253    Мутолиа карданд: 421

17.10.2018


РАШТ. Гусели 40 нафар ба хизмати ҳарбӣ

ТОҶИКОБОД. Ду коргоҳи нав дар хизмати сокинон

Вусъати омодагиҳо дар ноҳияи Спитамен

НОҲИЯИ РӮДАКӢ. 414 иншоот бунёд меёбад

ВАРЗИШГАРОНИ ТОҶИК ДАР ҚУВВАОЗМОИИ ҶАҲОНӢ

Бозиҳои олимпии наврасон. МЕДАЛИ НУҚРАИ БЕЖАН

16.10.2018


Тасдиқи нақшаи чорабиниҳо оид ба шинондани ниҳолҳо

Мунтахаби Тоҷикистон дар мусобиқаи "Bangabandhu Gold Cup" ҷои дувумро гирифт

БОЗИҲОИ ОЛИМПИИ НАВРАСОН. Мо соҳиби медал шудем

10.10.2018


Ҷаласаи Шӯрои вазирони мудофиаи кишварҳои узви ИДМ баргузор мешавад

Таҳкими ҳамкориҳои Бонки миллии Тоҷикистон ва БАТР

Дар Душанбе Фестивали байналмилалии «Чакан» доир мегардад

СУҒД. Бунёд ва таъмири 110 иншооти фарҳангӣ

РАШТ. Сохтмони 140 иншоот

РОШТҚАЛЪА. Вусъати созандагӣ

“SLOW FOOD”. Муаррифии гулмоҳии амударёӣ ва оши палов

МУНТАХАБИ ТОҶИКИСТОН ДАР ФИНАЛИ МУСОБИҚАИ "BANGABANDHU GOLD CUP"

09.10.2018


БАЛҶУВОН. Рӯ ба рушд

РАШТ. Авлавият ба ҳифзи муҳити зист

ТАНЗИМ. Қонуншиканон 25 ҳазор сомонӣ ҷарима шуданд

Сипоси сарвари ОПЕК Муҳаммад Баркиндо аз Владимир Путин

Сарони Россия ва Ӯзбекистон ҳамкории дуҷонибаро баррасӣ карданд

Неруҳои эътилофи байналмилалӣ дар Афғонистон амнияти интихоботро таъмин месозанд

Лондон зери об мемонад?

Ҷаҳон дар як сатр

08.10.2018


Даҳ соли минтақаҳои озоди иқтисодӣ

ЧЕМПИОНАТИ ОСИЁ. Мунтахаби Тоҷикистон – барандаи медалҳои нуқра

ДЗЮ-ДО. Натиҷаҳо аз Ҷоми Президенти Тоҷикистон

"ПАЛАНГИ ТИЛЛОӢ". Ғалабаи Ҷомӣ Ҳасанов

Сафари расмии Владимир Путин ба Ҳиндустон

Трамп ба вохӯрияш бо Путин дар Хелсинки баҳои баланд дод

Дар Туркия ҳамоиши чорҷониба оид ба Сурия баргузор мегардад

Селфи бо марг бозӣ кардан аст

Ҷаҳон дар як сатр


Дар сомонаҳои дигари Тоҷикистон хонед