logo

иқтисод

АМНИЯТИ ОЗУҚАВОРӢ. ТАДБИРҲОИ СУДМАНД РОҲАНДОЗӢ МЕШАВАНД

Иззатулло САТТОРӢ,
вазири кишоварзии Ҷумҳурии Тоҷикистон
 

Вазорати кишоварзии кишвар дар зарфи 11 моҳ сиёсати аграрии Ҳукумати Ҷумҳурии Тоҷикистон ва  дастуру супоришҳои дар Паём (22 декабри соли 2016) ибрознамудаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар амал татбиқ намуда, ҷиҳати рушди соҳа, азхудсозии заминҳои нав, беҳтар кардани ҳолати мелиоративии заминҳо ва ба гардиши кишоварзӣ ворид намудан, инчунин, зиёд кардани майдони боғу токзор нақшаю тадбирҳои судмандро роҳандозӣ намуд.
Соли 2017, ки ба соли дастовардҳои назарраси кишоварзони ҷумҳурӣ табдил ёфт,  бештар аз тухмиҳои истеҳсоли ватанӣ, чорвои ба шароитҳои маҳалҳо мутобиқшуда истифода бурда, назорати рафти корҳои таъмиру омодасозии техникаҳо ба кишти барвақтӣ, ҳосилғундорӣ ва такрорӣ пурзӯр карда, ба хоҷагидорон ёрии амалӣ расонда  шуд.
Пахтапарварӣ мисли солҳои қаблӣ яке аз манбаи асосии баланд бардоштани иқтисодиёти мамлакат, таъмини корхонаҳои коркард бо ашёи хом, рушди содирот ва бо ҷойи кор таъмин намудани аҳолӣ мебошад. Аз ин рӯ, кишти ин зироати асосӣ дар 173979 гектар анҷом дода шуд, ки нисбат ба соли пешин 11421 гектар зиёд аст.
Соли ҷорӣ пахтакорон то 24 ноябр 394 ҳазору 171 тонна ҳосил ҷамъоварӣ карданд, ки баробари 111,6 дарсади иҷроиши дурнаморо ташкил дода, нисбат ба ҳамин давраи соли гузашта 121 ҳазору 158 тонна зиёд мебошад. Боиси хурсандист, ки дар 26 соли соҳибистиқлолӣ аввалин маротиба иҷрои дурнамои пахта бомуваффақият ва барзиёд таъмин гашт.
Дар дигар соҳаҳо низ дастовардҳо назаррасанд. Чунончи, дар ҳама шаклҳои хоҷагидорӣ истеҳсоли ғалладона ба 1 миллиону 364 ҳазору 614 тонна расонда шуд. Истеҳсоли сабзавот 1815245 тонна, картошка 769021, меваҷот 391328, ангур 220746 ва зироатҳои полизӣ 619093 тоннаро ташкил додааст, ки  қисми зиёди он барои қонеъ сохтани талаботи аҳолӣ, таъмини корхонаҳои коркард ва содирот равона гардид.
Баҳри амалисозии «Барномаи рушди соҳаи боғу токпарварӣ дар Ҷумҳурии Тоҷикистон барои солҳои 2016 - 2020» дар талу теппаҳо 4261 гектар боғу токзори нав бунёд шуд. Барқарорсозии боғу токзори мавҷуда низ муташаккилона идома дорад. Самараи ҷаҳди зиёди боғу токпарварон аст, ки маҳсули заҳмати онҳо дастархони аҳолии кишварро пур карда, ба хориҷа низ содир шудааст.
Ҷиҳати таъмини амнияти озуқавории мамлакат, ки дар Паёми Сарвари давлат ироа шуда буд, тадбирҳо оид ба кам кардани талафот ва нигоҳдории меваю сабзавот ва бо нархҳои дастрас таъмин намудани бозорҳои дохилӣ чораҳои дахлдор роҳандозӣ гардид.
Аз ҷумла, новобаста ба вазъи мураккаби иқтисодиёти ҷаҳонӣ ва таъсири он ба иқтисодиёти кишварҳо, бо ташаббуси соҳибкорони ватанӣ ва ташкилоти ғайридавлатӣ 212 сардхонаю анбори ғунҷоишашон 273139 тонна ва бо технологияи муосир ҷиҳозонда, бо иқтидори 35519 тонна мавриди истифода қарор дода шудааст.
Аз рӯйи ҳидоят ва дастурҳои Ҷаноби Олӣ, муҳтарам Эмомалӣ Раҳмон ҷиҳати дар муҳлатҳои хуб анҷом додани киштукор, ҳосилғундорӣ ва кишти такрории зироатҳо парки трактории хоҷагиҳо ба 26326 адад расонда шуд. Имсол маблағҳои аз тарафи Ҳукумати мамлакат ҷудогардида, бештар барои хариди техника ва мошинолоти кишоварзӣ, аз ҷумла комбайнҳои ғаллаю шолидарав, тракторҳои чархдор ва шудгоркунанда, тракторҳои хурди махсус барои кор дар байни боғу токзорҳо, шинондан ва ҷамъоварии пиёз, картошка, шолӣ ва ташкили марказҳои хизматрасонии техникӣ равона  шуданд.
Бояд тазаккур дод, ки Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон заминаи муҳими ташаккули кишоварзӣ дар ҷумҳурӣ гардида, яке аз ҳадафи асосии Ҳукумат дар таъмини амнияти озуқаворӣ ҳалли худро пайдо намудааст.
Яке аз соҳаҳои асосии кишоварзӣ чорводорист, ки аҳолиро бо маҳсулоти асосии озуқа: гӯшт, шир, тухм, асал, моҳӣ ва саноатро бо ашёи хом таъмин менамояд.
Дар ҳамаи шаклҳои хоҷагидорӣ 2 миллиону 316 ҳазор сар чорвои калон, 5 миллиону 580 ҳазор сар гӯсфанду буз, 80286  сар асп ва 5 миллиону 299 ҳазор  сар паранда мавҷуд аст. Дар соли равон чорводорони кишвар 195356  тонна гӯшт, 799899 тонна шир, 1375 тонна моҳӣ, 6911 тонна пашм, 4000 тонна асал ва 303 миллиону 655 ҳазор дона тухм истеҳсол намуданд, ки афзоиши маҳсулот аз 3 то 6,3 дарсадро ташкил медиҳад.
Баҳри иҷрои Барномаи рушди биотехнологияи чорво дар Ҷумҳурии Тоҷикистон барои солҳои 2013 - 2017», “Барномаи рушди чарогоҳҳои Ҷумҳурии Тоҷикистон барои солҳои 2016 - 2020» ва «Барномаи рушди соҳаи зотпарварӣ ва хушзоткунии чорво дар Ҷумҳурии Тоҷикистон барои солҳои 2016 - 2020» ҷиҳати самаранок татбиқ намудан чораҳои мушаххас андешида мешавад.
Дар ҷумҳурӣ ба соҳаи зотпарварӣ диққати ҷиддӣ дода, ҳоло 71 хоҷагӣ дар ин самт фаъолият дорад, ки вазифаи онҳо таъмини хоҷагиҳои  ҷамъиятию деҳқонӣ бо ҷавонаҳо, асп, чӯҷаи зотӣ, моҳича, кирминамоҳича ва оилаҳои хурди занбӯри асал  мебошад.
Дар соли 2017 Хадамоти назорати давлатии зотпарварӣ барои беҳтар намудани корҳои зотпарварӣ, самаранок истифода бурдани чорвои зотӣ, нигоҳ доштан ва такмил додани фондҳои ирсии намуд ва зотҳои чорво корҳои зиёдро ба иҷро расондааст. Дар  15 хоҷагии зотпарварӣ омӯзиш ва таҳлили ҳолати чорводорӣ ва корҳои зотпарварӣ гузаронда шуданд.
Дар ҳамкорӣ бо муассисаҳои соҳа ва олимони Институти чорводории АИКТ, барои ба тасдиқи давлатӣ омода намудани ҷинси (типи) тоҷикии говҳои зоти сергӯшт, ҳамзамон барои ба  тасдиқи давлатӣ пешниҳод  намудани ҷинси зарафшонии қутосҳо, азназаргузаронӣ, бақайдгирӣ ва баҳодиҳии саршумор заминаи мусоид  фароҳам оварда  шуд.


