logo

иқтисод

КӮҲКОРӢ. ИМКОНИЯТҲОИ РУШД ЗИЁДАНД

Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ ба Маҷлиси Олии Ҷумҳурии Тоҷикистон ба масоили тақвият додани рушди содирот ва тезондани ҷараёни диверсификатсияи истеҳсолоти ба содирот нигаронидашуда аҳамияти махсус дода, аз мақомотҳои дахлдор даъват ба амал оварданд, ки дар баробари коркарди ниҳоии маҳсулоти кишоварзӣ доир ба рушди истихроҷи маъдан ва коркарди металлу сангҳои қиматбаҳо тадбирҳои зарурӣ андешанд.

Албатта, расидан ба ин ҳадаф аз вусъати корҳои иктишофӣ - геологӣ, истихроҷ ва фаъолияти пурсамари экспидитсияҳои геологӣ, ҳамчунин, омӯзиши қувваҳои истеҳсолӣ, бунёди корхонаҳои коркард ва истеҳсол сахт бастагӣ дорад. Дар ин самт геологҳои тоҷик ба натиҷаҳои назаррас ҳам ноил шуда истодаанд. Беш аз 130 кони намуди гуногуни ашёи минералӣ, ба монанди металлҳои рангаю сиёҳ, сангҳои қиматбаҳою ороишӣ, маводи сӯзишворӣ ва сохтмон дар натиҷаи коркард ва истеҳсоли маҳсулоти ниҳоӣ самаранокии рушди иқтисоди миллиро вусъат мебахшад.
Файзуллозода Заробиддин, сардори Саридораи геологияи назди Ҳукумати ҷумҳурӣ, дар ин бора иброз дошт, ки тақвияти иқтидори содиротии кишвар аз ҳисоби истихроҷи маъдан ва коркарди металлу сангҳои қиматбаҳо дар раванди таъсири ҳар гуна фишангҳо ба иқтисодиёти миллӣ айни муддаҳост. Геологҳои тоҷик дар заминаи конҳо ва зуҳуроти дар давраи шӯравӣ кашфшуда тавонистаанд соҳаҳои саноати кӯҳкорӣ, кимиё, сӯзишворию энергетика, саноати  сохтмон ва сангтароширо то андозае пешрафт сохта, дар бунёди даҳҳо корхонаҳои саноати кӯҳӣ саҳм гузоранд. 125 корхонаи нави истеҳсоли масолеҳи сохтмонӣ, 6 корхонаи хурду калони истеҳсоли семент, 80 корхонаи истеҳсоли хишт, 46 корхонаи истеҳсоли регу шағал, 6 корхонаи коркарди санг, 6 корхонаи истеҳсоли оҳаку гаҷ ва ғайра дар баланд бардоштани иқтидори содиротии кишвар ва фароҳам овардани ҷойҳои нави корӣ ҳиссагузоранд. Ба истифода додани корхонаи саноатӣ дар ноҳияҳои Ёвону Бобоҷон Ғафуров, ба кор оғоз кардани корхонаи маъдантозакунии Такоб, коргоҳҳои истеҳсоли гаҷкартон, рангбарорӣ, бунёди корхонаи муосир оид ба коркарди маъдан дар шаҳри Панҷакент, корхонаҳои металлургӣ ва истеҳсоли маҳсулоти оҳан дар шаҳрҳои Ҳисору Истиқлол ва ноҳияи Спитамен, инчунин, корхонаи истихроҷу истеҳсоли тилло дар шаҳри Ваҳдат идомаи мантиқии ин раванди созанда мебошад. Айни замон корхонаҳои сементбарорӣ талаботи бозори дохилиро пурра қонеъ гардонда, содиротро низ ба роҳ мондаанд. Бо назардошти торафт зиёд шудани талаботи кишвар ба ангишт, аз рӯйи маълумотҳо, истеҳсоли он то соли 2018 ба зиёда аз 2 миллион тонна расонда мешавад.
Бунёди корхонаҳои коркарди ниҳоии маҳсулот, хусусан сангҳои қиматбаҳо, ба ҷалби ҳар чи бештари сармояи дохилию хориҷӣ ниёз дорад. Маблағҳои аз Буҷети давлат ба соҳаи геология ҷудогардида, хусусан барои бурдани корҳои иктишофӣ – геологӣ, сол то сол зиёд гардида бошанд ҳам, барои то ҳадди зарурӣ пешрафт сохтани саноати кӯҳӣ нокифоя мебошанд.  Шумораи бештари корхонаҳои кӯҳкорӣ - геологии дар кишвар таъсисёфта бо сармоягузории дохилию хориҷӣ, аз ҷумла кишварҳои Чину Амрико ва Русия, роҳандозӣ шудаанд.
Барои ноил шудан ба дастовардҳои аз ин ҳам баланд ва мутобиқ ба сатҳи байналмилалӣ гузарондани корҳои иктишофӣ – геологӣ ва ниҳоят коркард ва истеҳсол намудани ашёи минералӣ дар ҳамкорӣ бо Созмони заминшиносии Вазорати саноат ва маодини  Ҷумҳурии Исломии Эрон, Хадамоти геологии Чин, Хадамоти геологии Финляндия, Хадамоти геологии Олмон ва давлатҳои ИДМ раванди муҷаҳҳазгардонии соҳа бо таҷҳизот ва воситаҳои техникии замонавӣ ва тайёр намудани мутахассисони баланд- ихтисос идома дорад.
О. ВАФОБЕК,  “Ҷумҳурият”


Баёни ақида (0)    Санаи нашр: 09.01.2018    №: 7    Мутолиа карданд: 283

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр


Дар сомонаҳои дигари Тоҷикистон хонед