logo

қонунҳои ҶТ

ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ТАFЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН «ДАР БОРАИ ТАНЗИМИ ДАВЛАТИИ ИСТЕҲСОЛУ МУОМИЛОТИ СПИРТИ ЭТИЛӢ ВА МАШРУБОТ»

Моддаи 1. Ба Қонуни Ҷумҳурии Тоҷикистон аз 15 майи соли 1997 «Дар бораи танзими давлатии истеҳсолу муомилоти спирти этилӣ ва машрубот» (Ахбори Маҷлиси Олии Ҷумҳурии Тоҷикистон, с. 1997, № 10, мод. 147; с. 1998, №10, мод. 74; с. 2002, № 4, қ.1, мод. 179, мод. 188; с. 2007, № 6, мод. 434, мод. 437; с. 2012, № 7, мод. 722) тағйиру иловаҳои зерин ворид карда шаванд:
1. Моддаи 2 дар таҳрири зерин ифода карда шавад:
«Моддаи 2. Қонунгузории Ҷумҳурии Тоҷикистон дар бораи танзими давлатии истеҳсолу муомилоти спирти этилӣ ва машрубот
Қонунгузории Ҷумҳурии Тоҷикистон дар бораи танзими давлатии истеҳсолу муомилоти спирти этилӣ ва машрубот ба Конститутсияи Ҷумҳурии Тоҷикистон асос ёфта, аз Қонуни мазкур, дигар санадҳои меъёрии ҳуқуқии Ҷумҳурии Тоҷикистон, инчунин санадҳои ҳуқуқии байналмилалие, ки Тоҷикистон онҳоро эътироф намудааст, иборат мебошад.».
2. Моддаи 21 бо мазмуни зерин илова карда шавад:
«Моддаи 21. Амали Қонуни мазкур
Амали Қонуни мазкур нисбат ба машруботе, ки шахси воқеӣ на барои фурӯш истеҳсол кардааст ё спирти этилие, ки шахси ҳуқуқӣ, ё шахсони ҳуқуқӣ дар асоси шартнома аз ашёи хоми гуногун истеҳсол карда, онро дар ҷараёни технологӣ ҳангоми тайёр кардани маҳсулоти ғайримашруботӣ истифода мебаранд, татбиқ намегардад.».
3. Дар қисми якуми моддаи 3:
- дар сархати дуюм калимаи «акцизи» ба калимаи «аксизи» иваз карда шавад;
- дар сархати чорум калимаҳои «лицензиядиҳӣ» ва «лицензиякунии» мувофиқан ба калимаҳои «иҷозатномадиҳӣ» ва «иҷозатномадиҳии» иваз карда шаванд.
4. Дар қисми якуми моддаи 5 калимаи «қаламрави» ба калимаи «ҳудуди» иваз карда шавад.
5. Дар сархати сеюми қисми якуми моддаи 6 калимаи «акцизи» ба калимаи «аксизи» иваз карда шавад.
6. Дар қисми якуми моддаи 7 калимаҳои «ашхоси юридикие» ба калимаҳои «шахсони ҳуқуқие» ва калимаи «лицензияҳои» ба калимаи «иҷозатномаҳои» иваз карда шаванд.
7. Дар моддаи 9:
- дар ном ва матни модда калимаҳои «Акцизи», «акциз» ва «акцизи» мувофиқан ба калимаҳои «Аксизи», «аксиз» ва «аксизи» иваз карда шаванд;
- дар қисми якум калимаи «қонунҳои» ба калимаи «қонунгузории» иваз карда шавад;
- дар қисми сеюм калимаи «қаламрави» ба калимаи «ҳудуди» иваз карда шавад.
8. Дар моддаи 12:
- дар қисми якум калимаи «лицензия» ба калимаи «иҷозатнома» иваз карда шавад;
- қисми дуюм дар таҳрири зерин ифода карда шавад:
«Фурӯши машрубот танҳо дар ҷойҳои муайянкардаи мақомоти иҷроияи маҳаллии ҳокимияти давлатӣ ба роҳ монда мешавад.»;
- дар қисми сеюм:
- дар сархати сеюм калимаи «ашхоси» ба калимаи «шахсони» иваз карда шавад;
- дар сархати чорум калимаи «акцизӣ» ба калимаи «аксизӣ» иваз карда шавад;
- дар қисми чорум калимаҳои «мақомоти ҳокимияти иҷроия дар маҳалҳо (ҳукуматҳо)» ба калимаҳои «мақомоти иҷроияи маҳаллии ҳокимияти давлатӣ» иваз карда шаванд.
9. Дар моддаи 13:
- дар қисми чорум калимаи «лицензия» ба калимаи «иҷозатнома» иваз карда шавад;
- аз қисми панҷум калимаҳои «дар Ҷумҳурии Тоҷикистон» хориҷ карда шаванд.
10. Дар моддаи 14:
- дар қисми якум:
- дар сархати сеюм калимаи «лицензияҳои» ба калимаи «иҷозатномаҳои» иваз карда шавад;
- дар сархати чорум калимаи «акцизӣ» ба калимаи «аксизӣ» иваз карда шавад.
- қисми дуюм хориҷ карда шавад.
11. Моддаи 15 бо мазмуни зерин илова карда шавад:
«Моддаи 15. Ҷавобгарӣ барои риоя накардани талаботи Қонуни мазкур
Шахсони воқеӣ ва ҳуқуқӣ барои риоя накардани талаботи Қонуни мазкур бо тартиби муқаррарнамудаи қонунгузории Ҷумҳурии Тоҷикистон ба ҷавобгарӣ кашида мешаванд.».
Моддаи 2. Қонуни мазкур пас аз интишори расмӣ мавриди амал қарор дода шавад.