Баёни ақида (0)    Санаи нашр: 18.12.2017    №: 255    Мутолиа карданд: 268

17.07.2018


Мулоқоти Қоҳир Расулзода ва Абдулло Орипов дар Фарғона

Ҷаласаи мушовараи мақомоти корҳои дохилӣ баргузор шуд

Ҷумҳурии Мардумии Чин дар Тоҷикистон 3 мактаби нав месозад

Мунтахаби Тоҷикистон – ғолиби мусобиқаи Ҷоми шаҳрдории Остона

Ҷаҳон дар як сатр

Путин гуфтушунид бо Трампро бобарор номид

Трамп аз натиҷаҳои вохӯриаш бо Путин нақл кард

Ҳалокати мардуми осоиштаи афғон дар ҳоли афзоиш аст

Ҳангоми чемпионати ҷаҳон 25 миллион киберҳамла пешгирӣ шуд

16.07.2018


Мулоқоти Сироҷиддин Муҳриддин бо Пратибҳа Меҳта

Машварати муовинони вазирони корҳои хориҷии кишварҳои аъзои СҲШ

Баррасии тақвияти ҳамкориҳо бо Бонки ҷаҳонӣ

РОҒУН. Бунёди иншооти нав ба муносибати 30-солагии Истиқлолияти давлатӣ

ФАРОНСА – чемпиони ҷаҳон

Ҷаҳон дар як сатр

Трамп ҷонибдори роҳандозии муносибот байни ИМА ва Британия бо Русия ва Чин аст

Чин соли 2020 «қудрати донорӣ» мешавад

Нахустин дар ҷаҳон рентгени сеҷонибаи ранга сохта шуд

Дар Дачжоу писарчаи аз ошёнаи бистум афтода наҷот ёфт

13.07.2018


Мулоқоти Сироҷиддин Муҳриддин ва Ясмин Гуедар

Баррасии Барномаи дастгирии рушди неруи инсонӣ

Баргузории конфронси «Ҳунарҳои мардумӣ: эҳё, ҳолат, рушд ва дурнамо»

Пирӯзии теннисбози тоҷик дар ИМА

ҶАҲОН ДАР ЯК САТР

Дар СҲШ зарурати тақвияти мубориза алайҳи терроризмро таъкид карданд

Трамп: «Путин рақиби ман аст, лек метавонад дӯст гардад»

Русия сазовори ҷоми макроиқтисодии ҷаҳон шуд

Бонки ҷаҳонӣ: «Бесаводии духтарҳо $30 триллион зарар меорад»

12.07.2018


Мулоқоти Сироҷиддин Муҳриддин ва Чари Атаев

Боздиди Прокурори генералӣ аз Бадахшон

Форуми ҷумҳуриявӣ дар Хоруғ ҷавононро ба ҳам меорад

Озмун бахшида ба Соли рушди сайёҳӣ ва ҳунарҳои мардумӣ

ДАНҒАРА. Ҷамъоварии ҳосили фаровони ғалла

Ҷаҳон дар як сатр


Дар сомонаҳои дигари Тоҷикистон хонед