logo

иқтисод

ШАҲРСОЗӢ. ТАРҲҲОИ НАВ РӮИ КОР МЕОЯНД

Раёсати экспертизаи давлатии ғайриидоравии ҳуҷҷатҳои лоиҳавии шаҳрсозӣ ҳангоми санҷиши давлатии ҳуҷҷатҳо  мутобиқати онҳоро ба талаботи санитарӣ, эпидемиологию экологӣ, пешгирӣ аз сӯхтор, бехатарии конструктивӣ, ҳифзи мероси фарҳангӣ ва талаботи дигари санадҳои меъёрии шаҳрсозӣ муайян карда, оид ба лоиҳаҳо хулосаи мувофиқи санҷиши давлатӣ пешниҳод менамояд. 
Ба иттилои Суҳроб Саъдуллозода, сардори раёсати мазкур, давоми  соли 2017 барои ташхис беш аз 500 лоиҳаи иншоот пешниҳод гардида,  ба 450 лоиҳа хулосаи ташхиси давлатӣ дода шудааст. Аз ҷумла, дар доираи татбиқи лоиҳаи иншооти стратегии кишвар – НБО - и Роғун,  имсол бештар аз 380 маҷмӯаи лоиҳавии он баррасӣ гардида, ба онҳо хулосаи санҷиши давлатӣ пешниҳод гардид.  Мутахассисони раёсат ба харҷномаи иншооте, ки аз ҳисоби маблағҳои буҷетӣ сохта мешавад, аҳамияти хосса дода, сарфи мақсадноки маблағҳоро назорат менамоянд. Ҳангоми баррасии лоиҳаҳо ҳолатҳои зиёд шудани харҷномаҳо низ вомехӯранд, ки бо сабабҳои гуногун  фармоишгарону лоиҳакашон дар лоиҳаҳо онро ба ҳисоб намегиранд.
Мувофиқи дастурамали «Тартиби гузарондани экспертизаи давлатии ҳуҷҷатҳои лоиҳавии шаҳрсозӣ» ва Кодекси шаҳрсозии Ҷумҳурии Тоҷикистон лоиҳа дар ҳолати мавҷуд будани маҷмӯи ҳуҷҷатҳои лозимӣ барои баррасии санҷиши давлатӣ қабул карда мешавад. Муҳлати баррасии ҳуҷҷатҳои лоиҳавӣ на зиёда аз як моҳи тақвимӣ муайян гардида, ҳангоми қабули лоиҳа бо фармоишгарон бо ин муҳлат шартнома баста мешавад. Агар лоиҳаҳо дар муҳлати муайянгардидаи шартномавӣ пурра ислоҳ шаванд, ба он хулосаи мусбати санҷиши давлатӣ дода мешавад. Тибқи ин хулоса фармоишгар метавонад иҷозати оғози корҳои сохтмонро гирифта, ба бунёди иншоот оғоз бахшад. Дар сурати аз ҷониби фармоишгар ва ташкилоти лоиҳакаш ислоҳ нагардидани эродҳо ба лоиҳаи баррасишаванда хулосаи манфӣ дода хоҳад шуд, ки фармоишгар барои гирифтани хулосаи мусбӣ бо раёсати экспертизаи давлатӣ бояд қарордоди иловагӣ бандад. Тибқи муқаррароти корӣ кормандони раёсат баррасии ҳуҷҷатҳои лоиҳавиро дар коргоҳ иҷро менамоянд. Дар ҳолати пайдо гардидани ягон масъалаи баҳснок кормандони раёсат барои ҳалли онҳо ба иншоот сафарбар мешаванд.
  -  Барои беҳтар гардондани сатҳи ташхис ва гузаштан ба васоити иттилоотии рақамӣ дар корхона дар баробари мавҷуд будани бойгонии асосӣ, инчунин, бойгонии электронии ҳуҷҷатҳо ва маводи аз ташхис гузарондашуда ташкил карда шудааст. Бо назардошти истифодаи таҷрибаи пешқадами соҳаи лоиҳакашӣ ва санҷишӣ, тасмим гирифтем, ки дар соли ҷорӣ қабул ва баррасии лоиҳаҳоро бо шакли электронӣ ба роҳ монем, - гуфт С. Саъдуллозода.
Барои баррасии лоиҳаҳои дорои аҳамияти муҳим комиссияи кории санҷишгарони соҳавӣ ташкил гардида, баррасии онҳоро коршиносони соҳа анҷом медиҳанд. Дар лоиҳаи биноҳои сохташаванда таъминоти шабакаҳои муҳандисии онҳо, аз ҷумла таъмини гармӣ, барқ, обу корез ва шабакаҳои камшиддат ҳатмӣ буда, аз ҷониби мутахассисони раёсат баррасӣ ва назорат карда мешаванд.
Барои аз байн бурдани номувофиқиҳо ва мутобиқ намудани меъёрҳои шаҳрсозӣ ба талаботи муосир, ҳоло аз ҳисоби намояндагони ташкилотҳои соҳаи меъморӣ, шаҳрсозӣ, мақомоти назорати давлатии санитарию эпидемиологӣ, экологӣ, назорати давлатии сӯхтор ва амсоли инҳо комиссияи босалоҳият ташкил гардидааст. Дуруст муайян намудани талаботи меъёрҳои мазкур дар оянда яке аз омилҳои мувофиқу писандида тарҳрезӣ шудани биноҳои баландошёна мегардад.
У. МУРОД, “Ҷумҳурият”


Баёни ақида (0)    Санаи нашр: 03.02.2018    №: 2    Мутолиа карданд: 421

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд


Дар сомонаҳои дигари Тоҷикистон хонед