logo

маориф

ТАҲСИЛОТИ ИЛОВАГӢ. БУРДҲО ВА БОХТҲО

Таҳсилоти иловагӣ ҷараёни мақсадноки таълиму тарбия ба ҳисоб рафта, дар таъмини соҳаҳои гуногуни кишвар бо мутахассисон нақши муҳим мебозад. Ин зинаи таҳсилот  истеъдод ва қобилияти зеҳнию эҷодии насли наврас ва ҷавонро  ташаккул дода, барои интихоби касб ба онҳо кумак мерасонад.

Айни замон дар мамлакат 83 маркази таҳсилоти иловагӣ мавҷуд аст, ки дар онҳо 1524 маҳфил бо фарогирии зиёда аз 50 ҳазор хонанда фаъолият мекунад. Боиси зикр аст, ки таваҷҷуҳи наврасону ҷавонон ба маҳфилҳои забономӯзӣ, «Техникони ҷавон» ва «Сайёҳӣ» рӯз ба рӯз меафзояд. Ҳамчунин, бо мақсади рушди соҳаи сайёҳӣ дар ҳамкорӣ бо Федератсияи сайёҳии кӯҳӣ дар давоми моҳҳои март - июни соли сипаришуда семинар оид ба тайёр кардани роҳбаладон ва дастурдиҳандагони сайёҳии кӯҳӣ дар дараҳои Варзоб ва Ромит гузаронда шуд, ки ин тадбир барои бедор кардани шавқу рағбати хонандагон нисбати соҳа мусоидат менамояд. Ғайр аз ин, дар доираи татбиқи лоиҳаи «Озмоишгоҳи инноватсионии наврасон дар Тоҷикистон» марказҳои таҳсилоти иловагии шаҳри Ваҳдат ва ноҳияи Синои пойтахт бо таҷҳизот муҷаҳҳаз гардиданд. Бо вуҷуди ин, як қатор омилҳое ҳастанд, ки дар кори ин марказҳо монеа эҷод кардаанд. Тавре Умед Сафаров, директори маркази ҷумҳуриявии муассисаҳои таҳсилоти иловагӣ,  иброз дошт, аз 83 марказ 29 - тои он бинои алоҳида надорад.

Осорхонаҳои мактабӣ аз байн мераванд. Чаро?
Яке аз самтҳои фаъолияти марказҳои таҳсилоти иловагӣ омӯзиш ва ташкили осорхонаҳои мактабӣ мебошад, ки онҳо дар азхудкунии корҳои таҳқиқотӣ-ҷустуҷӯӣ ва сайёҳӣ - кишваршиносии насли наврас ва ҷавон нақши бориз доранд. Дар иртибот ба ин, Шаҳриёр Назаров, мудири шуъбаи кишваршиносии маркази ҷумҳуриявии таҳсилоти иловагӣ, гуфт, ки айни ҳол дар мамлакат 144 осорхонаи мактабӣ ба қайд гирифта шудааст, ки 117-тои он фаъолият мекунад. Мутаассифона, кори аксари ин осорхонаҳоро мувофиқи мақсад ба роҳ намондаанд. Масалан, осорхонаҳои мактабии ноҳияҳои Фархор, Ховалинг ва Файзобод, ки қаблан фаъолият менамуданд, бо сабаби ҷудо нагаштани воҳиди корӣ аз байн рафтанд. Дар баробари ин, аксарияти осорхонаҳо дар синфхонаҳо ҷойгир шудаанд, ки дар онҳо барои ҳифзи нигораҳо шароит муҳайё нест.

Чӣ бояд кард?
- Муассисаҳои таҳсилоти иловагӣ дар тобеи мақомоти маҳаллӣ буда, аз буҷаи он маблағгузорӣ мешаванд,- мегӯяд Умед Сафаров. - Бинобар ин, онҳоро мебояд, ки барои таъмини муассисаҳои мазкур бо бинои алоҳидаю додани мустақилияти молиявӣ ва ҷудо намудани воҳидҳои корӣ чораандешӣ кунанд. Ҳамчунин, бештари муассисаҳои мазкур дар маркази шаҳру ноҳияҳо ҷойгиранд. Аз ин рӯ, мақомоти маҳаллиро зарур аст, ки ҷиҳати ташкили маҳфилҳо дар базаи муассисаҳои таҳсилотии деҳаҳои дурдаст  низ тадбирҳо андешанд. Масалан, чунин таҷриба дар шаҳрҳои Бӯстону Исфара натиҷаи хуб дод. Чуноне ки Сарвари давлат дар суханрониашон бахшида ба “Рӯзи дониш” иброз дош-танд: “Мо бояд на танҳо аз марказҳои таҳсилоти иловагӣ самаранок истифода намоем, балки дар заминаи муассисаҳои таҳсилоти миёнаи умумӣ, ибтидоӣ ва миёнаи касбӣ маҳфилҳои гуногуни эҷодиёти техникиву бадеӣ, санъати амаливу ороишӣ, варзишӣ, шоҳмотбозӣ, сайёҳиву кишваршиносӣ, биологиву экологӣ, гуманитарӣ ва монанди инҳоро ба роҳ монем”.
Меҳрангез ҚОДИРОВА, «Ҷумҳурият»


Баёни ақида (0)    Санаи нашр: 02.01.2018    №: 1    Мутолиа карданд: 555

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед