logo

иҷтимоиёт

БЕМОРИҲОИ МАВСИМӢ Чӣ тавр худро солим нигоҳ дорем?

Зимистон фаслест, ки дар пайи сардиҳо авҷи як қатор бемориҳоро низ ба бор меорад. Табибон як иддаи онҳоро номбар мекунанд, ки мавсимӣ буда, аксаран дар ин вақт хуруҷ менамоянд. Зуком, ларингит, трахеит, сирояти роҳҳои нафас аз зумраи онҳоянд. Мутахассисон аз он изҳори нигаронӣ доранд, ки баъзе нафарон дар сурати  гирифтор шудан ба  ин навъи бемориҳо онҳоро ҷиддӣ намеҳисобанд ва ба табибон  муроҷиат намекунанд. Инчунин, мардум бе таъйиноти духтур аз доруҳои гуногун истифода мебаранд, яъне ба худтабобаткунӣ даст мезананд, ки паёмадаш  нохуб  мебошад. Ин  омил дар соҳа мушкилоти ҷиддиро ба миён овардааст. 
- Мутаассифона,  дар бисёр мавридҳо бемор вақте ба мо муроҷиат мекунад, ки он аллакай дар пайи худ оризаҳои зиёдеро ба вуҷуд овардааст. Ҳоло ҳам дар мо одат нашуда, ки  дар марҳилаи аввали беморӣ ба табиб муроҷиат намоянд. Як муддат  аз доруҳои  гуногун истифода мебаранд. Диданд, ки сиҳатиашон муддати тӯлонӣ барқарор нашуд, баъд назди духтур мераванд, – мегӯяд Маъруфҷон Шодиев, мудири шуъбаи тибби оилавии Маркази саломатии № 12 - и шаҳри Душанбе.
Тибқи тавсияи мутахассисони соҳа  пешгирӣ ва табобати  саривақтии  беморӣ калиди  солимӣ   аст. Аммо бе таъйиноти духтур истифодаи  дору агар як бемориро рафъ созад, дар вуҷуди инсон бемориҳои дигарро ба вуҷуд меорад. Дар робита ба ин мавзӯъ Фирдавс Рауфов, сардори шуъбаи  ташкиливу дастурии Маркази ҷумҳуриявии таълимию клиникии  тибби оилавии кишвар,  мегӯяд: «Яке аз бемориҳое, ки дар фасли зимистон бештар ба назар мерасад, зуком аст. Ин беморӣ сироятӣ буда, тавассути ҳаво паҳн мегардад. Аз ин рӯ, дар як муддати кӯтоҳ ба мардуми зиёде сироят мекунад. Аксар  гирифторони ин беморӣ ба духтур муроҷиат намекунанд. Дар натиҷа чунин нафарон ба оризаҳои гуногун, аз қабили диққи нафас, илтиҳоби шуш ва ташаннуҷи шушҳо гирифтор мешаванд, ки  онҳо марҳилаҳои душвортари беморӣ маҳсуб меёбанду табобаташон низ душвор аст».
Мушкили дигар дар ин самт нагузаштан аз ташхис ва худсарона истифодаи  антибиотикҳо мебошад. Табибон мегӯянд, ки то дақиқ муайян шудани беморӣ шахс набояд аз антибиотикҳо истифода барад. Онҳо натиҷаи ин ҳолатро дар бештари маврид манфӣ  арзёбӣ мекунанд ва андеша доранд, ки дар бунияи инсон устувории зидди микробӣ ё устувории  зидди  антибиотикҳо сурат мегирад.
Пизишкон тавсия медиҳанд, ки дар ҳолати бемор шудан, пеш аз ҳама, ба табиби оилавӣ  бояд муроҷиат кард ва аз тавсияҳои ӯ истифода намуд.
Дар ин самт шаҳрвандон бояд масъулияти бештарро эҳсос намоянд. Дорувор, хусусан антибиотикҳо   бояд, ки баъди гузаштан аз ташхиси пурраи лабораторӣ, дақиқ   муайян шудани беморӣ ва ба даст овардани  дорухати  духтур  истифода гардад. Дар акси ҳол, бар ивази пули зиёде, ки барои харидани дору сарф мегардад, метавон ба саломатӣ ба ҷойи фоида зарар расонд.
Фарзона ФАЙЗАЛӢ, «Ҷумҳурият»


Баёни ақида (0)    Санаи нашр: 26.12.2017    №: 260    Мутолиа карданд: 111

22.01.2018


Мулоқоти Сироҷиддин Аслов ва Владимир Воронков

Баргузории ҷаласаи Комиссия оид ба масъалаҳои иқтисодии ИДМ

Боздиди ҳайати кормандони Сафорати Тоҷикистон аз шаҳраки саноатӣ

Ҳамлаи хунин ба меҳмонхонаи Intercontinental дар Кобул

Хазинаи байналмилалии асъор: «Иқтисоди Русия рӯ ба болоравист»

«Ҷабҳат ан – Нусра» дар Идлиб ба муҳосира гирифта шуд

Ба ҳадди рекордӣ расидани пасандози русиягиҳо

Дар Шведсия бокси ҳирфаиро эҳтимол манъ созанд

18.01.2018


Мулоқоти Сироҷиддин Аслов бо сафири тозатаъйини Озарбойҷон

Ҷамъомади муҳим дар Кумитаи рушди маҳал

Супурдани эътимоднома ба Президенти Беларус

Самтҳои асосии рушди туризм матраҳ гаштанд

Шиносномаи Тоҷикистон дар сархати 81-уми раддабандии байналмилалӣ

Дар Аврупо бидуни Русия сулҳу субот нахоҳад буд

Президенти Миср: «Баҳори арабӣ» ба «хазон шудан» - и 1,4 миллион нафар сабаб гашт»

YouTube тавассути технологияҳои нав 98 дарсади видеоҳои экстремистиро ошкор сохт

Дар баҳри Миёназамин 1400 муҳоҷир наҷот дода шуд

Арманистон минтақаи озоди иқтисодӣ бунёд менамояд

Истифодаи партовҳои электронӣ барои ороишоти заргарӣ

16.01.2018


Мулоқоти Рамазон Раҳимзода ва Найтхарт Хёфер Виссинг

Раҷаббой Аҳмадзода: «Ба бунёди коргоҳҳои истеҳсолӣ таваҷҷуҳ зоҳир карда шавад»

Баргузории конференсияи сайёҳӣ дар Кӯлоб

Озмуни «Беҳтарин тарабхонаи шаҳри Душанбе» баргузор мегардад

ХУҶАНД. Корхонаи истеҳсоли велосипед бунёд мешавад!

Ҷаҳон дар як сатр

Президенти Афғонистон артиши кишварашро бидуни ёрии ИМА нотавон хонд

Сипосгузории Трамп аз Қатар барои «мубориза бо терроризм»

Қазоқистон содироти газро ба Чин афзун мекунад

Испания дувумин кишвари сайёҳии дунё шуд

Дар Арабистони Саудӣ баъди 35 сол кино намоиш медиҳанд

Разведкаи ИМА: «Киштии зериобии «Сан – Хуан» дар они воҳид таркид»

15.01.2018


Баррасии масъалаи содироти маҳсулоти кишоварзӣ ба Қатар

Мулоқоти Маҳмадшариф Ҳақдод ва Леонид Заятс

Ҳамоиш бахшида ба 25 - солагии истиқрори муносибатҳои дипломатӣ


Дар сомонаҳои дигари Тоҷикистон хонед