Президенти
Ҷумҳурии Тоҷикистон                                                                                             Эмомалӣ РАҲМОН
ш. Душанбе, 2 январи соли 2018, № 1499


Қарори Маҷлиси намояндагони Маҷлиси Олии Ҷумҳурии Тоҷикистон
Дар  бораи  қабул  кардани  Қонуни Ҷумҳурии Тоҷикистон «Оид  ба  ворид  намудани тағйиру иловаҳо ба  Қонуни Ҷумҳурии  Тоҷикистон «Дар бораи  танзими давлатии истеҳсолу муомилоти спирти  этилӣ ва машрубот»

Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими давлатии истеҳсолу муомилоти спирти этилӣ ва машрубот» қабул карда шавад.

Раиси Маҷлиси намояндагони Маҷлиси
Олии Ҷумҳурии Тоҷикистон                                                                                Ш. ЗУҲУРОВ
ш. Душанбе, 2 октябри соли 2017, № 877

Қарори Маҷлиси миллии Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими давлатии истеҳсолу муомилоти спирти этилӣ ва машрубот»

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими давлатии истеҳсолу муомилоти спирти этилӣ ва машрубот»-ро баррасӣ намуда, қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими давлатии истеҳсолу муомилоти спирти этилӣ ва машрубот» ҷонибдорӣ карда шавад.

Раиси Маҷлиси миллии Маҷлиси Олии
Ҷумҳурии Тоҷикистон                                                                                               М. УБАЙДУЛЛОЕВ
ш. Душанбе, 21 декабри соли 2017, № 482


Баёни ақида (0)    Санаи нашр: 08.01.2018    №: 5-6    Мутолиа карданд: 254

20.10.2018


 ИДМ. Нозирони навраси тоҷик дар мақоми аввал

 Болоравии тавлидоти маҳсулоти саноатӣ

Рушди чорводорӣ

КАРТОШКАПАРВАРӢ. Талошҳо самар медиҳанд

 "Подоши амал" дар фестивали байналмилалӣ

 Дар ноҳияи Восеъ беш аз 200 иншоот месозанд

ҶОМИ ТОҶИКИСТОН. Ғалабаҳои "Истиқлол" ва "Хуҷанд"

17.10.2018


РАШТ. Гусели 40 нафар ба хизмати ҳарбӣ

ТОҶИКОБОД. Ду коргоҳи нав дар хизмати сокинон

Вусъати омодагиҳо дар ноҳияи Спитамен

НОҲИЯИ РӮДАКӢ. 414 иншоот бунёд меёбад

ВАРЗИШГАРОНИ ТОҶИК ДАР ҚУВВАОЗМОИИ ҶАҲОНӢ

Бозиҳои олимпии наврасон. МЕДАЛИ НУҚРАИ БЕЖАН

16.10.2018


Тасдиқи нақшаи чорабиниҳо оид ба шинондани ниҳолҳо

Мунтахаби Тоҷикистон дар мусобиқаи "Bangabandhu Gold Cup" ҷои дувумро гирифт

БОЗИҲОИ ОЛИМПИИ НАВРАСОН. Мо соҳиби медал шудем

10.10.2018


Ҷаласаи Шӯрои вазирони мудофиаи кишварҳои узви ИДМ баргузор мешавад

Таҳкими ҳамкориҳои Бонки миллии Тоҷикистон ва БАТР

Дар Душанбе Фестивали байналмилалии «Чакан» доир мегардад

СУҒД. Бунёд ва таъмири 110 иншооти фарҳангӣ

РАШТ. Сохтмони 140 иншоот

РОШТҚАЛЪА. Вусъати созандагӣ

“SLOW FOOD”. Муаррифии гулмоҳии амударёӣ ва оши палов

МУНТАХАБИ ТОҶИКИСТОН ДАР ФИНАЛИ МУСОБИҚАИ "BANGABANDHU GOLD CUP"

09.10.2018


БАЛҶУВОН. Рӯ ба рушд

РАШТ. Авлавият ба ҳифзи муҳити зист

ТАНЗИМ. Қонуншиканон 25 ҳазор сомонӣ ҷарима шуданд

Сипоси сарвари ОПЕК Муҳаммад Баркиндо аз Владимир Путин

Сарони Россия ва Ӯзбекистон ҳамкории дуҷонибаро баррасӣ карданд

Неруҳои эътилофи байналмилалӣ дар Афғонистон амнияти интихоботро таъмин месозанд

Лондон зери об мемонад?

Ҷаҳон дар як сатр

08.10.2018


Даҳ соли минтақаҳои озоди иқтисодӣ

ЧЕМПИОНАТИ ОСИЁ. Мунтахаби Тоҷикистон – барандаи медалҳои нуқра


Дар сомонаҳои дигари Тоҷикистон хонед